Josue 9:1 - Chol: I T’an Dios

^1-2 Jini yumʌlob am bʌ ti junwejl Jordán ja' ba' mi' bʌjlel q'uin tsi' yubiyob chuqui tsa' ujti. Tsi' temeyob i t'an cha'an mi' comol coltañob i bʌ ti contra Josué yic'ot israelob. Tsi' tempayob i bʌ jini año' bʌ ti wits yic'ot ti joctʌl yic'ot ti' tojel jini colem ñajb c'ʌlʌl ti Líbano, yic'otob heteojob yic'ot amorreojob yic'ot cananeojob yic'ot fereseojob yic'ot heveojob yic'ot jebuseojob.

Chol de Tumbalá Bible

^1-2 Jini yumʌlob am bʌ ti junwejl Jordán ja' ba' mi' bʌjlel q'uin tsi' yubiyob chuqui tsa' ujti. Tsi' temeyob i t'an cha'an mi' comol coltañob i bʌ ti contra Josué yic'ot israelob. Tsi' tempayob i bʌ jini año' bʌ ti wits yic'ot ti joctʌl yic'ot ti' tojel jini colem ñajb c'ʌlʌl ti Líbano, yic'otob heteojob yic'ot amorreojob yic'ot cananeojob yic'ot fereseojob yic'ot heveojob yic'ot jebuseojob.

Josue 9:1 Iomraidhean Croise

2 Samuel 24:7

Tsa' majliyob ti Tiro jini ts'ajquibil bʌ tejclum. Tsa' ñumiyob ba'an pejtelel i lumalob jini heveojob yic'ot jini cananeojob. Che' jini tsa' c'otiyob c'ʌlʌl ti Neguev ti Judá c'ʌlʌl ti Beerseba.

Exodo 23:23

Come jini cAngel ñaxan mi caj i majlel ti' tojel la' wut cha'an mi' pʌyetla majlel ti' lumal amorreojob yic'ot heteojob yic'ot ferezeojob yic'ot cananeojob yic'ot heveojob yic'ot jebuseojob. Mi caj c jisañob ti pejtelel.

Exodo 23:31

Ya' jaxʌl la' lum ti Chʌchʌc bʌ Najb, yic'ot ya' ti colem ñajb ba'an filisteojob, yic'ot ba'an tiquin bʌ lum c'ʌlʌl ti colem ja' i c'aba' Eufrates, come mi caj cʌc' ti la' wenta pejtelel winicob x'ixicob año' bʌ ti jini lum. Jatetla mi caj la' chocob loq'uel.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 34:11

Lotola mu' bʌ c subeñetla wʌle. Yom mi la' ña'tan mi caj c choc loq'uel ti la' tojlel jini amorreojob, yic'ot cananeojob, heteojob, ferezeojob, yic'ot heveojob, yic'ot jini jebuseojob.

Numeros 13:29

Ya' chumulob i yalobilob Amalec ti Neguev. Jini heteojob, yic'ot jebuseojob, yic'ot amorreojob, chumulob ti wits. Jini cananeojob chumulob ti' ti' colem ñajb, yic'ot ti' ti' Jordán ja', che'ob.

Numeros 34:6

La' cayajon am bʌ ti' tojel i bʌjlibal q'uin jiñʌch jini Colem Ñajb.

Deuteronomio 1:7

Cha' cucuxla ya' ti' lumalob amorreojob yic'ot ti' joytʌlel. Cucuxla ti Arabá jini joctʌl bʌ lum, yic'ot ti wits ya' ti Neguev, yic'ot ti' ti' ja'. La' cha'añʌch pejtel i lumal cananeojob, yic'ot Líbano c'ʌlʌl ti colem ja' i c'aba' Eufrates.

Deuteronomio 3:25

Jini cha'an ti wocol t'an mij c'ajtibeñet: La' c'axicon ti junwejl Jordán ja' cha'an mi cochel ti jini wen bʌ lum. Wen i t'ojol tac jax wits yic'ot jini te'el am bʌ ti Líbano, cho'on.

Deuteronomio 4:49

yicot pejtel jini joctʌl am bʌ ti' tojel Jordán ja' ya' ba' mi' pasel q'uin, c'ʌlʌl ti colem ja' am bʌ i yʌts'mil i c'aba' Arabá ti' yebal wits i c'aba' Pisga.

Deuteronomio 7:1

Lac Yum Dios mi caj i pʌyetla ochel ti la' lum mu' bʌ caj i yʌq'ueñetla. Che' ja'el mi caj i choc loq'uel cabʌl tejclumob ti la' tojlel, jiñobʌch: heteojob, gergeseojob, amorreojob, cananeojob, ferezeojob, heveojob, jebuseojob. Jiñobʌch wucp'ejl tejclum ñumen ñuc bʌ bajche' jatetla, ñumen p'ʌtʌlob ja'el.

