Josue 7:6 - Chol: I T’an Dios

⁶ Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Chol de Tumbalá Bible

⁶ Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Josue 7:6 Iomraidhean Croise

Genesis 37:29

Che' bʌ tsa' cha' majli Rubén ba'an joyol bʌ lum tsi' q'uele mach ya'ix an José ti mal. Tsi' tsili i pislel.

Genesis 37:34

Jacob tsi' tsili i pislel. Tsi' lʌpʌ coxtal i wenta i wex. Tsi' yuc'ta i yalobil cabʌl q'uin.

2 Samuel 1:11

Che' bʌ tsi' yubi iliyi, David tsi' jet' tsili i bujc. Che'ʌch tsi' meleyob ja'el pejtelel i winicob.

2 Samuel 1:12

Tsi' cha'leyob uq'uel. Tsi' wen meleyob i pusic'al. Ma'anic chuqui tsi' c'uxuyob. Ma'anic chuqui tsi' japʌyob c'ʌlʌl tsa' ochi ac'ʌlel cha'an tsʌnsʌbilobix ti guerra Saúl yic'ot Jonatán i yalobil Saúl, yic'ot jini israelob i cha'año' bʌ lac Yum.

2 Samuel 1:2

Che' anix uxp'ejl q'uin i chʌmel Saúl, tsa' tili juntiquil winic tsa' bʌ loq'ui ba' tempʌbilob Saúl yic'ot i winicob. Laj tsijlem i bujc, an ts'ubejn ti' jol. Tsa' c'oti ba'an David. Tsi' pʌcchoco i bʌ.

2 Samuel 12:16

David tsi' pejca lac Yum ti oración cha'an mi' lajmel jini ch'iton. Ma'anic chuqui tsi' wis c'uxu David. C'ʌlʌl tsa' ñumi ac'ʌlel, ya' jach ñolol ti to'o lum.

2 Samuel 13:19

Tamar tsi' ch'ʌmʌ i tʌñil c'ajc. Tsi' p'ujp'u ti' jol. Tsi' jet' tsili i bujc. Che' woli ti xʌmbal tsa' caji i ñup'ye' majlel i jol. Tsa' caji ti uq'uel majlel.

2 Samuel 13:31

Ti ora jach tsa' tejchi ch'ojyel jini rey David. Tsi' jet' tsili i pislel. Tsi' ñolchoco i bʌ ti lum yic'ot pejtelel jini x'e'telob i cha'an ya' bʌ añob ti' yotot.

2 Reyob 22:11

Jini rey tsi' wen ubi pejtel jini t'an am bʌ ti' juñilel jini mandar. Tsi' jet' tsili i bujc cha'an bʌq'uen.

2 Cronicas 34:19

Che' bʌ tsi' yubi i juñilel mandar, jini rey tsi' jet' tsili i pislel.

Esdras 10:1

Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

Nehemias 9:1

Che' ti 10 de octubre tsi' tempayob i bʌ jini israelob. Tsi' cha'leyob ch'ajb. Tsi' lʌpʌyob coxtal. Tsi' mujlayob i jol ti' ts'ubeñal lum.

Ester 4:1

Che' yujilix Mardoqueo melbilix jini ley, tsi' tsili i pislel. Tsi' lʌpʌ coxtal. Tsi' boño i bʌ ti' tʌñil c'ajc. We'ecña ti uq'uel tsa' majli ti ojlil tejclum. Ch'ijiyem i pusic'al

Ester 4:3

Ti jujump'ejl colem tejclum baqui jach tsa' c'oti i mandar rey, tsa' ochi i ch'ijiyemlel i pusic'al judíojob che' bʌ tsi' yubiyob. Tsa' cajiyob ti ch'ajb, we'ecñayob ti uq'uel. Lamital tsa' ñoleyob ti' tʌñil c'ajc lʌpʌlob i cha'an coxtal.

Job 1:20

Tsa' wa'le Job. Tsi' tsili i bujc. Tsi' set'e i jol cha'an ch'ijiyem i pusic'al. Tsi' choco i bʌ ti lum. Tsi' ch'ujutesa Dios.

