Josue 9:9 - Chol: I T’an Dios

⁹ Tsi' jac'ʌyob: Ñajt tilemon lojon. Tsa cubi lojon wen ñuc la' Yum Dios. Tsa cubi lojon pejtel chuqui tsi' mele ti Egipto

Chol de Tumbalá Bible

⁹ Tsi' jac'ʌyob: Ñajt tilemon lojon. Tsa cubi lojon wen ñuc la' Yum Dios. Tsa cubi lojon pejtel chuqui tsi' mele ti Egipto

Josue 9:9 Iomraidhean Croise

1 Reyob 8:41

Jini ñajt bʌ chumulob mach bʌ israelobic mi caj i yubiñob wen ñucʌch a c'aba', ñuc a melbal. Che' mi' tilelob i pejcañetob ti' tojel ili Templo,

Nehemias 9:5

Jini levíjob: Jesúa, Cadmiel, Bani, Hasabnías, Serebías, Hodías, Sebanías yic'ot Petaías tsi' subeyob israelob: Wa'i'la. Ch'ujutesan la' Yum Dios wʌle yic'ot ti pejtelel ora, che'ob. Tsa' caji' pejcañob Dios: La' ch'ujutesʌntic jini ñuc bʌ a c'aba'. Ñumen ñuc a c'aba' bajche' mi mejlel i subob winicob, che'ob.

Salmos 148:13

La' i subob i ñuclel lac Yum, Come i bajñel an i ñuclel. Ñumen ñuc Dios bajche' pejtel an tac bʌ ti pañimil yic'ot ti panchan.

Salmos 72:19

Ch'ujutesan i c'aba' am bʌ i ñuclel ti pejtelel ora. La' bujt'ic pejtel pañimil yic'ot i ñuclel. Che'ʌch yom, che'ʌch yom.

Salmos 78:12

Uts'atax i yejtal i p'ʌtʌlel tsa' bʌ i pʌsbeyob lac tatob Ti jini lum Egipto ya' ti Zoán.

Salmos 83:18

La' i ñopob a c'aba' come jatet jach c Yumet lojon. C'ax ñuquet ti pejtelel pañimil.

Exodo 15:14

Jini año' bʌ ti colem tejclum tac tsi' yubiyob, Tsiltsilñayob ti bʌq'uen. Tsa' toj sajti i pusic'al jini filisteojob.

Isaias 55:5

Jatet ja'el mi caj a pʌybeñon tilel yambʌ tejclumob mach bʌ i cʌñʌyoñobic, yic'ot yaño' bʌ winicob mach bʌ a pi'ʌlobic. Ajñel mi caj i tilelob ba' añet cha'an mi' cʌñob a Yum Dios, jini Ch'ujul Bʌ ti Israel, come tsa'ix i ñuq'uesayet.

Isaias 66:19

Mi caj cʌc' ti q'uelol i yejtal c p'ʌtʌlel. Mi caj c choc majlel ti yambʌ tejclum tac jini coltʌbilo' bʌ c cha'an mu' bʌ i loq'uelob ti uts'at che' mic cha'len meloñel. Mux caj i majlelob ti Tarsis, ti Put, ti Lud, ti Mesec, ti Ros, ti Tubal, yic'ot ti Grecia, yic'ot ya' ba'an jini chumulob ti' ti'il ñajb ba' mach wis ubibilic i cha'añob c t'an, ba' mach wis q'uelbilic i cha'añob c ñuclel. Mi caj i tsictesʌbeñob majlel c ñuclel ti pejtelel tejclum tac.

Numeros 14:15

A wujil chuqui mi caj i yʌlob winicob ti yan tac bʌ lum mi tsa' jisa a winicob. Come ubibilix i cha'añob bajche' tsa' wen coltayob ti yambʌ ora. Che' jini mi caj i yʌlob:

Numeros 20:14

Ti yambʌ q'uin che' ya'to añob ti Cades, ba' jaxʌl i lumal Edom, Moisés tsi' choco majlel winicob ba'an jini rey am bʌ ti Edom. Tsa' c'oti i yʌlob: Lac pi'ʌlʌch lac bʌ, come i p'olbalon lojon Israel. Wen la' wujil jini wocol tsa' bʌ cubi lojon,

Hechos 8:7

Come cabʌl tsa' loq'uiyob i xibʌjlel. Wen c'am tsi' cha'leyob t'an jini xibajob che' bʌ tsa loq'uiyob. Cabʌl tsa' lajmesʌntiyob jini mach bʌ weñobic i yoc i c'ʌb.

Deuteronomio 20:11

Mi tsi' jac'ʌyob, mi tsi' subeyetla ochel ti tejclum, che' jini mi caj la' ch'ʌm ti la' wenta pejtel jini xchumtʌlob.

Deuteronomio 20:15

Che'ʌch yom mi la' melbeñob jini tejclumob año' bʌ ti ñajtʌl. Mach che'ic yom mi la' melben jini tejclum tac ya' ti la' lumal yic'ot ti la' joytʌlel.

Josue 9:10

yic'ot pejtelel tsa' bʌ i tumbeyob i yum amorreojob ya' ti junwejl jini Jordán ja' ba' mi' pasel q'uin, Sehón i yum Hesbón yic'ot Og i yum Basán am bʌ ti Astarot.

Josue 9:16

Che' ñumenix uxp'ejl q'uin tsi' yubiyob ya' jach ch'oyolob ti lʌc'ʌl.

Josue 9:17

Tsa' majliyob jini israelob ti' tejclumob jini winicob. Tsa' c'otiyob ti' yuxp'ejlel q'uin ti jini tejclum tac Gabaón, Cafira, Beerot, yic'ot Quiriat Jearim.

Josue 9:24

Jini winicob tsi' jac'ʌyob: Tsac mele lojon che' bajche' iliyi, come tsa cubi lojon la' Yum Dios tsi' yʌc'ʌ mandar ti' tojlel Moisés cha'an mi la' jisan pejtelel tejclum tac. Tsac bʌc'ñayet lojon. Tsa' tiliyon lojon ti a tojlel cha'an ma' p'untañon lojon.