Josue 7:1 - Chol: I T’an Dios

¹ Jini israelob tsi' ñusʌbeyob i t'an Dios. Acán (i yalobil Carmi, i yalobil bʌ Zabdi, i yalobil bʌ Zera tilemo' bʌ ti Judá) tsi' ch'ʌmʌ chuqui tac aq'uebil Dios. Dios tsi' mich'le israelob.

Chol de Tumbalá Bible

¹ Jini israelob tsi' ñusʌbeyob i t'an Dios. Acán (i yalobil Carmi, i yalobil bʌ Zabdi, i yalobil bʌ Zera tilemo' bʌ ti Judá) tsi' ch'ʌmʌ chuqui tac aq'uebil Dios. Dios tsi' mich'le israelob.

Josue 7:1 Iomraidhean Croise

Genesis 34:27

I yalobilob Jacob tsa' c'otiyob ba'an tsʌnsʌbilo' bʌ. Tsi' cha'leyob xujch' ti jini tejclum ba' tsa' ajq'ui ti quisin i yijts'in.

2 Samuel 24:1

Tsa' cha' caji ti mich' lac Yum yic'ot pejtelel israelob. Tsi' ña'ta i yʌq'ueñob wocol. Tsi' yotsa ti' pusic'al David cha'an mi' choc ñumel x'e'telob i cha'an, cha'an mi' melob censo ti tejclum tac.

2 Reyob 5:24

Che' bʌ tsa' c'oti ti bujtʌl che' ñajt to i yotot Eliseo, Giezi tsi' ch'ʌmʌ jini majtañʌl. Tsi' subeyob jini winicob cha'an mi' cha' majlelob ba'an i yum. Giezi tsi' loto jini cha'p'ejl mucujc plata ya' ti' mal i yotot.

1 Cronicas 21:7

Che' ja'el lac Yum mach uts'atic tsi' q'uele i tsicol winicob. Jini cha'an lac Yum tsi' yʌq'ueyob wocol jini israelob.

2 Cronicas 24:18

Che' jini tsi' cha' cʌyʌyob i Dios i ñojte'elob yic'ot i Templo. Tsa' caji i cha' ch'ujutesañob jini quisintic jax bʌ dios Asera yic'ot yan tac bʌ dioste'. Che' jini lac Yum tsi' cha' mich'le Judá yic'ot Jerusalén.

Esdras 9:6

Tsac sube ti oración: C Dios, ch'ijiyem c pusic'al. Quisintic jax woli cubin, come tsa'ix wen p'ojli c mul lojon. Tsa'ix c'ʌlʌ c'oti ti panchan yubil i yonlel c sajtemal lojon.

Job 35:8

Pero mi an a mul ma' bajñel ac' a bʌ ti wocol cha'an a mul. Mi tojet ma' coltan winicob.

Eclesiastes 9:18

Jini am bʌ i pusic'al ñumen an i c'ʌjñibal bajche' e'tijibʌl mu' bʌ laj c'ʌn ti guerra, pero juntiquil xmulil mi' lon ac' ti jilel cabʌl lac wenlel.

Daniel 9:7

Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Levitico 10:6

Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Jonas 1:7

Tsi' pejcayob i bʌ jini año' bʌ ti barco: La' lac cha'len yajcaya ti alas cha'an mi lac ña'tan chucoch tsa' tili jini wocol ti lac tojlel. ¿Majqui an i mul? che'ob. Tsi' cha'leyob yajcaya ti alas. Tsa' c'oti ti' tojlel Jonás.

Josue 22:16

Pejtelel i cha'año' bʌ lac Yum woli' c'ajtibeñetla: “¿Chucoch tsa' la' ñusʌbe i t'an i Dios Israel? Tsa' la' cʌyʌ Dios che' bʌ tsa' la' mele jini pulʌntib, come tsa' la' chan'esa la' bʌ ti' tojlel Dios.

Josue 22:18

¿Chucoch wolix la' cha' cʌy lac Yum ti ili ora? Tsa'ix la' cʌyʌ lac Yum wʌle. Jini cha'an ijc'ʌl mi caj i mich'leñob pejtelel i cha'año' bʌ Israel.

Josue 22:20

Na'tanla bajche' Acán (i yalobil Zera) tsi' ñusʌbe i t'an Dios che' bʌ tsi' ch'ʌmʌ jini tic'bil bʌ chubʌ'añʌl. Jini cha'an Dios tsi' mich'le pejtelel jini israelob. Mach jinic jach Acán tsa' chʌmi cha'an i mul”, che'ob.