Josue 7:2 - Chol: I T’an Dios

² Che' ya' añob ti Jericó, Josué tsi' choco majlel winicob ba'an jini tejclum i c'aba' Hai. Lʌc'ʌl Hai ba'an Betavén, am bʌ ti' tojel Betel ya' ti' pasibal q'uin. Tsi' subeyob majlel ti' lumal Hai.

Chol de Tumbalá Bible

² Che' ya' añob ti Jericó, Josué tsi' choco majlel winicob ba'an jini tejclum i c'aba' Hai. Lʌc'ʌl Hai ba'an Betavén, am bʌ ti' tojel Betel ya' ti' pasibal q'uin. Tsi' subeyob majlel ti' lumal Hai.

Josue 7:2 Iomraidhean Croise

Genesis 12:8

Tsa' loq'ui ya'i. Tsa' poj majli ti wits am bʌ ti' tojel Betel. Tsi' wa'choco jini pisil bʌ i yotot ti ojlil bij che' mi lac loq'uel ti Betel ya' ti' bʌjlibal q'uin cha'an mi lac majlel ti Hai ya' ti pasibal q'uin. Ya'i tsi' wa'chocobe i pulʌntib i majtan lac Yum. Tsi' ch'ujutesa i c'aba' lac Yum.

Genesis 28:19

Tsi' yotsʌbe i c'aba jini ajñibʌl Betel. I c'aba'ʌch Luz che' ti ñaxan.

1 Reyob 12:29

Tsi' yʌc'ʌ juncojt i yejtal alʌ tat wacax ya' ti Betel. Tsi' yʌc'ʌ yambʌ ti Dan.

Nehemias 11:31

I p'olbal Benjamín tsa' pujquiyob majlel ja'el ti Geba, ti Micmas, ti Aía, ti Betel yic'ot ti jini xchumtʌl tac ti' joytilel. ti Anatot, Nob, Ananías, Hazor, Ramá, Gitaim, Hadid, Seboim, Nebalet, Lod, yic'ot Ono, jini joctʌl ba' añob jini wen yujilo' bʌ e'tel ti chajp ti chajp.

Proverbios 20:18

Che' maxto ña'tʌbilic a cha'an bajche' yom ma' mel, c'ajtiben jini yujilo' bʌ. Ñich'tʌbeñob i t'an jini yujilo' bʌ che' a wom a mel guerra.

Proverbios 24:6

Yom p'ip' i pusic'al mu' bʌ i cha'len guerra. Mi' mʌjlel i cha'an jini am bʌ cabʌl i yaj toj'esayajob ti' t'ejl.

Isaias 10:28

Awilan wʌ'ix añob jini soldadojob ch'oyolo' bʌ ti Asiria. Tsa'ix ñumiyob ti Ajat. C'otemobix ti Migrón. Woli' cʌyob lamital i ye'tijib ti Micmas. Woli' c'axalob ti wits cha'an mi' jijlelob ti Geba. Woli' toj sajtelob i pusic'al ti bʌq'uen jini año' bʌ ti Rama. Jini año' bʌ ti Gabaa (i tejclum Saúl) woliyob ti puts'el.

Jeremias 49:3

Cha'lenla uq'uel añet bʌ la ti Hesbón, come jisʌbilix Hai. Cha'lenla uq'uel xchumtʌlob ti' joytʌlel Rabá. Lʌpʌla coxtal. Mele la' pusic'al. Ñopo la' mujcun la' bʌ ti te'el come q'uechel mi' majlel la' dios Milcom ti ñajt bʌ lum yic'ot jini motomajob yic'ot jini yumʌlob mu' bʌ i ch'ujutesañob.

Oseas 4:15

Anquese mi la' cha'len ts'i'lel, israelob, mach che'ic yom mi' melob jini año' bʌ ti Judá. Mach yomic mi la' majlel la' ch'ujutesañon ti Gilgal mi ti Betel che' bajche' mi' melob yaño' bʌ, come cha'chajp i pusic'al, come mi' lon c'ʌñob j c'aba' che' mi' pejcañob dioste'.

