Juan 1:18 - Chol: I T’an Dios

¹⁸ Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Jiñi Tsiji' bʌ Wen T'añ cha'añ Estudio

¹⁸ Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Chol de Tumbalá Bible

¹⁸ Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Jiñi Tsiji' bʌ Wen T'añ cha'añ Estudio

¹⁸ Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Chol Tila

¹⁸ Mach'an ba' bʌ ora an majch ti yilʌ Dios. Pero jin jach ti yilʌ cojach bʌ i Yalobil ya' bʌ an yic'ot i Tyat. Tsa'ix i pʌs'eyonla bajche' an Dios.

Juan 1:18 Iomraidhean Croise

Genesis 16:13

Agar tsi' yotsʌbe i c'aba' lac Yum tsa' bʌ i pejca: Dios Yujil bʌ Q'uelojel, che'en, come tsi' yʌlʌ: Joñon ja'el tsaj q'uele Dios, che'en.

Genesis 18:33

Lac Yum tsa' majli che' bʌ tsa' ujti i pejcan Abraham. Tsa' cha' sujti majlel Abraham ti' yotot.

Exodo 23:21

P'isi ti la' wenta. Jac'benla i t'an. Mach la' ñusʌben i t'an, come ma'anic mi caj i ñusʌbeñet la' mul. Mi caj c tsictesan c bʌ ti la' tojlel quic'ot cAngel.

Exodo 24:10

Jini israelob tsi' q'ueleyob i Dios Israel. Che' yilal i t'uchlib i yoc che' bajche' tʌsbil bʌ zafiro xajlel. Wen yʌx che' bajche' pañimil che' wen jamʌlix.

Proverbios 8:30

Tsaj colta lac Yum ti' melol pejtel ili e'tel. Tijicña tsa cubi ti jujump'ejl q'uin. Wen contentojon ti' tojlel ti pejtelel ora.

Isaias 40:11

Mi caj i cʌntan i cha'año' bʌ che' bajche' xcʌnta tiñʌme'. Mi caj i tempan tilel jini alʌ to bʌ. Mi caj i mec' majlel ti' tajn. Wen tsajil mi caj i pʌy majlel jini tiñʌme' cʌntʌbilob to bʌ i yal.

Lamentaciones 2:12

Woliyob ti uq'uel jini alʌlob. Mi' chʌn subeñob i ña': Com waj. Com ja', che'ob. Mi' yajlelob ti bij che' bajche' jini jec'bilo' bʌ ti espada. Mi' chʌmelob, meq'uelob i cha'an i ña'.

Numeros 12:8

Mic cha'len t'an yic'ot Moisés che' bajche' mi la' pejcan la' bʌ ti jamʌl. Mach muculic c t'an ti' tojlel. Mi cʌc' c bʌ ti cʌjñel cha'an mi' q'uel bajche' quilal. ¿Chucoch ma'anic tsa' la' cha'le bʌq'uen che' bʌ tsa' la' wulwul a'le c winic Moisés? che'en lac Yum.

Mateo 11:27

Pejtelel chuqui tac an, aq'uebilon i cha'an c Tat. Ma'anic majqui mi' cʌñon, cojach c Tat. Che' ja'el ma'anic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Lucas 10:22

Pejtelel chuqui tac an, aq'uebilon i cha'an c Tat. Ma'anic majqui mi' cʌñon cojach c Tat. Che' ja'el, ma'anic majqui mi' cʌn c Tat cojach joñon come i Yalobilon. Mi' cʌñob c Tat ja'el majqui jach mi cʌq'uen i cʌn. Che' tsi' yʌlʌ Jesús.

Juan 1:14

Jini T'an tsi' ch'ʌmʌ i bʌc'tal. Tsa' chumle la quic'ot, but'ul ti' yutslel i pusic'al yic'ot i sujmlel. Tsaj q'uele lojon i ñuclel tilem bʌ ti' Tat. Jiñʌch i ñuclel cojach bʌ i Yalobil Dios.

Juan 12:41

Che'i tsi' cha'le t'an Isaías cha'an tsi' wʌn q'uelbe i ñuclel Jesús.

Juan 13:23

Jesús c'uxatax tsi' yubi juntiquil xcʌnt'an i cha'an ya' bʌ buchul, lʌc'ʌl ti' t'ejl.

