Josue 8:8 - Chol: I T’an Dios

⁸ Che' bʌ tsa'ix ochiyetla, otsʌbenla c'ajc che' bajche' tsi' yʌlʌ lac Yum. Wen ña'tanla che' bajche' wolic subeñetla, che'en Josué.

Chol de Tumbalá Bible

⁸ Che' bʌ tsa'ix ochiyetla, otsʌbenla c'ajc che' bajche' tsi' yʌlʌ lac Yum. Wen ña'tanla che' bajche' wolic subeñetla, che'en Josué.

Josue 8:8 Iomraidhean Croise

2 Samuel 13:28

Absalón tsi' sube jini x'e'telob i cha'an: Yom mi la' chʌcʌ q'uel Amnón che' wen tijicña jax woli' yubin che' woli' jap vino. Che' mic subeñetla: “Tsʌnsanla Amnón”, mi cho'on, ti ora jach yom mi la' tsʌnsan. Mach yomic mi la' wis cha'len bʌq'uen, come joñon woliyon ti mandar. Tsa'ix c subeyetla, ch'ejl'esan la' bʌ, che'en.

Deuteronomio 20:16

Mach yomic mi la' p'untan mi juntiquilic la' contra ya' ba' mi la' majlel ti chumtʌl ti jini lum woli bʌ i yʌq'ueñet lac Yum.

Josue 1:16

Tsi' jac'beyob Josué. Tsi' yʌlʌyob: Mi caj c mel lojon pejtelel mu' bʌ a subeñon lojon. Mi caj c majlel lojon baqui jach a wom.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 6:24

Tsi' puluyob jini tejclum yic'ot pejtelel i bʌl. Jini jach jini plata yic'ot oro yic'ot jini p'ejt tac melbil bʌ ti c'ʌnc'ʌn taq'uin yic'ot ti tsucul taq'uin tsi' yotsayob ti' yotot lac Yum.

Josue 8:13

Che' bʌ tsa' ic'a tsa' ajniyob jini jo'p'ejl mil israelob ti junwejl tejclum. Ya' ti norte ti' tojel Hai tsa' ajniyob pejtelel yaño' bʌ israelob yic'ot Josué. Josué tsa' cʌle jump'ejl ac'ʌlel ya' ti' yojlil jini joctʌl.

Josue 8:2

Yom ma' mel che' bajche' tsa' mele ya' ti Jericó. Tsʌnsan jini winicob x'ixicob año' bʌ ti Hai yic'ot i yum. Jini i chubʌ'an che' bajche' caballo yic'ot mula, la' cha'añʌch. Ya' ba' mi' bʌjlel q'uin, yom ma' joy mʌctan jini tejclum. Che' tsi' yʌlʌ lac Yum.

Josue 8:22

Tsa' cha' loq'uiyob ti tejclum jini jo'p'ejl mil israelob cha'an mi' coltañob i pi'ʌlob. Tsi' joy mʌctayob i winicob Hai. Ma'anic tsa' mejliyob ti puts'el mi juntiquilic. Jini israelob tsi' tsʌnsayob pejtel i contrajob.

Josue 8:28

Josué tsi' laj pulu Hai. Tsa' sujti ti misujelʌl. Tsiquil c'ʌlʌl wʌle.

Josue 8:7

Che' woliyonix lojon ti puts'el, yom mi la' wochel ti tejclum. Lac Yum Dios mi caj i yʌc' ti la' c'ʌb jini tejclum.

Josue 8:9

Che' jini Josué tsi' choco majlel i winicob ti junwejl jini tejclum ti' tojel i bʌjlibal q'uin. Tsa' cʌleyob ti ojlil bij ti' tojel Hai yic'ot Betel. Josué tsi' ñusa ac'ʌlel yic'ot yambʌ soldadojob.

Juezob 4:6

Débora tsi' choco ti pʌyol Barac i yalobil Abinoam am bʌ ti Cedes ti Neftalí. Tsi' sube: Lac Yum, i Dios Israel, woli' subeñet: “Tempan a winicob ya' ti wits i c'aba' Tabor. Tempan lujump'ejl mil winicob i p'olbal Neftalí yic'ot i p'olbal Zabulón.