Josue 6:4 - Chol: I T’an Dios

⁴ Yom wuctiquil motomaj cha'an mi' ch'ʌmob majlel wucts'ijt trompeta melbil bʌ ti' xulub tat tiñʌme'. La' majlicob ñaxan ti' tojel jini Arca. Che' ti' wucp'ejlel q'uin, yom wucyajl mi la' joyojtan. Jini motomajob mi caj i wusob majlel jini trompeta.

Chol de Tumbalá Bible

⁴ Yom wuctiquil motomaj cha'an mi' ch'ʌmob majlel wucts'ijt trompeta melbil bʌ ti' xulub tat tiñʌme'. La' majlicob ñaxan ti' tojel jini Arca. Che' ti' wucp'ejlel q'uin, yom wucyajl mi la' joyojtan. Jini motomajob mi caj i wusob majlel jini trompeta.

Josue 6:4 Iomraidhean Croise

Genesis 2:3

Dios tsi' yʌlʌ uts'at i wucp'ejlel q'uin. Tsi' q'uele ti ch'ujul. Come ti' wucp'ejlel q'uin tsi' c'aja i yo cha'an pejtel i ye'tel tsa' bʌ i mele.

1 Reyob 18:43

Tsi' sube jini x'e'tel i cha'an: Cucu, q'uele ya' ba' mi' bʌjlel q'uin, che'en. Tsa' majli i q'uel. Ma'anic chuqui tsiquil. Wucyajl tsi' sube Elías cha'an mi' majlel i q'uel. Wucyajl tsa' majli.

2 Reyob 5:10

Eliseo tsi' choco majlel i winic cha'an mi' suben: Cucu ti ts'ʌmel ti Jordán. Wucyajl yom ma' choc ochel a bʌ ti ja'. Che' jini mi caj i lajmel a tsoy. Sʌc mi caj a cʌytʌl, che'en.

2 Reyob 5:14

Jini cha'an tsa' majli Naamán ya' ti Jordán. Wucyajl tsi' choco ochel i bʌ che' bajche' tsi' sube jini x'alt'an Eliseo. Che' jini tsa' junyajlel lajmi jini leco bʌ i tsoy am bʌ ti' bʌc'tal. Lajal tsa' cʌle che' bajche' i pʌchʌlel alʌl.

2 Cronicas 13:12

Wʌ'an Dios quic'ot lojon yic'ot pejtelel i motomajob. Mi caj i wusob jini trompeta ti la' tojlel. Israelob, mach yomic mi la' contrajin lac Yum i Dios lac ñojte'el, come ma'anic mi caj i mʌjlel la' cha'an. Che' tsi' yʌlʌ Abías.

2 Cronicas 20:17

Ti ili guerra ma'anic mi caj la' cha'len leto. Che' jach wa'aletla yom. Ajñenla ti ñʌch'ʌl. Pijtan la' coltʌntel, come wʌ'an lac Yum la' wic'ot. Winicob ti Judá yic'ot ti Jerusalén, mach mi la' cha'len bʌq'uen. Mach mi la' mel la' pusic'al. Ijc'ʌl che' ti sʌc'ajel cucula ti guerra ti' tojel i wut, come joñon mi caj c majlel la' wic'ot”, che'en lac Yum. Che' tsi' yʌlʌ Jahaziel.

2 Cronicas 20:19

Ti ora tsa' tejchiyob jini levíjob, i yalobilob Coat yic'ot i yalobilob Coré. Ti c'am bʌ t'an tsa' caji i ñuq'uesañob lac Yum i Dios israelob.

2 Cronicas 20:21

Che' bʌ tsi' comol pejcayob i bʌ jini yumʌlob, Josafat tsi' wa'choco winicob cha'an mi' c'ʌyiñob lac Yum. Jini xc'ayob ñaxan tsa' majliyob ti' tojel jini soldadojob. Tsi' yʌlʌyob: “La' ñuq'uesʌntic lac Yum, come ti pejtelel ora an i yutslel i pusic'al”, che'ob.

Job 42:8

Cucuxla ba'an c winic Job. Ch'ʌmbenla majlel wuccojt ch'iton bʌ i yal wacax yic'ot wuccojt tat tiñʌme'. Aq'ueñon ti pulʌntib cha'an la' mul. C winic Job mi caj i tajetla ti oración. Muc'ʌch c pʌsben i yutslel c pusic'al. Che' jini mi caj c ñusan la' mul, come uts'at tsi' tajayon ti t'an c winic Job, pero mach uts'atic tsa' la' tajayon ti t'an, che'en.

Isaias 27:13

Ti jim bʌ q'uin mi caj i wustʌl trompeta. Mi caj i coltʌntelob jini woliyo' bʌ ti wocol ti Asiria yic'ot ti Egipto. Mi caj i cha' pʌjyelob tilel jini ts'a'lebilo' bʌ cha'an mi' ch'ujutesañob lac Yum ti ch'ujul bʌ wits i c'aba' Jerusalén.

Levitico 14:16

Yom mi' yʌch'esan ti aceite i yal i c'ʌb am bʌ ti' tojel i ñoj. Wucyajl yom mi' tsijcan ti' c'ʌb tic tojel.

Zacarias 4:2

Tsi' c'ajtibeyon: ¿Chuqui woli a q'uel? che'en. Che' jini tsac jac'be: Wolij q'uel lámpara melbil bʌ ti oro. An wucp'ejl i yajñib tac ba' mi' yotsʌntel aceite olivo. An wucts'ijt i c'ʌb jini lámpara.

