Juan 10:1 - Chol: I T’an Dios

¹ Isujm, isujm mic subeñetla: Jini mach bʌ anic mi' yochel ti' ti' corral ba'an tiñʌme', jini mu' bʌ i letsel ochel ti pam corral jiñʌch xujch', jiñʌch xchiloñel.

Jiñi Tsiji' bʌ Wen T'añ cha'añ Estudio

¹ Isujm, isujm mic su'beñetla: Jiñi mach bʌ añic mi' yochel ti ti' corral ba'añ tʌñʌme', jiñi mu' bʌ i letsel ochel ti' pam corral jiñʌch xujch', jiñʌch xchiloñel.

Chol de Tumbalá Bible

¹ Isujm, isujm mic subeñetla: Jini mach bʌ anic mi' yochel ti' ti' corral ba'an tiñʌme', jini mu' bʌ i letsel ochel ti pam corral jiñʌch xujch', jiñʌch xchiloñel.

Jiñi Tsiji' bʌ Wen T'añ cha'añ Estudio

¹ Isujm, isujm mic su'beñetla: Jiñi mach bʌ añic mi' yochel ti ti' corral ba'añ tʌñʌme', jiñi mu' bʌ i letsel ochel ti pam corral jiñʌch xujch', jiñʌch xchiloñel.

Chol Tila

¹ Melel mic subeñetla: Jini mach'ʌ ba'an mi yochel ti ti' i corral tiñʌme' pero mi che' jach mi mucu c'axel ochel ti pam ts'ajquil, ajxujch'ʌch yic'ot mu' bʌ i wersa chilben i cha'an bʌ yambʌ. [Jini tiñʌme' yom i yʌle' oveja.]

Juan 10:1 Iomraidhean Croise

Jeremias 14:15

Jini cha'an lac Yum tsi' yʌlʌ: Ma'anic tsac chocoyob ti subt'an. I bajñel jach mi' yʌlob mach talic guerra, mach talic wi'ñal ti ili lum, lon che'ob. Jini cha'an jini x'alt'añob mi caj i chʌmelob ti espada yic'ot ti wi'ñal.

Jeremias 23:21

Jini x'alt'añob tsa' majliyob ti ajñel cha'an mi' cha'leñob subt'an, pero mach chocbilobic majlel c cha'an, che'en lac Yum. Ma'anic tsac pejcayob, pero tsi' cha'leyob t'an tij c'aba'.

Jeremias 23:32

Awilan ts'a' mij q'uel jini x'alt'an mu' bʌ i bajñel al: “Jiñʌch i t'an Dios”, che'en, pero i lot. Mi' yʌc' ti sajtel c winicob x'ixicob cha'an leco i cʌntesʌbal. Mi' chañ'esan i bʌ. Ma'anic tsac choco majlel ti subt'an. Ma'anic mi' wis coltan c winicob x'ixicob, che'en lac Yum.

Joel 2:9

Jomocña mi' yochelob ti tejclum. Mi' cha'leñob ajñel ti' pam ts'ajc. Mi' letselob ochel ti otot. Mi' yochelob ti ventana che' bajche' xujch'.

Mateo 7:15

Chʌcʌ q'uele la' bʌ cha'an lot bʌ x'alt'añob mu' bʌ i tilelob ba' añetla lʌpʌl i cha'añob i tsutsel tiñʌme' yilal, pero ti' pusic'al lajalob bajche' jontol bʌ bʌte'el ts'i'.

Juan 10:7

Jini cha'an Jesús tsi' cha' subeyob: Isujm, isujm mic subeñetla: Joñon i Ti'on ba' mi' yochel tiñʌme'.

Juan 3:3

Jesús tsi' jac'be Nicodemo: Isujm, isujm mic subeñet, jini mach bʌ anic mi' cha' ilan pañimil, mach mejlic i q'uel i yumʌntel Dios, che'en.

Romanos 10:15

¿Bajche' mi mejlel i cha'leñob subt'an mi mach chocbilobic majlel? Come ts'ijbubil: “¡Wen i t'ojol jax i yoc jini mu' bʌ i subob jini wen t'an mu' bʌ i yʌq'ueñonla i ñʌch'tilel lac pusic'al!” che'en.

Romanos 16:18

Come jini mu' bʌ i cha'leñob bajche' jini ma'anic mi' jac'ob chuqui yom lac Yum Jesucristo. Jini jach mi' jac'ob chuqui yom i tsucul pusic'al. Ti maña jax bʌ t'an yic'ot ti uts bʌ t'an mi' lotiñob jini mach bʌ añobic i ña'tʌbal.

Tito 1:11

Yom mi' tijq'uelob come ti' caj i t'an woli' laj cʌyob jini wen t'an ti cabʌl otot. Woli' cʌntesañob chuqui mach tojic cha'an mi' tajob taq'uin.

Hebreos 5:4

Ma'anic majch mi' bajñel ch'ʌm jini ñuc bʌ e'tel, cojach jini mu' bʌ i pʌjyel ti Dios che' bajche' tsa' pʌjyi Aarón.

1 Pedro 1:10

Che' bajche' tsi' wʌn subuyob jini x'alt'añob, mi caj la' taj i yutslel i pusic'al Dios. Tsi' ñopoyob i ch'ʌmben isujm bajche' mi caj i yujtel la' coltʌntel.

2 Pedro 2:1

Pero tsa' tejchi lot bʌ x'alt'añob ti' tojlel israelob. Che' ja'el mi caj i tejchel lot bʌ xcʌntesajob ti la' tojlel. Ti mucul jach mi caj i yotsañob jini sojquem bʌ cʌntesa mu' bʌ i yʌq'uetla ti sajtel. Woli' ñusañob lac Yum tsa' bʌ i mʌñʌyob. Woli' bʌc' pʌyob tilel i wocol mu' bʌ caj i jisañob.

2 Pedro 2:3

Wo'ob ti taq'uin jini xcʌntesajob, jini cha'an mi caj i lotiñetla cha'an mi' chilbeñetla la' chubʌ'an. C'ʌlʌl ti wajali c'ʌlʌl wʌle ña'tʌbil mi caj i tojob i mul. Chajpʌbilix ba' mi caj i jilelob.

1 Juan 4:1

C'uxbibilet bʌ la, mach yomic mi la' ñop pejtelel espíritujob. Ña'tanla mi ch'oyolob ti Dios. Come tsa'ix i pucuyob i bʌ ti pañimil cabʌl xlot bʌ x'alt'añob.