Josue 9:3 - Chol: I T’an Dios

³ Jini winicob año' bʌ ti Gabaón tsi' yubiyob ja'el bajche' tsi' mele Josué ti' tojlel Jericó yic'ot ya' ti Hai.

Chol de Tumbalá Bible

³ Jini winicob año' bʌ ti Gabaón tsi' yubiyob ja'el bajche' tsi' mele Josué ti' tojlel Jericó yic'ot ya' ti Hai.

Josue 9:3 Iomraidhean Croise

2 Samuel 2:12

Abner i yalobil Ner tsa' loq'ui ti Mahanaim yic'ot pejtelel jini soldadojob i cha'an Isboset (i yalobil Saúl). Tsa' c'otiyob ti Gabaón.

Jeremias 28:1

Ti jini jach bʌ jab che' chʌmp'ejlix jab yic'ot jo'p'ejl uw i yumʌntel Sedequías, rey bʌ ti Judá, tsa' tili ba' añon jini x'alt'an Hananías (i yalobil Azur) chumul bʌ ti Gabaón. Tsi' pejcayon ti' yotot lac Yum ti' tojlel jini motomajob yic'ot ti' tojlel pejtel winicob.

Josue 10:1

Josué tsi' melbe i yum Hai che' bajche' tsi' melbe i yum Jericó. Adonisedec jini yumʌl ti Jerusalén tsi' yubi bajche' tsi' jisa jini Hai yic'ot Jericó. Tsi' yubi ja'el bajche' tsi' lajayob i t'an jini año' bʌ ti Gabaón yic'ot israelob.

Josue 10:2

Tsa' wen caji ti bʌq'uen jini yumʌl, come wen colem jini tejclum Gabaón, ñumen bajche' Hai. Wen ch'ejl jini winicob ti jini tejclum.

Josue 10:28

Ti jini jach bʌ q'uin Josué tsi' ch'ʌmʌ jini tejclum i c'aba' Maceda. Tsi' lu' tsʌnsa jini yumʌl yic'ot pejtel jini chumulo' bʌ ti tejclum. Ma'anic majqui tsa' cʌle. Josué tsi' tsʌnsa jini yumʌl ti Maceda che' bajche' tsi' tsʌnsa jini yumʌl ya' ti Jericó.

Josue 10:30

Lac Yum tsi' yʌc'ʌ ti' c'ʌb jini israelob jini yumʌl yic'ot pejtel año' bʌ ti tejclum. Tsi' tsʌnsayob pejtelel jini ya' bʌ chumulob. Ma'anic majqui tsa' cʌle. Josué tsi' tsʌnsa jini yumʌl che' bajche' tsi' tsʌnsa i yum Jericó.

Josue 11:19

Jini jach jini heveojob año' bʌ ti Gabaón tsi' lajayob i t'an yic'ot Josué. Ma'anic yambʌ tejclum tsa' bʌ i yʌc'ʌ i bʌ ti' wenta Josué. Josué tsi' jisayob ti pejtelelob.

Josue 21:17

Tsa' aq'uentiyob ja'el jini tejclum tac yic'ot i lum ya' ti Benjamín: Gabaón, Geba,

Josue 9:17

Tsa' majliyob jini israelob ti' tejclumob jini winicob. Tsa' c'otiyob ti' yuxp'ejlel q'uin ti jini tejclum tac Gabaón, Cafira, Beerot, yic'ot Quiriat Jearim.

Josue 9:22

Josué tsi' pʌyʌyob tilel jini gabaoñob. Tsi' subeyob: ¿Chucoch tsa' lotiyon lojon? ¿Chucoch tsa' la' lon alʌ: “Ñajt tilemon lojon”, che'etla, che' lʌc'ʌl jax chumuletla?

Josue 9:4

Tsi' c'ʌñʌyob i ña'tʌbal. Tsa' majli i c'ajtibeñob israelob cha'an mi' pʌyob ochel ti' winicob. Tsi' ch'ʌmʌyob ñoxix bʌ i pislelob. Tsi' ch'ʌmʌyob majlel ti burro tsucul bʌ coxtal yic'ot ñoxix bʌ pʌchi i yajñib vino.