Juan 1:45 - Chol: I T’an Dios

⁴⁵ Felipe tsi' taja Natanael. Tsi' sube: Tsa'ix c taja lojon jini Cristo, ña'tʌbil bʌ ti jini mandar tsa' bʌ i ts'ijba Moisés, yic'ot ti' ts'ijbujel jini x'alt'añob. Jiñʌch Jesús ch'oyol bʌ ti Nazaret, i yalobil José, che'en.

Jiñi Tsiji' bʌ Wen T'añ cha'añ Estudio

⁴⁵ Felipe tsi' taja Natanael, tsi' su'be: —Tsa'ix c taja lojon jiñi ts'ijbubil bʌ i cha'añ Moisés ti jiñi mandar, yic'ot ti' ts'ijbujel x'alt'añob; jiñʌch Jesús i yalobil bʌ José, ch'oyol bʌ ti Nazaret, —che'en.

Chol de Tumbalá Bible

⁴⁵ Felipe tsi' taja Natanael. Tsi' sube: Tsa'ix c taja lojon jini Cristo, ña'tʌbil bʌ ti jini mandar tsa' bʌ i ts'ijba Moisés, yic'ot ti' ts'ijbujel jini x'alt'añob. Jiñʌch Jesús ch'oyol bʌ ti Nazaret, i yalobil José, che'en.

Jiñi Tsiji' bʌ Wen T'añ cha'añ Estudio

⁴⁵ Felipe tsi' taja Natanael, tsi' su'be: —Tsa'ix c taja lojon jiñi ts'ijbubil bʌ i cha'añ Moisés ti jiñi mandar, yic'ot ti' ts'ijbujel x'alt'añob; jiñʌch Jesús i yalobil bʌ José, ch'oyol bʌ ti Nazaret.

Chol Tila

⁴⁵ Che' jini, Felipe ti majli i sajcan Natanael. Ti' sube: Ti lojon quilʌ jini winic tsa' bʌ i ña'tyʌ Moisés che' ti' wʌ ts'ijbu jini mandar ti ñoj oniyix yic'ot tsa' bʌ i xiq'ui i yʌle' Dios. Jiñʌch jini Jesús i yalobil bʌ José ch'oyol ti lum Nazaret bʌ i c'aba', che'en.

Juan 1:45 Iomraidhean Croise

Genesis 22:18

Winicob x'ixicob ti pejtelel pañimil mi caj i yʌq'uentelob i wenlel c t'an ti' tojlel a p'olbal, cha'an tsa' jac'beyon c t'an, che'en lac Yum.

Genesis 3:15

Mi caj cʌq'ueñet la' contrajin la' bʌ jatet yic'ot jini x'ixic. Che' ja'el mi caj i contrajiñob i bʌ i p'olbal jini x'ixic yic'ot a p'olbal. I p'olbal jini x'ixic mi caj i low a jol. Jatet mi caj a lowben i tun'oc, che'en Dios.

Genesis 49:10

Judá, ma'anic mi caj a chilbentel jini bastón, i yejtal bʌ a yumʌntel. Ti pejtelel ora mi caj i cha'len yumʌl a p'olbal jinto mi' tilel Siloh jini mero yumʌl bʌ. Mi caj i yumañetob pejtel winicob x'ixicob.

Isaias 4:2

Ti jini wi'il bʌ q'uin mi caj i tsictiyel jini Mesías, che' bajche' mi' ch'ocan i buts tsa' bʌ i pʌc'ʌ lac Yum. Jini cuxulob to bʌ ti Israel i t'ojol jax mi caj i q'uelob. Jiñʌch i ch'ʌjlil yic'ot i ñuclel. Uts'at mi caj i yʌq'ueñob i yonlel i wut jini lum. Jini cuxulob to bʌ tsa' bʌ coliyob ti wocol, tsa' bʌ cʌleyob ti Jerusalén, ochemo' bʌ i c'aba'ob ti' juñilel laj cuxtʌlel, mi caj i pejcʌntelob ti “Ch'ujulo' bʌ i cha'an lac Yum” che' bʌ tsa'ix i pulbeyob i bibi'lel. I yEspíritu lac Yum mi caj i loc'sʌbeñob i bibi'al i mul ya' ba' tsa' bejq'ui i ch'ich'el jini tsʌnsʌbilo' bʌ.

