Juan 10:14 - Chol: I T’an Dios

¹⁴ Joñon jini wen bʌ Xcʌnta tiñʌme'on. Mij cʌn c tiñʌme'. C tiñʌme' mi' cʌñon.

Jiñi Tsiji' bʌ Wen T'añ cha'añ Estudio

¹⁴ Joñon jiñi wen bʌ Xcʌnta tʌñʌme', mij cʌn c tʌñʌme', c tʌñʌme' mi' cʌñon ja'el.

Chol de Tumbalá Bible

¹⁴ Joñon jini wen bʌ Xcʌnta tiñʌme'on. Mij cʌn c tiñʌme'. C tiñʌme' mi' cʌñon.

Jiñi Tsiji' bʌ Wen T'añ cha'añ Estudio

¹⁴ Joñon jiñi wen bʌ Xcʌnta tʌñʌme', mij cʌn c tʌñʌme', c tʌñʌme' mi' cʌñon ja'el.

Chol Tila

^14-15 Joñon jini wen bʌ ajcʌñʌtya tiñʌme'. Chʌ'ʌch bajche' c Tyat ti panchan mi' cʌñon mij cʌñe' c Tyat. Chʌ'ʌch je'el mij cʌñe' c tiñʌme'. Mi' cʌñoñob je'el. Mi cʌc' c bʌ ti sajtyel cha'an jini tiñʌme'.

Juan 10:14 Iomraidhean Croise

Salmos 1:6

Come lac Yum mi' cʌntan jini tojo' bʌ ti' bijlel. Pero i bijlel jini jontolo' bʌ mi' yʌc'ob ti jilel.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Nahum 1:7

Pero wen uts lac Yum ti' tojlel i cʌñʌyo' bʌ mu' bʌ i pijtañob. Wen xuc'ul mi' coltañob ti' yorajlel wocol. Mi' wen cʌn pejtel mu' bʌ i yʌc'ob i bʌ ti' wenta.

Juan 10:11

Joñon jini wen bʌ Xcʌnta tiñʌme'on. Jini wen bʌ Xcʌnta tiñʌme' mi' yʌc' i bʌ ti chʌmel cha'an i tiñʌme'.

Juan 10:13

Jini mu' bʌ i cha'len ganar mi' puts'el come woli jach ti ganar. Ma'anic mi' c'uxbin tiñʌme'.

Juan 10:27

C tiñʌme'ob mi' yubibeñon c t'an. Joñon mij cʌñob. Mi' tsajcañoñob.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Juan 17:8

Come tsa cʌq'ueyob ili t'an tsa' bʌ a wʌq'ueyon. Tsi' ñopoyob. Yujilobix, isujm tsa' loq'uiyon tilel ba' añet. Tsi' ñopoyob chocbilon tilel a cha'an.

2 Corintios 4:6

Come Dios tsa' bʌ i yʌc'ʌ mandar cha'an mi' tsictiyel i sʌclel pañimil ti ic'ch'ipan bʌ tsi' yʌc'ʌ ti tsictiyel i sʌclel ti lac pusic'al cha'an mi lac ch'ʌmben isujm woli' pʌs i ñuclel Cristo.

Efesios 1:17

Mij c'ajtiben i Dios lac Yum Jesucristo cha'an mi' yʌq'ueñetla cabʌl la' ña'tʌbal yic'ot i yEspíritu cha'an mi la' wen ch'ʌmben isujm chuqui woli la' pʌsbentel, cha'an mi la' wen cʌn lac Tat am bʌ ti panchan.

Efesios 3:19

Com mi la' cʌmben i c'uxbiya Cristo, anquese mach lac lu' cʌñʌyic, cha'an mi la' taj pejtelel jini yom bʌ i yʌq'ueñonla Dios.

