Juan 10:16 - Chol: I T’an Dios

¹⁶ Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Jiñi Tsiji' bʌ Wen T'añ cha'añ Estudio

¹⁶ Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Chol de Tumbalá Bible

¹⁶ Anto yambʌ c tiñʌme' mach bʌ ochemic ti jini corral. Wersa mic pʌy tilel ja'el. Mi caj i yubin c t'an. Junmojt jach mi caj i lu' ajñelob yic'ot juntiquil Xcʌnta tiñʌme'.

Jiñi Tsiji' bʌ Wen T'añ cha'añ Estudio

¹⁶ Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Chol Tila

¹⁶ Añʌch yambʌ tiñʌme' je'el max tyo bʌ ochem ti jini corral. Wersa mic pʌyob tyʌlel je'el. Mi quejel i jac'beñon c t'an. Mi quejel i yajñel ti junmujch' ba'an juntiquil jach ajcʌñʌtya tiñʌme'.

Juan 10:16 Iomraidhean Croise

Genesis 49:10

Judá, ma'anic mi caj a chilbentel jini bastón, i yejtal bʌ a yumʌntel. Ti pejtelel ora mi caj i cha'len yumʌl a p'olbal jinto mi' tilel Siloh jini mero yumʌl bʌ. Mi caj i yumañetob pejtel winicob x'ixicob.

Salmos 86:9

Pejtel winicob x'ixicob tsa' bʌ a mele mi caj i tilelob ti mojt ti mojt. Mi caj i ñocchocoñob i bʌ ti a tojlel, c Yum, Cha'an mi' subob i ñuclel a c'aba'.

Eclesiastes 12:11

Lajal i t'an jini am bʌ i ña'tibal bajche' acuxan mu' bʌ i jec'onla. Mi' xic'onla ti wen bʌ lac melbal. Añobʌch i pusic'al mu' bʌ i ñopbeñob i t'an. Lajalob bajche' tiñʌme' mu' bʌ i jac'ben i t'an xcʌntaya.

Isaias 11:10

Ti jim bʌ q'uin mi caj i wa'tʌl i p'olbal David mu' bʌ caj i cha'len coltaya ti pejtelel pañimil. Cabʌl winicob x'ixicob mi caj i jac'ob. Wen uts'atax mi caj i q'uelob i lumal jini Ñuc Bʌ.

Isaias 43:6

Mi caj c pʌy loq'uel calobilob ti norte yic'ot ti sur. Ma'anic mi caj i mʌctʌntelob. Anquese ñajt añob mi caj c pʌyob tilel.

Isaias 49:6

Woli' subeñon: “Mach jinic jach israelob mi caj a pʌyob tic tojlel. Mi caj cʌq'uet che' bajche' i sʌclel pañimil ti' tojlel jini ñajt bʌ chumulob ti mojt ti mojt cha'an mi' tajob i coltʌntel tic tojlel c'ʌlʌl ti petol pañimil”, che'en.

Isaias 52:10

Lac Yum tsa'ix i pʌsʌ ch'ujul bʌ i c'ʌb ti' wut pejtelel tejclum. Ti pejtelel pañimil mi' caj ti tsictiyel laj coltʌntel tilem bʌ ti lac Dios.

Isaias 56:8

Che'ʌch woli' yʌl lac Yum Dios mu' bʌ caj i cha' much'quin jini israelob ba' pam pujquemob. Mi caj c pʌy tilel yaño' bʌ ja'el mach bʌ israelobic, che'en lac Yum.

Ezequiel 34:12

Che' bajche' xcʌntaya mi' sajcan i tiñʌme', che' ja'el joñon mic majlel c sajcan c tiñʌme' ba' pam pujquemob. Mi caj j coltañob loq'uel ti wocol yic'ot ti ic'yoch'an bʌ pañimil.

Ezequiel 34:23

Mi caj cʌc'ob ti' wenta juntiquil Xcʌntaya mu' bʌ caj i cʌntan c tejclum. Jiñʌch jini c Winic David. Mi caj i cʌntañob che' bajche' Xcʌnta tiñʌme'.

Ezequiel 34:6

Tsa'ix laj sajtiyob jini c tiñʌme' ti mate'el yic'ot ti chan tac bʌ wits ti pejtelel pañimil. Tsa' pam pujquiyob. Ma'anic majch tsi' chʌn sajcayob. Ma'anic majch tsi' chʌn ña'tayob ti' pusic'al.

Ezequiel 37:22

Che' jini ti junmojt jach mi caj cʌc'ob ti ajñel ya' ti wits ti Israel. Juntiquil jach jini rey mu' bʌ caj i yumañob. Ma'anix mi caj i t'oxob i bʌ ti cha'mojt.

Ezequiel 37:24

Jini c Winic David mi caj i yochel ti Rey yic'ot ti Xcʌnta tiñʌme' ti' tojlelob. Mi caj i jac'ob c t'an. Mi caj i melob che' bajche' com.

Oseas 1:10

Pero tal i yorajlel che' mi caj i p'ojlelob israelob che' bajche' i yonlel i ji'il colem ñajb mach bʌ mejlic ti tsicol. Ti jim bʌ ora ma'anix mi caj c chʌn subeñob: “Mach c cha'añeticla”. Mi caj c pejcañob ti calobil: “I yalobilet bʌ la jini cuxul bʌ Dios”. Che' mi caj c subeñob.

Zacarias 2:11

Ti jim bʌ q'uin cabʌl tejclumob mi caj i sutq'uiñob i bʌ cha'an mi' ñopob lac Yum. Mi caj i yochelob tic cha'an. Mi caj c tem chumtʌl quic'otob. Che' jini mi caj la' ña'tan chocbilon tilel cha'an i Yum Panchan yic'ot Pañimil.

