Juan 10:6 - Chol: I T’an Dios

⁶ Che' tsi' cha'le t'an Jesús ti lajiya. Jini fariseojob ma'anic tsi' ch'ʌmbeyob isujm i t'an.

Jiñi Tsiji' bʌ Wen T'añ cha'añ Estudio

⁶ Che'ʌch tsi' cha'le t'añ Jesús ti lajiya, pero jiñi fariseojob ma'añic tsi' ch'ʌmbeyob isujm i t'añ.

Chol de Tumbalá Bible

⁶ Che' tsi' cha'le t'an Jesús ti lajiya. Jini fariseojob ma'anic tsi' ch'ʌmbeyob isujm i t'an.

Jiñi Tsiji' bʌ Wen T'añ cha'añ Estudio

⁶ Che' tsi' cha'le t'añ Jesús ti lajiya, pero jiñi fariseojob ma'añic tsi' ch'ʌmbeyob isujm i t'añ.

Chol Tila

⁶ Jesús ti' subeyob jini lajoñel pero mach'an ti' ch'ʌmbeyob isujm tsa' bʌ i subeyob.

Juan 10:6 Iomraidhean Croise

Salmos 106:7

Che' ya' to añob lac tat ti Egipto ma'anic tsi' p'isiyob ti' wenta i p'ʌtʌlel Dios. Mach c'ajalic i cha'añob i yonlel i yutslel. Tsi' ñusʌbeyob i t'an lac Yum ya' ti Chʌchʌc bʌ Ñajb.

Salmos 82:5

Ma'anic mi' ña'tañob, ma'anic mi' ch'ʌmbeñob isujm. Woliyob ti xʌmbal ti ic'ch'ipan bʌ pañimil. Ya' ba' chucul pañimil mi' ñijcan i bʌ.

Proverbios 28:5

Jini jontolo' bʌ ma'anic mi' ch'ʌmbeñob isujm chuqui toj. Jini mu' bʌ i tsajcañob majlel lac Yum mi' lu' ch'ʌmbeñob isujm.

Isaias 56:11

Lajalob bajche' wi'ñal bʌ ts'i' mach bʌ muq'uic i ñaj'an. Ma'anobic i pusic'al jini xcʌnta tiñʌme'ob. Ti jujuntiquilob mi' bajñel ña'tañob chuqui yomob. Mi' bajan sʌclañob i wenlel.

Daniel 12:10

Cabʌl winicob x'ixicob mi caj i ñusañob wocol cha'an mi' sʌq'uesʌntelob. Mi caj i melob i bʌ ti uts'at. Pero jini jontolo' bʌ mi caj i chʌn cha'leñob jontolil. Ma'anic mi caj i ch'ʌmbeñob isujm. Pero jini winicob año' bʌ i ña'tʌbal mi caj i ch'ʌmbeñob isujm.

Mateo 13:34

Jesús tsi' subeyob tempʌbilo' bʌ winicob x'ixicob pejtelel jini t'an ti lajiya tac. Cojach ti lajiya tsi' pejcayob

Mateo 13:51

Jesús tsi' subeyob: ¿Tsa' ba la' wen ch'ʌmbe isujm ti pejtelel? che'en. Tsi' jac'beyob: Tsa' cu, c Yum, che'ob.

Marcos 4:34

Jini jach ti lajiya tsi' pejcayob. Che' añob ti' bajñel yic'ot xcʌnt'añob i cha'an tsi' subeyob pejtelel i sujmlel.

Juan 16:25

Jini t'an tsac subeyetla ti lajiya. Tal i yorajlel che' ma'anic mic chʌn pejcañetla ti lajiya. Mi caj c subeñetla i sujmlel c Tat ti wen tsiquil bʌ t'an.

Juan 16:29

Jini xcʌnt'añob i cha'an tsi' subeyob: Awilan, tsiquilʌch i sujmlel a t'an wʌle. Mach ti lajiyajic woliyet ti t'an.

Juan 6:52

Jini cha'an judíojob cʌlʌx jax tsi' pejcayob i bʌ. Tsi' yʌlʌyob: ¿Bajche' mi mejlel i yʌq'ueñonla i bʌc'tal cha'an mi laj c'ux? che'ob.

Juan 6:60

Cabʌl xcʌnt'añob i cha'an, che' bʌ tsi' yubiyob jini t'an, tsi' yʌlʌyob: Leco i cʌntesʌbal. ¿Majqui mi mejlel i chʌn ubin? che'ob.

Juan 7:36

¿Chuqui i sujmlel jini t'an tsa' bʌ i yʌlʌ Jesús?: “Mi caj la' sʌclañon, ma'anic mi caj la' tajon. Ya' ba' mic majlel, ma'anic mi mejlel la' c'otel”, che'ob.

Juan 8:27

Ma'anic tsi' ch'ʌmbeyob isujm mi woli' taj ti t'an i Tat am bʌ ti panchan.

Juan 8:43

¿Chucoch ma'anic mi la' ch'ʌmben isujm c t'an? Cha'an mach la' womic la' wubin c t'an.

1 Corintios 2:14

Jini mach bʌ anic Espíritu yic'ot, ma'anic mi' ch'ʌmben isujm jini ch'oyol bʌ ti' yEspíritu Dios, come mi' yʌl tonto jax. Mach mejlic i ch'ʌmben isujm, come cojach jini Espíritu mi' yʌq'ueñonla lac ch'ʌmben isujm.

2 Pedro 2:22

Tsi' cha'leyob che' bajche' mi' yʌl jini proverbio ti isujm: “Jini ts'i' mi' sutq'uin i bʌ cha'an mi' cha' mʌc' i xej. Che' pocbilix jini chitam mi' cha' jujc'un i bʌ ti oc'ol”, che'en.

1 Juan 5:20

La cujil tsa'ix tili i Yalobil Dios. Tsa'ix i yʌq'ueyonla lac ña'tʌbal cha'an mi laj cʌn jini mero isujm bʌ. Añonla ti jini mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ anic mi' jilel.