Josue 7:12 - Chol: I T’an Dios

¹² Jini cha'an mach chʌn mʌjlix i cha'añob ti' tojlel i contrajob. I contrajob mi caj i yajñesañob, come tsa'ix i yʌc'ʌyob i bʌ ti chojquel tic tojlel. Ma'anix mic chʌn ajñel la' wic'ot jinto mi la' jisan jini tsa' bʌ i cha'le xujch'.

Chol de Tumbalá Bible

¹² Jini cha'an mach chʌn mʌjlix i cha'añob ti' tojlel i contrajob. I contrajob mi caj i yajñesañob, come tsa'ix i yʌc'ʌyob i bʌ ti chojquel tic tojlel. Ma'anix mic chʌn ajñel la' wic'ot jinto mi la' jisan jini tsa' bʌ i cha'le xujch'.

Josue 7:12 Iomraidhean Croise

Salmos 44:10

Tsa' wʌc'ʌyon lojon ti puts'el ti' tojlel j contrajob lojon. Jini mu' bʌ i ts'a'leñon lojon mi' xujch'iñob lojon c chubʌ'an.

Salmos 60:10

Dios, ¿mach ba chocbilonic lojon a cha'an? Dios, ma'anix ma' pi'leñob majlel ti guerra jini soldadojob c cha'an lojon.

Proverbios 28:1

Jini xjontolil mi' cha'len puts'el anquese ma'anic majch mi' yajñesan. Lajal i ch'ejlel i pusic'al jini tojo' bʌ bajche' bajlum.

Isaias 59:2

Pero jini la' mul tsa'ix i tʌts'ʌyetla ba' ma'anic mi la' q'uel. Ti' caj la' mul lac Yum tsi' mʌyʌ i wut ba' ma'anic mi' yubiñetla.

Jeremias 23:33

Che' an majqui mi' tilel, mi x'alt'an o mi motomaj o yambʌ, che' mi' c'ajtibeñet: “¿Chuqui jini ch'ijiyem bʌ t'an woli bʌ i cuch lac Yum wʌle?” mi che'en, yom ma' suben: “¿Ch'ijiyem ba i t'an? Mach ch'ijiyemic i t'an, pero an cu i cuch. Jatetla i cuchetla pero mi caj i choquetla jubel”. Che'ʌch yom ma' suben, che'en lac Yum.

Jeremias 6:8

Jac'ʌ a cʌntesʌntel Jerusalén. La' jultesʌntic a pusic'al ame mic junyajlel tʌts' c bʌ ti a tojlel, ame mic chilbeñet a lum, che'en.

Oseas 9:12

Anquese mi la' cosan la' walobilob, lolom jach, come joñon mi caj c pʌyob majlel. Che' jini obol la' bʌ che' mij cʌyetla.

Habacuc 1:13

Jontolon lojon. Pero ñumen an i jontolil jini caldeojob. Sʌquet. Mach cujchic a q'uel mulil tic tojlel lojon. Jini cha'an ¿chucoch ma' chʌn cuchbeñob i mul jini caldeojob woli bʌ i jisañon lojon? Mach yomic che' jach ma' q'uelob come woli' tic'lañon lojon xjontolilob ñumen cabʌl bʌ i mul bajche' joñon lojon.

Numeros 14:39

Moisés tsi' cha' subeyob israelob pejtelel ili t'an. Che' jini wen ch'ijiyem tsa' cʌleyob ti' pejtelelob.

Numeros 14:42

Lolom jax mi la' letsel majlel, come ma'anic mi' majlel lac Yum la' wic'ot. Mach chʌn majliquetla, ame jisʌntiquetla ti' tojlel la' contrajob.

Numeros 14:43

Mi caj i jisañetla ti espada jini amalecob yic'ot cananeojob ya' ba' woli la' lon ña'tan majlel, cha'an tsa' la' cʌyʌ la' ñop lac Yum. Jini cha'an lac Yum tsa'ix i cʌyʌyetla. Che' tsi' yʌlʌ Moisés.

Numeros 14:45

Tsa' jubiyob tilel jini amalecob yic'ot jini cananeojob chumulo' bʌ ti wits. Tsi' contrajiyob. Tsi' yajñesayob c'ʌlʌl ti Horma.

Deuteronomio 7:26

Mach yomic mi la' wis ch'ʌm tilel ti la' wotot jini ts'a'lebil bʌ ti Dios, ame chojquiquetla. Yom mi la' ts'a'len. Yom mi la' choc, come tic'biletla ti lac Yum.

Josue 6:18

Yom mi la' tsajin la' bʌ cha'an mach mi la' mulan jini chocbil bʌ. Mach mi la' ch'ʌm, ame la' wʌc' ti chojquel i tejclum Israel ja'el, ame tilic wocol ti lac tojlelob.

Juezob 16:20

Che' jini tsi' cha' sube: Sansón, wʌ'ix añob jini filisteojob, che'en. Che' bʌ tsa' cajni i wut Sansón, tsi' lon ña'ta ti' pusic'al: Mi caj j colel che' bajche' ti yan tac bʌ ora. Che' tsi' ña'ta. Pero mach yujilic mi cʌybilix i cha'an lac Yum.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 2:4

Che' bʌ tsi' yʌlʌ ili t'an i yAngel lac Yum ti' tojlel i yalobilob israel, c'am tsi' cha'le t'an jini tejclum. Tsa' uq'uiyob.

1 Samuel 14:38

Jini cha'an Saúl tsi' yʌlʌ: La'la pejtelel ñuc tac bʌ la' we'tel ila ti tejclum cha'an mi lac wen q'uel majqui an i mul ti lac tojlel.