Mateo 17:5

Che' woli to ti t'an, awilan, tsi' mosoyob wen sʌsʌc bʌ tocal. Tsa' loq'ui t'an ti tocal. Tsi' yʌlʌ: Jiñʌch Calobil mu' bʌ j c'uxbin. Tijicña c pusic'al mij q'uel. Ubinla i t'an, che'en.

Lucas 15:8

Mi tsi' sʌtʌ jump'ejl dracma juntiquil x'ixic anquese lujump'ejl dracma i cha'an, ¿mach ba anic mi' tsuc' c'ajc? ¿Mach ba anic mi' misun otot? ¿Mach ba anic mi' wen sʌclan jinto mi' taj?

Juan 10:11

Joñon jini wen bʌ Xcʌnta tiñʌme'on. Jini wen bʌ Xcʌnta tiñʌme' mi' yʌc' i bʌ ti chʌmel cha'an i tiñʌme'.

Juan 10:2

Jini mu' bʌ i yochel ti' ti' corral jiñʌch xcʌnta tiñʌme'.

Juan 10:27

C tiñʌme'ob mi' yubibeñon c t'an. Joñon mij cʌñob. Mi' tsajcañoñob.

Juan 10:3

Jini xcʌnta corral mi' jamben jini xcʌnta tiñʌme'. Jini tiñʌme' mi' yubiben i t'an i yaj cʌntaya. Mi' pejcan i tiñʌme' ti' c'aba'. Mi' pʌy loq'uel.

Juan 10:4

Che' mi' yujtel i pʌy loq'uel mi' majlel ti ñaxan. Jini tiñʌme' mi' tsajcan jini xcʌnta tiñʌme' come mi' cʌmben i t'an.

Juan 10:5

Ma'anic mi' tsajcan yambʌ winic. Mi' puts'tan, come ma'anic mi' cʌmben i t'an.

Juan 11:52

Come wersa mi' chʌmel Jesús, mach cha'anic jach jini año' bʌ ti' lumal, pero cha'an mi' tempañob ti junmojt i yalobilob Dios tsa' bʌ pam pujquiyob.

Juan 17:20

Mach cojic jach ili winicob x'ixicob mic tajob ti oración, pero ti pejtelelob mu' bʌ caj i ñopoñob cha'an ti' t'an ili wʌ' bʌ añob,

Juan 6:37

Pejtelel winicob x'ixicob mu' bʌ i yʌq'ueñon c Tat mi caj i tilelob ba' añon. Majqui jach mi' tilel ma'anic mi caj c choc sujtel.

Hechos 15:14

Simón tsa' ujti i subeñetla bajche' Dios tsa' caji i pʌsbeñob gentilob i yutslel i pusic'al che' bʌ tsi' yajca winicob x'ixicob cha'an mi' tsictesan i ñuclel i c'aba'.

Hechos 18:10

Come añon quic'otet. Ma'anic majch mi mejlel i tic'lañet, come an cabʌl c cha'año' bʌ ti jini tejclum, che'en.

Hechos 22:14

Tsi' subeyon: “I Dios lac ñojte'el tsi' yajcayet cha'an ma' cʌn chuqui yom i pusic'al Dios. Tsi' yajcayet cha'an ma' q'uel jini Toj bʌ, yic'ot cha'an ma' wubiben i t'an che' mi' pejcañet.

Romanos 11:25

Hermanojob, yom mi la' ña'tan jini t'an mach bʌ tsictiyemic ti yambʌ ora, ame ñuquic mi la' lon q'uel la' bʌ ti la' bajñel pusic'al. Tsa' tsʌtsayob i pusic'al lamital israelob jinto ts'ʌcʌl mi' yochelob jini gentilob.

2 Tesalonicenses 2:13

Hermanojob, c'uxbibilet bʌ la i cha'an lac Yum, yom mic chʌn suben lojon Dios wocolix i yʌlʌ cha'añetla. Come ti' cajibal pañimil Dios tsi' yajcayetla cha'an mi la' coltʌntel. Ti' p'ʌtʌlel jini Espíritu woli' yotsañetla ti ch'ujul, come woli la' ñopben i sujmlel Dios.

Hebreos 13:20

Diosʌch mu' bʌ i ñʌch'chocoñonla. Tsi' teche loq'uel lac Yum Jesucristo ba'an chʌmeño' bʌ. Jiñʌch ñuc bʌ Xcʌnta tiñʌme'. Tsi' beq'ue i ch'ich'el cha'an i sellojlel jini xuc'ul bʌ t'an mach bʌ anic mi' jilel.

1 Pedro 2:10

Ti yambʌ ora mach i cha'añeticla Dios, pero wʌle i cha'añetla. Ti yambʌ ora ma'anic majch tsi' p'untayetla, pero wʌle tsa'ix i p'untayetla.

1 Pedro 2:25

Ti yambʌ ora tsa' sajtiyetla che' bajche' tiñʌme', pero tsa' la' sutq'ui la' bʌ cha'an mi la' tsajcan majlel jini Xcʌnta tiñʌme', jini Xcʌntaya mu' bʌ i coltan la' ch'ujlel.

1 Pedro 5:4

Che' mi' tsictiyel jini ñuc bʌ Xcʌnta tiñʌme', mi caj la' wʌq'uentel corona i yejtal bʌ la' ñuclel mach bʌ anic mi' jilel.

Apocalipsis 3:20

Awilan, wa'alon, wolic jats'ben i ti' otot. Mi an majch mi' yubibeñon c t'an mu' bʌ i jambeñon i ti' otot, mi caj cochel ba'an, mi caj c cha'len we'el yic'ot. Mux caj i cha'len we'el quic'ot ja'el.