Isaias 53:2

Tsa' coli ili Winic ti' tojlel Dios che' bajche' i buts i wi' te' mu' bʌ i pasel ti tiquin lum ba' mach wenix. Ma'anic bajche' yilal. Mach la comic laj q'uel. Che' mi laj q'uel jini winic, mach i t'ojolic mi laj q'uel. Ma'anic mi laj c'uxbin.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Zacarias 6:12

Suben: “I Yum Panchan yic'ot Pañimil woli' yʌl: I wentajet jini Winic mu' bʌ caj i tilel, i c'aba' Buts, mu' bʌ caj i pasel ya' ba' chucul i wi'. Mi caj i wa'chocoben i Templo lac Yum.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Mateo 10:3

Felipe, Bartolomé, Tomás, Mateo jini xch'ʌm tojoñel, Jacobo i yalobil Alfeo, yic'ot Lebeo, jini am bʌ i jol i c'aba' Tadeo,

Mateo 13:55

¿Mach ba jinic i yalobil jini xjuc'te'? ¿Mach ba jinic María i ña'? ¿Mach ba i yijts'iñobic Jesús jini Jacobo, yic'ot José, Simón yic'ot Judas?

Mateo 2:23

Tsa' c'oti ti chumtʌl ti jump'ejl tejclum i c'aba' Nazaret cha'an mi' ts'ʌctiyel i t'an jini x'altañob: “Mi caj i sujbel ti nazareno, che'ob”.

Mateo 21:11

Jini winicob x'ixicob tsi' yʌlʌyob: Jiñʌch Jesús jini x'alt'an ch'oyol bʌ ti Nazaret ti Galilea, che'ob.

Marcos 14:67

Che' bʌ tsi' q'uele woli' q'uixñesan i bʌ Pedro, tsi' wen q'uele. Tsi' yʌlʌ: Jatet ja'el añet yic'ot Jesús ch'oyol bʌ ti Nazaret, che'en.

Marcos 6:3

¿Mach ba jinic xjuc'te', i yalobil María, i yʌscun Jacobo yic'ot José yic'ot Judas yic'ot Simón? ¿Mach ba wʌ'ic an i yijti'añob la quic'ot? che'ob. Tsa' caji i mich'leñob.

Lucas 18:37

Tsi' subeyob: Wolix ti ñumel Jesús ch'oyol bʌ ti Nazaret, che'ob.

Lucas 2:4

Tsa' loq'ui José ti Nazaret ya' ti Galilea. Tsa' letsi majlel ti Judea ti' tejclum David i c'aba' Belén, come loq'uem ti' p'olbal David jini José.

Lucas 2:48

Tsa' toj sajtiyob i pusic'al i tat i ña' che' bʌ tsi' q'ueleyob. María tsi' sube: Calobil, ¿chucoch che' tsa' melbeyon lojon? Awilan, jini a tat yic'ot joñon ti' ch'ijiyemlel lojon c pusic'al tsac sʌclayet lojon, che'en.

Lucas 24:27

Jesús tsa' caji i subeñob i sujmlel pejtelel i Ts'ijbujel Dios ba' tsa' tajle ti t'an c'ʌlʌl ti' jun Moisés c'ʌlʌl ti' jun pejtelel x'alt'añob.

Lucas 24:44

Jesús tsi' subeyob: Jiñʌch tsa' bʌ c subeyetla che' añon to quic'otetla cha'an wersa mi' yujtel pejtelel chuqui tac ts'ijbubil cha'añon ti' mandar Moisés yic'ot ti' jun x'alt'añob yic'ot ti Salmos, che'en.

Lucas 3:23

An che' bajche' lujump'ejl i cha'c'al i jabilel Jesús che' bʌ tsi' teche i ye'tel. Jini Jesús i yalobilʌch José, che' mi' lon alob winicob. José i ñij'al Elí.

Lucas 4:22

Ti pejtelelob uts'at tsi' tajayob ti t'an Jesús. Tsa' toj sajtiyob i pusic'al cha'an uts'at i t'an Jesús. Tsi' yʌlʌyob: ¿Mach ba jinic i yalobil José? che'ob.

