Josue 7:7 - Chol: I T’an Dios

⁷ Josué tsi' yʌlʌ: C Yum Dios, ¿chucoch tsa' wʌc'ʌyob ti c'axel ti Jordán ili winicob cha'an ma' wʌc'on lojon ti jisʌntel ti' c'ʌb jini amorreojob? Ñumen uts'at tsa'ic cʌleyon lojon ya' ti junwejl Jordán.

Chol de Tumbalá Bible

⁷ Josué tsi' yʌlʌ: C Yum Dios, ¿chucoch tsa' wʌc'ʌyob ti c'axel ti Jordán ili winicob cha'an ma' wʌc'on lojon ti jisʌntel ti' c'ʌb jini amorreojob? Ñumen uts'at tsa'ic cʌleyon lojon ya' ti junwejl Jordán.

Josue 7:7 Iomraidhean Croise

2 Reyob 3:10

Joram jini rey bʌ ti Israel c'am tsi' yʌlʌ: Mach cha'leyajix. ¿Tsa' ba i pʌyʌyonla tilel lac Yum cha'an mi' yʌc'onla ti' c'ʌb jini moabob? che'en.

Salmos 116:11

Tsa cʌlʌ xlotob pejtel winicob, Come tsac lon ña'ta mach lajmicon.

Exodo 16:3

Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Exodo 17:3

Tiquiñob i ti'. Jini cha'an tsi' yʌ'leyob Moisés. Tsi' yʌlʌyob: ¿Chucoch tsa' pʌyʌyon lojon loq'uel ti Egipto cha'an ma' tsʌnsañon lojon ti tiquin ti' yic'ot calobil lojon yic'ot cʌlac' lojon? che'ob.

Numeros 14:16

“Wersa tsi' tsʌnsayob i Yum, come ma'anic tsa' mejli i cʌntañob ti tiquiñal bʌ pañimil. Ma'anic tsa' mejli i yotsañob ti jini wen bʌ lum, anquese tsi' yʌq'ueyob i t'an cha'an mi caj i yotsañob ya'i”. Che' mi caj i lon alob.

Numeros 14:3

¿Chucoch woli' pʌyon lojon majlel lac Yum ti jini lum ba' tsajniyob lac pi'ʌlob? Mux i jisañonla ti espada. Mux i pʌybeñon lojon quijñam, yic'ot calobil lojon cha'an mi' yotsañob ti mozo e'tel. ¿Mach ba yomic mij coltan lojon c bʌ? La' sujticon lojon ti Egipto, che'ob.

Mateo 17:17

Jesús tsi' jac'ʌ: Winicob x'ixicob año' bʌ wʌle, mach bʌ anic mi la' ñop, sojquemetla. ¿Jayp'ejl to q'uin wʌ' añon la' wic'ot? ¿Jayp'ejl to q'uin mi caj j cuchbeñetla la' sajtemal? Pʌyʌla tilel wʌ' ba' añon, che'en.

Mateo 17:20

Jesús tsi' subeyob: Come ma'anic mi la' ñop ti pejtelel la' pusic'al. Come isujm mic subeñetla, mi tsa' la' ñopo ti la' pusic'al mi che' jach ya wistʌl che' bajche' i bʌc' mostaza, che' jini muq'uix mejlel la' suben jini wits cha'an mi' tʌts' i bʌ ti yambʌ i yajñib. Mi caj i tʌts' i bʌ. Ma'anic chuqui mach bʌ mejlic la' cha'an.

Hebreos 12:5

Tsa'ix ñajʌyi la' cha'an bajche' tsi' xic'beyetla Dios che' bajche' mi lac xic'ben la calobil. Tsi' yʌlʌ: “Calobil, mach a ts'a'len i ju'sʌntel a pusic'al ti lac Yum. Mach a lij a bʌ che' mi' tiq'uet lac Yum.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Josue 7:8

C Yum, ¿chuqui mi mejlel c mel? Come laj contrajob tsa'ix mʌjliyob i cha'an.

Juezob 20:23

Jini israelob ñaxan tsa' letsiyob majlel ba'an lac Yum. C'am tsi' cha'leyob uq'uel c'ʌlʌl ti ic'ajel. Tsi' c'ajtibeyob lac Yum: ¿Yom to ba mic chʌn cha'len lojon guerra ti' tojlel jini benjamiñob, jini c pi'ʌlob lojon? che'ob. Lac Yum tsi' subeyob: Cha' letsenla ti guerra ti' contrajob, che'en.

1 Samuel 4:3

Che' bʌ tsa' cha' sujtiyob jini israelob ya' ba' jijlemob i pi'ʌlob, jini ñoxobix bʌ tsi' yʌlʌyob: ¿Chucoch tsi' yʌc'ʌyonla ti jilel lac Yum ti' tojlel filisteojob? Conla ti Silo cha'an mi lac ch'ʌm tilel jini Arca ya' ba' lotol jini xuc'ul bʌ i t'an lac Yum. Che' jini lac Yum mi caj i tilel ti lac tojlel cha'an mi' coltañonla, cha'an mi lac loq'uel ti' p'ʌtʌlel laj contrajob, lon che'ob.