Zacarias 4:6

Che' jini tsi' yʌlʌ: Jiñʌch i t'an lac Yum tsa' bʌ i sube Zorobabel. Woli' yʌl: “Mach ti' p'ʌtʌlelic winicob, mi ti' ña'tibalic winicob mi caj i mejlel que'tel, pero ti' p'ʌtʌlel quEspíritu”. Che' tsi' yʌlʌ i Yum Panchan yic'ot Pañimil.

Numeros 23:1

Che' jini Balaam tsi' sube jini rey: Melbeñon wucp'ejl pulʌntib ilayi. Yom ja'el ma' chajpʌbeñon wuccojt alʌ tat wacax, yic'ot wuccojt tat tiñʌme'.

Josue 6:13

Jini wuctiquil motomajob ch'ʌmʌl bʌ i cha'añob jini wucts'ijt trompeta tac tsa' majliyob ti' tojel Arca. Tsi' wusuyob trompeta che' bʌ tsa' majliyob. Wi'il tsa' majli jini Arca i cha'an lac Yum.

Josue 6:3

Yom mi la' joyojtan jini tejclum yic'ot pejtelel jini winicob yujilo' bʌ guerra. Yom mi' la' joyojtan junyajl ti jujump'ejl q'uin. Wʌcp'ejl q'uin yom mi la' joyojtan.

Josue 6:5

Che' ti wucyajlel la' i cha'leñob c'am bʌ t'an pejtelel soldadojob che' mi' caj ti wustʌl i xulub tat tiñʌme'. Che' mi la' wubin i t'an trompeta mi caj i bʌc' jejmel jini ts'ajc am bʌ ti' joytilel jini tejclum. Pejtelel jini soldadojob toj mi caj i yochelob ti tejclum ti jujuntiquil.

Apocalipsis 1:20

Mi caj c subeñet i sujmlel jini wucp'ejl ec' tsa' bʌ a q'uele ti ñoj bʌ j c'ʌb, yic'ot jini wucts'ijt lámpara melbil bʌ ti oro. Jini wucp'ejl ec' jiñobʌch xcʌntayajob cha'an jini wucmojt xñopt'añob mu' bʌ i tempañob i bʌ. Jini wucts'ijt lámpara tsa' bʌ a q'uele, jiñʌch wucmojt xñopt'añob mu' bʌ i tempañob i bʌ.

Apocalipsis 1:4

Juañon. Mic ts'ijbubeñetla ili jun wucmojt xñopt'añet bʌ la mu' bʌ la' tempan la' bʌ ya' ti Asia. La' i yʌq'ueñetla i yutslel yic'ot i ñʌch'tilel i pusic'al Dios jini am bʌ wʌle, jini am bʌ ti wajali, jini tal to bʌ, yic'ot jini wuctiquil espíritu año' bʌ ti' tojel i buchlib Dios,

Apocalipsis 10:3

Wen c'am tsi' cha'le oñel che' bajche' mi' cha'len t'an colem bajlum. Che' bʌ tsa' ujti ti oñel, wucyajl tsi' cha'le t'an chajc.

Apocalipsis 15:1

Tsaj q'uele yambʌ i yejtal i p'ʌtʌlel Dios ti panchan, wen ñuc, wen bʌbʌq'uen: wuctiquil ángelob yic'ot wucchajp wocol cha'an mi' tic'lañob winicob. Jini wucchajp wocol jiñʌch jini cojix bʌ wocol tac, come jiñʌch i ts'ʌctiyib i mich'ajel Dios.

Apocalipsis 15:7

Juntiquil querubín am bʌ i ye'tel yic'ot jini uxtiquil tsi' yʌq'ueyob jini wuctiquil ángelob wucp'ejl taza melbil bʌ ti oro. But'ul jini wucp'ejl taza ti' mich'ajel Dios, jini cuxul bʌ ti pejtelel ora.

Apocalipsis 16:1

Tsa cubi wen c'am bʌ t'an loq'uem bʌ ti templo. Tsi' sube jini wuctiquil ángelob: Cucula. Beq'uela jubel ti lum i bʌl jini wucp'ejl taza but'ul bʌ ti' mich'ajel Dios, che'en.

Apocalipsis 5:1

Tsaj q'uele bʌlʌl bʌ jun ti ñoj bʌ i c'ʌb jini buchul bʌ ti' buchlib Dios. An i ts'ijbal ti' pam yic'ot ti' pat. Ñup'ul jini jun ti wucp'ejl sello.

Apocalipsis 5:6

Tsaj q'uele ya'an jini Tiñʌme' ti' tojel i buchlib Dios, joyol ti chʌntiquil querubiñob yic'ot ancianojob. Tsiquil tsa' tsʌnsʌnti jini Tiñʌme' pero cha' cuxul. An wucts'ijt i xulub i yejtal i p'ʌtʌlel yic'ot wucp'ejl i wut. Jiñʌch wuctiquil espíritu i cha'an Dios chocbilo' bʌ tilel ti pejtelel pañimil.

Apocalipsis 8:2

Tsaj q'uele jini wuctiquil ángelob wa'alo' bʌ ti' tojel Dios. Tsa' aq'uentiyob wucts'ijt trompeta.

Apocalipsis 8:6

Jini wuctiquil ángelob am bʌ i cha'añob wucts'ijt trompeta, tsi' chajpayob i bʌ cha'an mi' wusob.