Josue 5:9 - Chol: I T’an Dios

⁹ Lac Yum tsi' sube Josué: Tsa'ix c loc'sayetla ya' ba' cabʌl la' wajlentel ti' tojlel egiptojob, che'en. Jini cha'an tsa' otsʌbenti i c'aba' jini lum Gilgal c'ʌlʌl wʌle.

Chol de Tumbalá Bible

⁹ Lac Yum tsi' sube Josué: Tsa'ix c loc'sayetla ya' ba' cabʌl la' wajlentel ti' tojlel egiptojob, che'en. Jini cha'an tsa' otsʌbenti i c'aba' jini lum Gilgal c'ʌlʌl wʌle.

Josue 5:9 Iomraidhean Croise

Genesis 34:14

Tsi' subeyob: Mach mejlic c mel lojon iliyi. Mach mejlic c sijin lojon quijts'in lojon ba'an winic mach bʌ tsepbilic i pʌchʌlel, come mach uts'atic tic wut lojon.

2 Samuel 19:15

Tsa' cha' c'oti jini rey ya' ti Jordán ja'. Jini chumulo' bʌ ti Judá tsa' tiliyob c'ʌlʌl ti Gilgal cha'an mi' pi'leñob ti c'axel jini rey ti Jordán.

Nehemias 12:29

Loq'uemobʌch ja'el ti Gilgal yic'ot ti' lumal Geba yic'ot Azmavet, come jini tsa' bʌ i cha'leyob c'ay tsi' meleyob tejclum tac ti' t'ejl Jerusalén.

Salmos 119:39

Mic bʌc'ñan c wajlentel che' mic mel chuqui uts'at Che' bajche' tsa' cʌntesayon.

Jeremias 9:25

Talob jini q'uin tac, che'en lac Yum, che' mi caj cʌc'ob ti toj mulil pejtel jini tsepbilo' bʌ i pʌchʌlel mach bʌ tsepbilobic i pusic'al.

Ezequiel 23:8

Ma'anic tsi' cʌyʌ i ts'i'lel tsa' bʌ i ñopo ti Egipto, come che' xch'oc to tsa' bʌc' ajni yic'ot winic. Ya'i tsa' ñet'benti i chu' cha'an i ts'i'lel.

Oseas 4:15

Anquese mi la' cha'len ts'i'lel, israelob, mach che'ic yom mi' melob jini año' bʌ ti Judá. Mach yomic mi la' majlel la' ch'ujutesañon ti Gilgal mi ti Betel che' bajche' mi' melob yaño' bʌ, come cha'chajp i pusic'al, come mi' lon c'ʌñob j c'aba' che' mi' pejcañob dioste'.

Amos 5:5

Mach mi la' sajcan la' coltʌntel ti Betel. Mach mi la' wochel ti Gilgal. Mach mi la' ñumel ti Beerseba, come jini año' bʌ ti Gilgal cʌchʌlob mi caj i pʌjyelob majlel ti yambʌ lum. Jini año' bʌ ti Betel mi caj i jilelob, che'en.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

Sofonias 2:8

Tsi' yʌlʌ lac Yum: Tsa cubibeyob i t'an jini ch'oyolo' bʌ ti Moab yic'ot ti Amón che' mich'ob. Woli' ts'a'leñob c tejclumob. Chan tsi' meleyob i bʌ. Tsa' ochiyob ti' lumal c tejclumob cha'an mi' chilbeñob i chubʌ'an.

Josue 24:14

Jini cha'an yom mi la' bʌc'ñan lac Yum. Yom mi la' ch'ujutesan ti xuc'ul yic'ot ti isujm. Yomix mi la' choc i dioste' tac la' ñojte'elob tsa' bʌ i ch'ujutesayob ya' ti' junwejl jini colem ja' i c'aba' Eufrates yic'ot ti Egipto. Yom mi la' ch'ujutesan lac Yum.

Josue 4:19

Che' ti 25 de marzo jini winicob x'ixicob tsi' cʌyʌyob jini Jordán ja'. Tsa' jijliyob ti Gilgal ti' tojel Jericó ba' mi' bʌjlel q'uin.

Josue 5:8

Che' bʌ tsa'ix laj ujti ti tsepbentelob i pʌchʌlel jini winicob, ya' to tsa' cʌleyob ba' jijlemob jinto tsa' lajmiyob.

1 Samuel 14:6

Jonatán tsi' sube jini x'e'tel i cha'an mu' bʌ i ch'ʌmben majlel e'tijibʌl cha'an guerra: Conla ti ñumel ya' ba' añob jini mach bʌ tsepbilobic i pʌchʌlel. Tic'ʌl mux i coltañonla lac Yum, come cabʌl i p'ʌtʌlel jini lac Yum. Mi' c'ʌn winicob ti' ye'tel. Mi cabʌlob o mi ma'anic jaytiquil, junlajal ti' wut, che'en.

1 Samuel 17:26

David tsa' caji' c'ajtiben jini ya' bʌ añob: ¿Chuqui mi caj i yʌq'uentel jini winic mu' bʌ i mʌjlel i cha'an ti' tojlel jini sajtem bʌ filisteo? ¿Yom ba mi lac bʌc'ñan ili winic woli bʌ i tic'lan Israel? ¿Chuqui i ye'tel ti' tojlel jini soldadojob i cha'an bʌ lac Yum? che'en.

1 Samuel 17:36

Tsa'ix c tsʌnsa bajlum tac yic'ot bʌte'el tac. Lajal mi caj c tsʌnsan jini winic filisteo mach bʌ anic mi' ñop Dios. Come tsa'ix i lon bʌc'tesa jini soldadojob i cha'an jini cuxul bʌ Dios.

1 Samuel 7:16

Ti jujump'ejl jab tsi' cha'le i ye'tel ti juez ti' tojlel israelob ti Betel, yic'ot ti Gilgal, yic'ot ti Mizpa.