Filipenses 3:8

Isujm, ma'anic i c'ʌjñibal jini tsa' bʌ c ñaxan q'uele ti ñuc come ñumen ñuc i cʌñol Cristo Jesús, c Yum. Cha'an Cristo wolij q'uel bajche' misujelʌl pejtelel tsa' bʌ j q'uele ti ñuc ti yambʌ ora cha'an mic taj c wenlel ti Cristo,

2 Timoteo 1:12

Jini cha'an woli cubin wocol, pero ma'anic woliyon ti quisin. Come cʌñʌl c cha'an Dios tsa' bʌ c ñopo. Cujil an i p'ʌtʌlel cha'an mi' cʌntan jini tsa' bʌ cʌc'ʌ ti' wenta c'ʌlʌl ti jini wi'il bʌ q'uin.

2 Timoteo 2:19

Pero tsʌts chuculonla mu' bʌ lac ñop Dios. Tsi' yʌq'ueyonla lac marcajlel ba' ts'ijbubil: “Lac Yum mi' cʌn i cha'año' bʌ”. Jini cha'an la' i cʌy i jontolil jujuntiquil mu' bʌ i pejcʌben i c'aba' Cristo.

1 Juan 5:20

La cujil tsa'ix tili i Yalobil Dios. Tsa'ix i yʌq'ueyonla lac ña'tʌbal cha'an mi laj cʌn jini mero isujm bʌ. Añonla ti jini mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ anic mi' jilel.

Apocalipsis 2:13

Cʌmbil c cha'an la' melbal ya' ba' chumuletla ba' woli' cha'len yumʌl Satanás. Pero woli la' chʌn ña'tan j c'aba'. Ma'anic tsa' la' cʌyʌ la' ñopon. Xuc'uletla ja'el che' bʌ tsa' tsʌnsʌnti Antipas, xuc'ul bʌ testigo c cha'an tsa' bʌ i yʌc'ʌyon ti cʌjñel ya' ba' añetla ba' chumul Satanás.

Apocalipsis 2:19

Cʌmbil c cha'an la' melbal. Mi la' c'uxbiñon. Mi la' ñopon. Cʌmbil c cha'an la' we'tel yic'ot i p'ʌtʌlel la' pusic'al ti' cuchol wocol. Jini la' melbal tsa' bʌ la' mele ti wi'il ñumen cabʌl bajche' ti ñaxan.

Apocalipsis 2:2

Cʌmbil c cha'an la' melbal yic'ot wocol bʌ la' we'tel yic'ot i p'ʌtʌlel la' pusic'al ti' cuchol wocol. Cujil mach mejlic la' cuch jontol bʌ winicob. Tsa'ix la' wen q'uelbe i ye'tel jini mu' bʌ i lon cuyob i bʌ ti apóstolob. Tsa'ix la' ña'ta xlotiyajobʌch.

Apocalipsis 2:9

Cʌmbil c cha'an la' melbal yic'ot la' wocol. Ma'anic la' chubʌ'an, pero cabʌlʌch la' wenlel. Cʌmbil c cha'an ja'el bajche' mi' ts'a'leñetla jini mu' bʌ i lon cuyob i bʌ ti israelob. Mach israelobic, pero i cha'añob Satanás.

Apocalipsis 3:1

Ts'ijbuben xcʌntaya i cha'an xñopt'añob mu' bʌ i tempañob i bʌ ya' ti Sardis: “Jini am bʌ i cha'an wuctiquil espíritu i cha'an Dios yic'ot wucp'ejl ec', jiñʌch mu' bʌ i yʌl ili t'an: Cʌmbil c cha'an la' melbal. Cujil chʌmeñetla yilal anquese lon cuxuletla ti alol.

Apocalipsis 3:15

Cʌmbil c cha'an la' melbal. Ma'anic mi la' wʌc' la' pusic'al cha'an mi la' melbeñon que'tel. Ma'anic mi la' wʌc' la' pusic'al cha'an mi la' contrajiñon. Mach ticʌweticla, mach tsʌwañeticla. Uts'at junchajpic jach la' pensar.

Apocalipsis 3:8

Cʌmbil c cha'an la' melbal. Awilan, jamʌl jump'ejl i ti' tsa' bʌ cʌc'ʌ ti' tojel la' wut. Ma'anic majch mi mejlel i ñup', come anquese ts'ita' jach la' p'ʌtʌlel tsa'ix la' jac'beyon c t'an. Ma'anic tsa' la' wʌlʌ mach la' cʌñʌyonic.