Job 2:12

Che' bʌ tsi' ñajti q'ueleyob, ma'anic tsi' cʌñʌyob. C'am tsa' cajiyob ti uq'uel. Tsi' tsiliyob i bʌjq'uil. Tsi' mujlayob i bʌ ti ts'ubejn.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Lamentaciones 2:10

Ñʌch'ʌl jini xñoxob. Buchulob ti lum, lʌpʌl i cha'añob coxtal. Mi' mujlañob i jol ti' ts'ubeñal lum cha'an i ch'ijiyemlel i pusic'al. Jini xch'ocob mi' lijob i jol cha'an quisin.

Numeros 14:6

Che' jini Josué i yalobil Nun, yic'ot Caleb i yalobil Jefone, jini tsajniyo' bʌ i q'uelob jini lum, tsi' tsiliyob i pislel cha'an i ch'ijiyemlel i pusic'al.

Numeros 16:22

Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Numeros 16:45

Yom mi la' tʌts' la' bʌ ti' tojlel ili winicob, come mi caj c jisañob ti junyajlel, che'en. Pero Moisés yic'ot Aarón tsi' pʌcchocoyob i bʌ.

Hechos 14:14

Jini apóstolob, Bernabé yic'ot Pablo, tsi' tsiliyob i pislel che' bʌ tsi' yubiyob. Ti ajñel tsa' ñumiyob ba' motocñayob. Wen c'am tsi' cha'leyob t'an.

Josue 7:7

Josué tsi' yʌlʌ: C Yum Dios, ¿chucoch tsa' wʌc'ʌyob ti c'axel ti Jordán ili winicob cha'an ma' wʌc'on lojon ti jisʌntel ti' c'ʌb jini amorreojob? Ñumen uts'at tsa'ic cʌleyon lojon ya' ti junwejl Jordán.

Apocalipsis 18:19

Mi caj i chocob ts'ubejn ti' pam i jol. Mi caj i cha'leñob c'am bʌ t'an che' mi' yuc'tañob. Mi caj i cha'leñob uq'uel. Mi caj i yʌlob: “¡Obol i bʌ, obol i bʌ, come ti jump'ejl jach ora tsa'ix jili jini colem tejclum ba' wen chumulob pejtelel i yumob barco cha'an i choñoñel ti colem ñajb yic'ot i chubʌ'an jini año' bʌ ti Babilonia”, che'ob.

Juezob 11:35

Che' bʌ tsi' q'uele, tsi' jet' tsili i bujc Jefté. Tsi' yʌlʌ: Calobil, p'ump'uñon jax. Tsa'ix a wʌq'ueyon c wocol, come tsac cha'le trato ti' tojlel lac Yum. Mach mejlix c chʌn yʌn c t'an, che'en.

Juezob 20:23

Jini israelob ñaxan tsa' letsiyob majlel ba'an lac Yum. C'am tsi' cha'leyob uq'uel c'ʌlʌl ti ic'ajel. Tsi' c'ajtibeyob lac Yum: ¿Yom to ba mic chʌn cha'len lojon guerra ti' tojlel jini benjamiñob, jini c pi'ʌlob lojon? che'ob. Lac Yum tsi' subeyob: Cha' letsenla ti guerra ti' contrajob, che'en.

Juezob 20:26

Jini cha'an pejtelel jini israelob tsa' majliyob ti Betel. C'am tsi' cha'leyob uq'uel. Ya' tsa' buchleyob ti' tojlel lac Yum. Ma'anic chuqui tsi' c'uxuyob ti jini q'uin c'ʌlʌl ti ic'ajel. Tsi' yʌq'ueyob pulbil tac bʌ i majtan lac Yum yic'ot i majtan cha'an i ñʌch'tilel i pusic'al.

Juezob 21:2

Pero jini israelob tsa' cha' tiliyob ti Betel. Ya' añob c'ʌlʌl ti ic'ajel ti' tojlel lac Yum. C'am tsi' cha'leyob t'an ti oración. Tsi' cha'leyob uq'uel. Tsi' yʌlʌyob:

1 Samuel 4:12

Juntiquil winic ch'oyol bʌ ti Benjamín tsa' majli ti ajñel cha'an mi' subeñob i pi'ʌlob. Tsa' c'ʌlʌ c'oti ti Silo. Laj tsijlem i pislel. An ts'ubejn ti' jol cha'an i ch'ijiyemlel i pusic'al ti jim bʌ q'uin.