Mateo 10:16

Awilan, wolic choquetla majlel che' bajche' tiñʌme' joyol bʌ ti bʌte'el ts'i'. Yom p'ip'etla che' bajche' lucum. Yom utsetla che' bajche' x'ujcuts.

Efesios 5:15

Yom yʌxʌl la' wo che' bajche' jini año' bʌ i pusic'al. Tsajaletla ame mi la' ñusan q'uin che' bajche' jini tontojo' bʌ.

Josue 12:9

yic'ot i yumob: I yum Jericó, i yum Hai lʌc'ʌl bʌ ti Betel, i yum Jerusalén, i yum Hebrón, i yum Jarmut, i yum Laquis, i yum Eglón, i yum Gezer, i yum Debir, i yum Geder, i yum Horma, i yum Arad, i yum Libna, i yum Adulam, i yum Maceda, i yum Betel, i yum Tapúa, i yum Hefer, i yum Afec, i yum Sarán, i yum Madón, i yum Hazor, i yum Simronmerón, i yum Acsaf, i yum Taanac, i yum Meguido, i yum Cedes, i yum Jocneam ya' ti Carmelo, i yum Dor, i yum Goim ya' ti Gilgal, i yum Tirsa. An junlujuntiquil i cha'c'al (31) yumʌlob ti pejtelelob.

Josue 18:12

Jini cayajon am bʌ ti norte tsa' tejchi ya' ti Jordán ja'. Tsa' c'axi ti' tojel Jericó am bʌ ti norte. Tsa' majli ti' tojel i bʌjlibal q'uin ya' ba'an wits. Tsa' c'oti ti tiquin bʌ lum i c'aba' Betavén.

Josue 2:1

Josué tsi' choco loq'uel ti Sitim cha'tiquil stsajiyajob. Tsi' chocoyob majlel ti mucul. Tsi' subeyob: Yom mi la' joy ñumel ti jini tejclum tac cha'an mi la' q'uel bajche' an, che'en. Tsa' majliyob c'ʌlʌl che' bʌ tsa' c'otiyob ti Jericó ya' ti' yotot juntiquil ts'i'lel bʌ x'ixic, i c'aba' Rahab. Tsa' ochiyob ti jini otot cha'an mi' jijlelob.

Josue 7:3

Tsa' cha' tiliyob ba'an Josué i subeñob: Mach yomic mi lac majlel ti lac pejtelel. Jasʌl jach cha'p'ejl o uxp'ejl mil cha'an mi' cha'leñob guerra ti' contra Hai. Mach wocolic mi lac ch'ʌm, come mach cabʌlobic ya' ti Hai, che'ob.

1 Samuel 13:5

Jini filisteojob ja'el tsa' caji i tempañob i bʌ cha'an mi' cha'leñob guerra ti' contra Israel. An i cha'añob lujump'ejl i cha'c'al mil (30,000) carreta, yic'ot wʌcp'ejl mil (6,000) winicob c'ʌchʌlo' bʌ ti caballo, yic'ot cabʌl winicob lajal bʌ i yonlel bajche' i ji'il colem ja'. Tsa' caji' ñochtañob tilel jini israelob año' bʌ ti Micmas ti' tojel Betavén ba' mi' pasel q'uin.

1 Samuel 14:23

Che' jini lac Yum tsi' wen colta jini israelob ti jim bʌ q'uin. Tsa' c'ʌlʌ c'otiyob ti guerra ti Betavén.

1 Samuel 30:27

Che' ja'el tsi' chocbeyob majlel i majtan tac jini año' bʌ ti Betel, Ramot am bʌ ti Neguev, Jatir, Aroer, Sifmot, Estemoa, Racal, Jerameel, Horma, Corasán, Atac, Hebrón, yic'ot ti pejtelel tejclum tac ba' tsa' c'oti tac ti jijlel yic'ot i winicob.