Josue 8:1 - Chol: I T’an Dios

¹ Lac Yum Dios tsi' sube Josué: Mach a cha'len bʌq'uen. Mach ma' lij a bʌ. Pʌyʌ majlel pejtelel winicob yujilo' bʌ guerra. Cucula ti guerra ti' contra jini Hai. Joñon mi caj cʌq'ueñet jini yumʌl ti Hai, yic'ot i winicob, yic'ot i tejclum, yic'ot i lum.

Chol de Tumbalá Bible

¹ Lac Yum Dios tsi' sube Josué: Mach a cha'len bʌq'uen. Mach ma' lij a bʌ. Pʌyʌ majlel pejtelel winicob yujilo' bʌ guerra. Cucula ti guerra ti' contra jini Hai. Joñon mi caj cʌq'ueñet jini yumʌl ti Hai, yic'ot i winicob, yic'ot i tejclum, yic'ot i lum.

Josue 8:1 Iomraidhean Croise

Salmos 27:1

Caj Coltaya c Yum. Mi' yʌc'on ti ajñel ti' sʌclel. ¿Yom ba mic bʌc'ñan winic? C Yum mi' coltañon che' an j contrajintel. ¿Majqui mi caj c bʌc'ñan che' jini?

Salmos 44:3

Come mach ti' p'ʌtʌlelic i yespada tsi' ch'ʌmʌyob jini lum. Ma'anic tsa' mʌjli i cha'añob ti' bajñel p'ʌtʌlel. Pero ti' p'ʌtʌlel jini ñoj bʌ a c'ʌb jini wen yujil bʌ e'tel tsa' coltayob, Come tsa' pʌsbeyob i yutslel a pusic'al.

Salmos 46:11

I Yum Panchan yic'ot Pañimil an la quic'ot. I Dios Jacob jiñʌch la caj Coltaya i wenta chan bʌ ts'ajc.

Isaias 12:2

Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch.

Isaias 43:2

Che' ma' ñumel ya' ti ja', che' cabʌl a wocol, ya' añon quic'otet. Che' ma' ñumel ya' ba' tam ja', che' cabʌl a tic'lʌntel, ma'anic mi caj a sujp'el ochel. Che' ma' c'axel ti c'ajc, ma'anic chuqui mi caj i tumbeñet. Ma'anic mi caj i pulet c'ajc.

Jeremias 46:27

Mach la' cha'len bʌq'uen jatetla tsa' bʌ sujtiyetla ti la' lumal. C winiquetla. Mach la' mel la' pusic'al. Mi caj c cha' pʌyetla tilel la' wic'ot la' walobilob anquese ñajt pujquemetla, anquese chuculetla ti' wenta yambʌ yumʌlob. Mi caj i cha' sujtel Jacob. Mi caj i c'aj i yo, tijicña i pusic'al. Ma'anic chuqui mi caj i bʌc'ñan.

Jeremias 49:3

Cha'lenla uq'uel añet bʌ la ti Hesbón, come jisʌbilix Hai. Cha'lenla uq'uel xchumtʌlob ti' joytʌlel Rabá. Lʌpʌla coxtal. Mele la' pusic'al. Ñopo la' mujcun la' bʌ ti te'el come q'uechel mi' majlel la' dios Milcom ti ñajt bʌ lum yic'ot jini motomajob yic'ot jini yumʌlob mu' bʌ i ch'ujutesañob.

Daniel 2:21

An ti' wenta Dios pejtel chuqui mi' yujtel ti' tojlel winicob. Mi' choc loq'uel rey, mi' wa'chocon rey. Mi' yʌq'uen i ña'tʌbal jini año' bʌ i ña'tʌbal. Mi' yʌq'uen i p'ip'lel i pusic'al jini p'ip'o' bʌ.

Daniel 4:25

Mi caj a tʌts' a bʌ ti' tojlel winicob. Mi caj a wajñel yic'ot bʌte'el. Mi caj a c'ux jam che' bajche' wacax. Jini tijil mi caj i yʌch'esan a bʌc'tal. Wucp'ejl jab mi caj a wajñel che' bajche' iliyi, jinto ma' wen cʌn jini Dios am bʌ i p'ʌtʌlel ti' tojlel pejtelel yumʌlob ti pañimil. Mi' wa'chocon ti yumʌl majqui jach yom.

Daniel 4:35

Pejtel winicob ti pañimil ma'anic i c'ʌjñibal ti' tojlel. Mi' mel che' bajche' yom ti' tojlel jini año' bʌ ti panchan yic'ot jini chumulo' bʌ ti pañimil. Ma'anic majch mi mejlel i mʌctʌben i p'ʌtʌlel. Ma'anic majch mi mejlel i suben: “¿Chuqui woli a mel?” Mach mejlic ti tijq'uel.

Mateo 8:26

Jesús tsi' subeyob: ¿Chucoch woliyetla ti bʌq'uen, jatetla mach bʌ anic mi la' ñop ti pejtelel la' pusic'al? che'en. Tsa' ch'ojyi. Tsi' tiq'ui jini ic' yic'ot ñajb. Ñʌch'ʌcña tsa' lajmi.

Deuteronomio 1:21

Lac Yum Dios tsi' pʌyʌyonla tilel. Jini lum an ti' tojel la' wut. Cucuxla. Ch'ʌmʌla che' bajche' tsi' subeyetla lac Yum Dios, i Yum lac ñojte'elob. Mach mi la' cha'len bʌq'uen. Mach yomic c'un la' pusic'al. Che'ʌch tsac subeyetla.

Deuteronomio 31:8

Lac Yum mi caj i majlel ñaxan ti a tojlel. Mi caj i yajñel a wic'ot. Ma'anic mi caj i cʌyet. Jini cha'an mach ma' cha'len bʌq'uen, che'en.

Deuteronomio 7:18

mach yomic mi la' bʌc'ñañob. Ña'tanla chuqui tsi' mele lac Yum ti' tojlel Faraón yic'ot ti' tojlelob pejtelel jini año' bʌ ti Egipto.

Deuteronomio 7:21

Mach la' bʌc'ñañob, come lac Yum Dios an la' wic'ot. Wen ñuc ajñel, wen bʌc'ñʌbil.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 10:7

Jini cha'an tsa' letsi majlel Josué ti Gilgal yic'ot pejtel jini israelob yujilo' bʌ guerra.

Josue 10:8

Lac Yum tsi' sube Josué: Mach ma' cha'len bʌq'uen. Mi caj cʌq'ueñet ti a c'ʌb pejtel jini winicob. Ma'anic mi juntiquilic a contra mu' bʌ caj i mʌjlel i cha'an, che'en lac Yum.

Josue 2:24

Tsi' subeyob: Lac Yum woli' yʌc' ti laj c'ʌb pejtel i lumal. Woli' toj sajtelob i pusic'al jini ya' bʌ chumulob, che'ob.

Josue 6:2

Lac Yum tsi' sube Josué: Q'uele, joñon tsa'ix cʌq'ueyet Jericó, yic'ot i yumob, yic'ot pejtelel jini winicob yujilo' bʌ guerra.

Josue 7:9

Che' mi' yubiñob jini cananeojob yic'ot pejtelel chumulo' bʌ ya' ti lum, mi caj i joy mʌctañon lojon. Mi caj i jisañon lojon. ¿Chuqui mi caj a mel che' jini, cha'an i ñuclel a c'aba'? che'en Josué.