Juan 1:44

Ya' ch'oyol Felipe ti Betsaida ti jini tejclum ba' ch'oyolob Andrés yic'ot Pedro.

Juan 12:21

Tsa' tiliyob ba'an Felipe ch'oyol bʌ ti Betsaida ya' ti Galilea. Tsi' subeyob: Maestro, com j q'uel lojon Jesús, che'ob.

Juan 14:8

Felipe tsi' sube: C Yum, pʌsbeñon lojon a Tat. Jasʌl mi tsa' pʌsʌ, che'en.

Juan 18:5

Tsi' jac'beyob: Jesús, jini ch'oyol bʌ ti Nazaret, che'ob. Jesús tsi' subeyob: Joñoñʌch, che'en. Ya'an Judas ja'el yic'otob. Jiñʌch tsa' bʌ i yʌc'ʌ Jesús ti' c'ʌb i contra.

Juan 18:7

Jesús tsi' cha' c'ajtibeyob: ¿Majqui woli la' sajcan? che'en. Tsi' subeyob: Jesús, jini ch'oyol bʌ ti Nazaret, che'ob.

Juan 19:19

Pilato tsi' cha'le ts'ijb. Tsi' yʌc'ʌ ti' jol cruz. Jiñʌch jini ts'ijbubil bʌ: JESUS CH'OYOL BɅ TI NAZARET, I REY JUDIOJOB.

Juan 21:2

Temelobix Simón Pedro yic'ot Tomás, jini mu' bʌ i pejcʌntel ti xloj, yic'ot Natanael, jini ch'oyol bʌ ti Caná ya' ti Galilea, yic'ot i yalobilob Zebedeo yic'ot yambʌ cha'tiquil xcʌnt'añob i cha'an.

Juan 6:42

Tsi' yʌlʌyob: ¿Mach ba jinic Jesús? ¿Mach ba i yalobilic José? Cʌmbil lac cha'an i tat i ña'. ¿Bajche' mi' yʌl: “Tsa' jubiyon tilel ti panchan”? che'ob.

Juan 6:5

Jesús tsi' ts'ita' letsa i wut. Tsi' q'uele cabʌl winicob x'ixicob woli bʌ i tilelob ba'an. Jesús tsi' sube Felipe: ¿Baqui mi mejlel lac mʌn waj cha'an mi' c'uxob? che'en.

Juan 6:7

Felipe tsi' jac'be: Mach jasʌlic lujunc'al denario cha'an mic mʌn lojon waj cha'an mi' ts'ita' c'uxob ti jujuntiquil, che'en.

Hechos 10:38

Dios tsi' yajca Jesús, jini loq'uem bʌ ti Nazaret. Tsi' yʌq'ue Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' cha'le uts'at bʌ i ye'tel. Tsi' lajmesa pejtelel jini tic'lʌbilo' bʌ cha'an xiba, come an Dios yic'ot.

Hechos 2:22

Winicob ti Israel, ubinla jini t'an. Dios tsi' pʌsbeyetla uts'at jini Jesús ch'oyol bʌ ti Nazaret. Come Dios tsi' c'ʌñʌ cha'an mi' cha'len ñuc bʌ i melbal yic'ot bʌbʌq'uen tac bʌ yic'ot i yejtal tac i p'ʌtʌlel ti la' tojlel che' bajche' la' wujil.

Hechos 22:8

Tsac jac'ʌ: “C Yum, ¿majquiyet?” cho'on. Tsi' subeyon: “Joñon Jesúson ch'oyolon bʌ ti Nazaret. Woli a tic'lañon”, che'en.

Hechos 26:9

Isujm, joñon tsac lon ña'ta j contrajin i c'aba' Jesús ch'oyol bʌ ti Nazaret.

Hechos 3:6

Pero Pedro tsi' sube: Ma'anic c taq'uin. Ma'anic c cha'an oro. Jini jach mi cʌq'ueñet chuqui an c cha'an. Ti' c'aba' Jesucristo, jini ch'oyol bʌ ti Nazaret, ch'ojyen, cha'len xʌmbal, che'en.