Juan 10:4 - Chol: I T’an Dios

⁴ Che' mi' yujtel i pʌy loq'uel mi' majlel ti ñaxan. Jini tiñʌme' mi' tsajcan jini xcʌnta tiñʌme' come mi' cʌmben i t'an.

Jiñi Tsiji' bʌ Wen T'añ cha'añ Estudio

⁴ Che' mi yujtel i pʌy loq'uel mi' majlel ti ñaxan, jiñi tʌñʌme' mi' tsajcan jiñi xcʌnta tʌñʌme' come mi cʌmben i t'añ.

Chol de Tumbalá Bible

⁴ Che' mi' yujtel i pʌy loq'uel mi' majlel ti ñaxan. Jini tiñʌme' mi' tsajcan jini xcʌnta tiñʌme' come mi' cʌmben i t'an.

Jiñi Tsiji' bʌ Wen T'añ cha'añ Estudio

⁴ Che' mi yujtel i pʌy loq'uel mi' majlel ti ñaxan, jiñi tʌñʌme' mi' tsajcan jiñi xcʌnta tʌñʌme' come mi cʌmben i t'añ.

Chol Tila

⁴ Che' tsa'ix i pʌyʌ loq'uel tiñʌme' ti i corral ñaxan mi majlel ajcʌñʌtya tiñʌme'. Jini tiñʌme' mi' tsʌclen majlel como mi' cʌmben i t'an.

Juan 10:4 Iomraidhean Croise

Cantares 2:8

¿Chuqui jini woli bʌ cubin? Jiñʌch c'uxbibil bʌ c cha'an. Wʌ'ix tilel. Wolix i tijp'el tilel che' bajche' alʌme' ti wits. Mi' tijp'el c'axel ba' japal. Untsa' ti' pat ts'ajc. Wolix i q'uelon ti alʌ puerta.

Cantares 5:2

Che' wʌyʌlon ti ac'ʌlel, tsa' caji ti ch'ojyel c pusic'al ti ñajal. Tsa cubibe i t'an jini c'uxbibil bʌ c cha'an. Wa'al ti' ti' c wʌyib, woli' c'ajtin ochel ba' añon. Jambeñon abi c'uxbibilet bʌ c cha'an, quijñam, x'ujcuts a t'ojol jax bʌ, come tsac ñusa ac'ʌlel ti jumpat. Ach'onix cha'an ye'eb, che'en.

Mateo 16:24

Jesús tsi' sube xcʌnt'añob i cha'an: Mi an majqui yom i tsajcañon, la' i cʌy chuqui yom ti' bajñel pusic'al. La' i ch'ʌm i cruz. La' i tsajcañon.

Juan 10:16

Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Juan 10:27

C tiñʌme'ob mi' yubibeñon c t'an. Joñon mij cʌñob. Mi' tsajcañoñob.

Juan 10:3

Jini xcʌnta corral mi' jamben jini xcʌnta tiñʌme'. Jini tiñʌme' mi' yubiben i t'an i yaj cʌntaya. Mi' pejcan i tiñʌme' ti' c'aba'. Mi' pʌy loq'uel.

Juan 10:5

Ma'anic mi' tsajcan yambʌ winic. Mi' puts'tan, come ma'anic mi' cʌmben i t'an.

Juan 10:8

Pejtelel tsa' bʌ tiliyob ti ñaxan xujch'ob, xchiloñelob. Jini tiñʌme' ma'anic tsi' jac'beyob.

Juan 12:26

Majqui jach yom i cha'libeñon que'tel, la' i tsajcañon. Ya' ba' añon mi caj i yajñel c winic ja'el. Mi an majch mi' cha'libeñon que'tel, ñuc mi caj i q'uejlel cha'an c Tat.

Juan 13:15

Tsac pʌsbeyetla chuqui wen cha'an che'ʌch yom mi la' mel jatetla ja'el che' bajche' tsac melbeyetla.

Juan 18:37

Jini cha'an Pilato tsi' c'ajtibe: ¿Reyet ba che' jini? che'en. Jesús tsi' jac'ʌ: Reyon cu, che' bajche' wola' wʌl. Jini cha'an tsa quila pañimil. Jini cha'an tsa' tiliyon ti pañimil cha'an mi cʌc' ti cʌjñel i sujmlel Dios. Pejtelel majqui mi' ñop i sujmlel mi' yubin c t'an, che'en.

Juan 3:29

Jini mu' bʌ i pʌy i yijñam, jiñʌch xñujpuñijel. Wen tijicña i pusic'al i cʌñʌ bʌ che' an ti' t'ejl jini xñujpuñijel che' mi' yubiben i t'an. Che' jini woli' ts'ʌctiyel i tijicñʌyel c pusic'al ti' tojlel Cristo.

1 Corintios 11:1

Melela che' bajche'on. Joñon ja'el mic mel che' bajche' Cristo.

Efesios 5:1

Tsajcanla i melbal Dios, come c'uxbibil bʌ i yalobiletla.

Deuteronomio 1:30

Jini lac Yum Dios jiñʌch mu' bʌ caj i ñaxan majlel ti la' tojlel cha'an mi' cʌntañetla che' bajche' tsi' coltayetla loq'uel ti Egipto.

Hebreos 12:2

Toj jach yom mi lac tsajcan majlel Jesús mu' bʌ i yʌq'ueñonla lac ñop. Mi caj i ts'ʌctesʌbeñonla ja'el chuqui mi lac ñop. Jesús ma'anic tsi' xoyo i bijlel ti' tojlel wocol, come tsi' q'uele jini tijicña bʌ woli bʌ i pijtan. Jini cha'an tsi' yʌc'ʌ i bʌ ti quisin che' bʌ tsa' chʌmi ti cruz. Tsa' buchle ti' ñoj Dios ya' ti' yumʌntel.

1 Pedro 2:21

Come pʌybiletla cha'an mi la' wubin wocol. Come Cristo ja'el tsi' yubi wocol cha'añonla. Tsi' pʌsbeyonla bajche' yom mi lac mel. Tsajcanla majlel.

1 Pedro 4:1

Cristo tsi' ñusa wocol ti' bʌc'tal cha'añonla. Jini cha'an yom chajpʌbil la' pusic'al cha'an mi la' ñusan wocol ja'el che' bajche' Cristo. Come majqui jach tsi' ñusa wocol ti' bʌc'tal tsa'ix i cʌyʌ i mul.

1 Pedro 5:3

Mach yomic mi la' chañ'esan la' bʌ ti' tojlel jini tiñʌme' año' bʌ ti la' wenta. Pʌsbeñob ti la' melbal bajche' yom mi' melob.