Josue 1:15

Yom mi la' coltan la' pi'ʌlob israelob jinto lac Yum Dios mi' yʌc'ob ti ochel cha'an xuc'ul mi yajñelob che' bajche' jatetla. Mi caj i ch'ʌmob ti wenta i lumob. Ti' wi'il mi caj la' cha' sujtel ti la' lumal tsa' bʌ la' ch'ʌmʌ. Jiñʌch la' lumal tsa' bʌ i yʌq'ueyetla Moisés i winic lac Yum ti junwejl Jordán ja' ya' ti' tojel i pasibal q'uin. Che' tsi' yʌlʌ Josué.

Josue 1:4

c'ʌlʌl ya' ti tiquin bʌ lum, yic'ot ya' ti lum i c'aba' Líbano, c'ʌlʌl ti colem ja' i c'aba' Eufrates. A cha'añʌch pejtelel i lumal heteojob, c'ʌlʌl ti colem ja' ya' ti' tojel i bʌjlibal q'uin.

Josue 10:23

Che'ʌch tsi' meleyob. Tsi' loc'sayob ti ch'en jini jo'tiquil yumʌlob, i yumob Jerusalén, yic'ot Hebrón, yic'ot Jarmut, yic'ot Laquis, yic'ot Eglón.

Josue 11:17

Tsa' mʌjli i cha'an ti wits ba'an Seir c'ʌlʌl ti Baalgad am bʌ ti joctʌl i cha'an Líbano lʌc'ʌl ba'an jini wits i c'aba' Hermón. Tsa' mejli i tsʌnsan pejtelel i yumob jini tejclum tac.

Josue 13:5

I lum jini giblajob, pejtelel jini Líbano am bʌ ti pasibal q'uin ti Baalgad am bʌ ti yentʌlal jini wits i c'aba' Hermón c'ʌlʌl ti yochib Hamat.

Josue 15:12

Ya' jaxʌl ti' bʌjlibal q'uin ba'an colem ñajb. Jiñʌch pejtelel i lum i p'olbalob Judá che' bajche' c'amel jini otot tac.

Josue 22:4

Lac Yum Dios tsa'ix i yʌq'ueyob la' pi'ʌlob i ñʌch'tʌlel ti' tojlel i contrajob. Jini cha'an sujtenixla majlel ti la' chumlib ti jini lum tsa' bʌ i yʌq'ueyetla Moisés i winic lac Yum ya' ti junwejl Jordán ja'.

Josue 22:7

Moisés tsa'ix i yʌq'ueyob i lum lamital i p'olbalob Manasés (i pi'ʌl bʌ Efraín) ya' ti Basán. Jini cha'an Josué tsi' yʌq'ueyob i lum i pi'ʌlob Manasés año' bʌ ti' tojel Jordán ja' ya' ti' bʌjlibal q'uin. Josué tsi' yʌq'ueyob i yutslel i t'an ja'el. Tsi' chocoyob sujtel ba'an i chumlib tac.

Josue 23:4

Tsa'ix c t'oxbeyetla la' lum ti jujunmojt i p'olbal Israel. Tsac chilbeyob i lumal jini winicob x'ixicob tsa' bʌ c jisa ti la' tojlel, yic'ot yaño' bʌ maxto bʌ chocbilob loq'uel c'ʌlʌl ti Jordán ja' c'ʌlʌl ti colem ñajb ba' mi' bʌjlel q'uin.

Josue 24:11

Ti wi'il tsa' c'axiyetla ti Jordán ja'. Tsa' c'otiyetla ti Jericó. Jini año' bʌ ti Jericó tsi' contrajiyetla. Tsa cʌc'ʌyob ti la' wenta.

Josue 3:10

Che' jini mux cajel la' ña'tan an ti la' tojlel jini cuxul bʌ lac Yum Dios. Jiñʌch lac ña'tʌntel cha'an mux i choc loq'uel ti la' tojlel jini cananeojob yic'ot heteojob yic'ot heveojob yic'ot ferezeojob yic'ot gergeseojob yic'ot amorreojob yic'ot jebuseojob.

Josue 3:17

Jini motomajob q'uechel bʌ i cha'an jini Arca ba' lotol jini Xuc'ul bʌ T'an i cha'an lac Yum, tsa' wa'leyob ti tiquin lum ya' ti' yojlil Jordán ja'. Che' ya' wa'alob jini motomajob ti' yojlil, pejtel jini israelob tsa' lu' c'axiyob ti Jordán ja' che' bajche' tiquin bʌ lum.

Josue 5:1

I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

Josue 6:27

Lac Yum Dios an yic'ot Josué. Ñuc tsa' q'uejli ti pejtelel pañimil.

Josue 9:7

Jini israelob tsi' subeyob jini heveojob: ¿Mach ba wʌ'ic chumuletla ti lʌc'ʌl? ¿Bajche' mi mejlel c laj lojon c t'an la' wic'ot? che'ob.