Juan 10:35 - Chol: I T’an Dios

³⁵ Dios tsi' pejca ti diosob jini winicob tsa' bʌ i yubibeyob i t'an Dios. Melelʌch mach mejlic ti jejmel i Ts'ijbujel Dios.

Jiñi Tsiji' bʌ Wen T'añ cha'añ Estudio

³⁵ Dios, tsi' pejca ti diosob jiñi wiñicob tsa' bʌ i yu'bibeyob i t'añ Dios. (Come i ts'ijbujel Dios mach mejlic ti jejmel).

Chol de Tumbalá Bible

³⁵ Dios tsi' pejca ti diosob jini winicob tsa' bʌ i yubibeyob i t'an Dios. Melelʌch mach mejlic ti jejmel i Ts'ijbujel Dios.

Jiñi Tsiji' bʌ Wen T'añ cha'añ Estudio

³⁵ Dios, tsi' pejca ti diosob jiñi wiñicob tsa' bʌ i yu'bibeyob i t'añ Dios. (Come i ts'ijbujel Dios mach mejlic ti jejmel).

Chol Tila

³⁵ Ti ajli ti diosob jini año' bʌ ye'tyel ti ñoj oniyix cha'an ti caj ti' cʌntisʌyob i pi'ʌlob bajche' ts'ijbubil ti' t'an Dios. Che' ti subentiyob ti Dios jini año' bʌ ye'tyel ti ñoj oniyix.

Juan 10:35 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

2 Samuel 7:5

Cucu suben c winic David: “Jiñʌch i t'an a Yum: ¿Mu' ba caj a melbeñon cotot cha'an c chumlib?

2 Reyob 15:12

Che' jini tsa' ts'ʌctiyi i t'an lac Yum Dios tsa' bʌ i sube Jehú: “Mi caj i yumʌntelob ti Israel a walobilob c'ʌlʌl ti' chʌnlajmlel a p'olbal”, che'en. Che'ʌch tsa' ujti.

1 Cronicas 22:8

Tsa' tili i t'an lac Yum ba' añon cha'an mach joñonic mi caj c mel. Tsi' yʌlʌ: “Cabʌl tsa' cha'le tsʌnsa baqui jach tsa' majliyet ti guerra. Jini cha'an mach mejlic a wa'chocobeñon cotot, come tsaj q'uele wen cabʌl tsa' cha'le tsʌnsa.

2 Cronicas 19:2

Jini x'alt'an Jehú (i yalobil Hanani) tsa' tili i taj. Tsa' caji i suben: ¿Yom ba mi laj coltan xmulilob? ¿Yom ba mi laj c'uxbin jini mu' bʌ i ts'aleñob Dios? Che'ʌch tsa' mele jatet. Jini cha'an lac Yum woli' wen mich'leñet.

Mateo 24:35

Mi' caj ti jilel pañimil yic'ot panchan pero mach jilic c t'an.

Mateo 27:35

Tsi' ch'ijiyob ti cruz. Tsi' pucbeyob i bʌ i pislel Jesús. Tsi' cha'leyob yajcaya ti alas cha'an mi' ña'tañob majqui mi caj i ch'ʌm.

Mateo 5:18

Come isujm mic subeñetla, mach mejlic ti sujcuntel loq'uel mi jump'ejlic jota mi jump'ejlic punto ti jini mandar c'ʌlʌl ti' jilibal pañimil yic'ot panchan, c'ʌlʌl jinto mi' ts'ʌctiyel pejtelel i subal.

Lucas 16:17

Mi' mejlel ti jilel panchan yic'ot pañimil, pero mach mejlic ti jilel i c'ʌjñibal mandar mi jump'ejlic punto.

Juan 10:34

Jesús tsi' subeyob: ¿Mach ba ts'ijbubilic ti la' mandar: “Tsac subu: Jatetla diosetla”?

Juan 10:36

Mi che'ʌch tsi' pejca winicob Dios, ¿chucoch, che' jini, mi la' wʌl tsac cha'le p'ajoñel cha'an tsac subeyetla i Yalobilon Dios? Chocbilon tilel i cha'an c Tat. Tsi' yajcayon.

Juan 19:28

Yujilix Jesús ts'ʌctiyemix ti pejtelel. Tsi' yʌlʌ cha'an mi' ts'ʌctiyel i Ts'ijbujel Dios: Tiquinix c ti', che'en.

Hechos 1:16

Quermanojob, wersa mi' ts'ʌctiyel i Ts'ijbujel Dios che' bajche' tsi' yʌlʌ jini Ch'ujul bʌ Espíritu ti wajali ti' yej David cha'an Judas. Jiñʌch Judas tsa' bʌ i toj'esa majlel winicob tsa' bʌ i chucuyob Jesús.

Romanos 13:1

Ti pejteleletla jac'benla i t'an jini año' bʌ i ye'tel ti pañimil, come ch'oyolʌch jini e'tel ti Dios. Dios tsi' wa'choco jini año' bʌ i ye'tel.

Deuteronomio 18:15

Lac Yum Dios muq'uix i wa'chocon juntiquil X'alt'an loq'uem bʌ ti la' tojlel che' bajche' joñon. Mero la' pi'ʌl. Yom mi la' jac'ben i t'an.

1 Samuel 15:1

Samuel tsi' sube Saúl: Lac Yum tsi' chocoyon tilel cha'an mic wa'chocoñet ti rey ti' tojlel Israel. Jini cha'an yomix ma' wen ñich'tʌben i t'an lac Yum.

1 Samuel 28:6

Saúl tsi' pejca lac Yum, pero lac Yum ma'anic tsi' jac'be, mi ti' ñajalic, mi ti x'alt'añobic, mi ti Urimic (xajlel mu' bʌ i pejcan motomaj cha'an mi' ña'tan chuqui yom Dios).

1 Samuel 30:8

David tsi' pejca lac Yum. Tsi' c'ajtibe: ¿Yom ba mic tsajcan majlel ili xujch'ob? ¿Mu' ba caj c tajob? che'en. Lac Yum tsi' jac'be: Cucu tsajcañob majlel. Mu' cu caj a tajob. Che' jini mi caj a coltan jini tsa' bʌ pʌjyiyob majlel, che'en.