Juan 14:9

Jesús tsi' sube: Cabʌlix ora wʌ' añon la' wic'ot. ¿Mach ba anic tsa' cʌñʌyon, Felipe? Jini tsa' bʌ i q'ueleyon, tsa'ix i q'uele c Tat. ¿Chucoch ma' wʌl, che' jini: “Pʌsbeñon lojon a Tat”? che'et.

Juan 17:26

Tsa cʌq'ueyob i cʌn a c'aba'. Mu' to caj c chʌn ac' ti cʌjñel cha'an lajal mi' c'uxbiñoñob che' bajche' tsa' c'uxbiyon, cha'an mi cajñel ti' pusic'alob.

Juan 17:6

Tsac tsictesʌbeyob a c'aba' jini winicob tsa' bʌ a wʌq'ueyon ti pañimil. A cha'añob, tsa' wʌq'ueyoñob. Tsi' jac'ʌyob a t'an.

Juan 3:11

Isujm, isujm mic subeñet, mic cha'len lojon t'an cha'an chuqui tac cujil lojon. Mic sub lojon ti toj chuqui tsaj q'uele lojon. Ma'anic mi la' jac'beñon lojon c t'an.

Juan 6:46

Ma'anic majch tsi' q'uele c Tat mi juntiquilic, jini jach jini ch'oyol bʌ ti Dios. Jini tsa'ix i q'uele c Tat.

2 Corintios 4:4

Satanás, jiñʌch i dios jini jontolo' bʌ ti pañimil. Tsa'ix i yʌpbeyob i wut jini mach bʌ anic mi' ñopob Cristo, ame i q'uelob i sʌclel jini wen t'an ba' tsiquil i ñuclel Cristo i yejtal bʌ Dios.

Deuteronomio 4:12

Lac Yum tsi' cha'le t'an ya' ti' yojlil c'ajc. Tsa' la' wubibe i t'an, pero ma'anic tsa' la' q'uele ti' wa'tʌlel.

Colosenses 1:15

Come Jesús tsi' tsictesa Dios mach bʌ mejlic laj q'uel. Jiñʌch yʌx alʌl bʌ i cha'an che' maxto anic melbil tac bʌ.

1 Timoteo 1:17

La' q'uejlic ti ñuc jini Rey am bʌ ti pejtelel ora, mach bʌ yujilic chʌmel, mach bʌ tsiquilic ti lac wut. Jiñʌch cojach bʌ Dios am bʌ i ña'tʌbal. La' tsictiyic i ñuclel ti pejtelel ora. Amén.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

Josue 5:13

Che' bʌ lʌc'ʌlix tsa' c'oti Josué ya' ti Jericó, tsi' q'uele ya' wa'al juntiquil winic ti' tojel. Chucul i cha'an jini winic junts'ijt espada, bots'bil i cha'an ti' yotot. Josué tsi' lʌc'tesa i bʌ ya' ba' wa'al. Tsi' c'ajtibe: ¿Jatet ba jini c pi'ʌlet bʌ lojon o jatet ba jini i pi'ʌlet bʌ j contra lojon? che'en Josué.

1 Juan 4:12

Maxto anic majch tsi' q'uele Dios ti pejtelel ora. Che' woli laj c'uxbin lac bʌ, Dios mi' yajñel ti joñonla. Che' jini wolix i ts'ʌctʌyel majlel i c'uxbiya ti lac pusic'al.

1 Juan 4:20

Che' an mu' bʌ i yʌl: Wolij c'uxbin Dios, che'en, mi woli' ts'a'len i yermano, xlotʌch. Come mi mach c'uxic mi' yubin i yermano tsa' bʌ i q'uele, ¿bajche' mi mejlel i c'uxbin Dios mach bʌ anic tsi' q'uele?

1 Juan 4:9

Tsi' pʌsbeyonla i c'uxbiya Dios che' bʌ tsi' choco tilel ti pañimil cojach bʌ i Yalobil cha'an mi lac taj laj cuxtʌlel ti Jesús.

1 Juan 5:20

La cujil tsa'ix tili i Yalobil Dios. Tsa'ix i yʌq'ueyonla lac ña'tʌbal cha'an mi laj cʌn jini mero isujm bʌ. Añonla ti jini mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ anic mi' jilel.