Josue 5:6 - Chol: I T’an Dios

⁶ Come jini israelob tsi' cha'leyob xʌmbal ya' ti jochol bʌ lum cha'c'al jab. Tsa' ajniyob ti jochol bʌ lum jinto tsa' lu' chʌmiyob pejtelel jini winicob yujilo' bʌ guerra tsa' bʌ loq'uiyob ti Egipto. Come ma'anic tsi' jac'beyob i t'an Dios. Lac Yum tsi' yʌc'ʌ i t'an cha'an ma'anic mi caj i q'uelob jini lum mu' bʌ caj i yʌq'ueñob che' bajche' tsi' wʌn sube i ñojte'elob. Wen uts'at jini lum. Wen cabʌl mi' yʌc' leche yic'ot chab.

Chol de Tumbalá Bible

⁶ Come jini israelob tsi' cha'leyob xʌmbal ya' ti jochol bʌ lum cha'c'al jab. Tsa' ajniyob ti jochol bʌ lum jinto tsa' lu' chʌmiyob pejtelel jini winicob yujilo' bʌ guerra tsa' bʌ loq'uiyob ti Egipto. Come ma'anic tsi' jac'beyob i t'an Dios. Lac Yum tsi' yʌc'ʌ i t'an cha'an ma'anic mi caj i q'uelob jini lum mu' bʌ caj i yʌq'ueñob che' bajche' tsi' wʌn sube i ñojte'elob. Wen uts'at jini lum. Wen cabʌl mi' yʌc' leche yic'ot chab.

Josue 5:6 Iomraidhean Croise

Salmos 107:4

Tsi' pam cha'leyob ñumel xʌmbal ti jochol bʌ lum. Ma'anic tsi' tajayob ba' mi' cha'leñob chumtʌl.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Jeremias 2:2

Cucu subeñob c t'an jini winicob ti Jerusalén: “C'ajal to c cha'an bajche' añet che' ch'o'ch'oquet. Wen bʌxet tic tojlel. Wen cabʌl a c'uxbiya che' bajche' ti' yorajlel ñujpuñijel. Tsa' wen tsajcayon ti colem tiquin lum ba' ma'anic pʌc'ʌbʌl.

Ezequiel 20:15

Pero tsac wa'chocobeyob c t'an ya' ti tiquin bʌ lum cha'an ma'anic mi caj c pʌyob majlel ti wen bʌ lum ba' mi' colel pejtel pʌc'ʌbʌl ti chajp ti chajp ba' wen uts'at jini lum, ñumen uts'at bajche' pejtelel yan tac bʌ lum ti pañimil.

Ezequiel 20:6

Tsac subeyob mi caj c loc'sañob ti' lumal Egipto cha'an mic pʌyob majlel ti wen bʌ lum ba' uts'at mi' colel pʌc'ʌbʌl ti chajp ti chajp. Wen uts'at jini lum, ñumen uts'at bajche' yan tac bʌ lum.

Joel 3:18

Mi caj i chʌjq'uel jini tsaj bʌ i ya'lel ts'usub ti wits. Mi' caj ti oñ'an lech che' bajche' pa' ti bujtʌl. Jini tiquin bʌ pa' tac ya' ti Judá mi caj i cha' cuxtʌyel. Jini cuxul bʌ ja' mi caj i wʌjlel loq'uel ya' ti' Templo lac Yum cha'an mi' yʌch'esan jini joctʌl Sitim.

Numeros 14:23

Anquese tsa cʌq'ueyob c t'an i ñojte'elob cha'an mi caj cʌq'ueñob i lum i p'olbal, ma'anic mi caj i wis q'uelob jini lum mi juntiquilic tsa' bʌ i ts'a'leyoñob.

Numeros 26:63

Ti' pejtelelob tsa' tsijquiyob cha'an Moisés yic'ot jini motomaj Eleazar che' tempʌbilob israelob ya' ti joctʌl i cha'an bʌ Moab ti' t'ejl jini Jordán, ti' tojel Jericó.

Deuteronomio 1:3

Che' yomix ts'ʌctiyel cha'c'al jab, che' ti 15 de febrero, Moisés tsi' sube pejtelel jini israelob chuqui tac tsi' yʌlʌ lac Yum ti' tojlel che' bajche' tsi' yʌq'ue mandar lac Yum.

Deuteronomio 2:14

Tsa' lac joy xʌñʌ jini Cades Barnea c'ʌlʌl ti ñoja' i c'aba' Zered. Waxʌclujump'ejl i cha'c'al (38) jab tsa' lac cha'le xʌmbal che' bajche' tsi' wʌn alʌ lac Yum, cha'an mach mejliconla ti' ochel che' cuxulob to jini yujilo' bʌ guerra tsa'ix bʌ i ñusʌbeyob i t'an. Tsa' laj chʌmiyob jini winicob yujilo' bʌ guerra.

Deuteronomio 2:7

Come la' Yum Dios tsa'ix i wen cʌntayetla. Tsi' wen q'ueleyetla che' bʌ tsa' ñumiyetla ti pejtelel ili colem bʌ i tiquiñal pañimil. Cha'c'al jab tsi' pi'leyetla la' Yum. Ma'anic chuqui anto yom la' cha'an. Che' tsi' yʌlʌ lac Yum.

Deuteronomio 8:4

Ma'anic tsa' tsuculʌyi la' pislel. Ma'anic tsa' sijt'i la' woc anquese tsa' jal'ayetla ti xʌmbal ili cha'c'al jab.

Hebreos 3:11

Jini cha'an mich' tsac subu ti isujm: Ma'anic mi caj cʌq'ueñob i c'aj i yo”. Che' mi' yʌl jini Ch'ujul bʌ Espíritu.

Josue 1:6

Yom ma' p'ʌtesan a bʌ. Yom ch'ejlet, come mi caj a t'oxben ili lum jini winicob x'ixicob cha'an mi' ch'ʌmob. Jiñʌch jini lum mu' bʌ caj cʌq'ueñob che' bajche' tsac wʌn sube a ñojte'elob.

Josue 24:7

Che' bʌ tsa' la' pejcayon ti c'am bʌ t'an, tsa cotsa ic'yoch'an bʌ pañimil ti ojlil ya' ba'an israelob yic'ot jini egiptojob. Tsac pʌyʌyob tilel ti jini colem ñajb cha'an mic jisañob ti ja'. Wen jal tsa' chumleyetla ti jochol bʌ lum,

Josue 5:5

Ti pejtelob tsa' bʌ loq'uiyob ti Egipto tsa'ix tsepbentiyob i pʌchʌlel. Pero max to tsepbilobic i pʌchʌlel pejtelel jini tsa' bʌ i yilayob pañimil ti jochol bʌ lum che' añob ti bij.

Josue 5:7

Lac Yum tsi' ts'ʌctesa i t'an che' bʌ tsi' pʌybeyob i yalobilob cha'an mi' yochelob ti jini lum che' bajche' wʌn albil. Josué tsi' tsepbeyob i pʌchʌlel, come ma'anic tsa' tsepbentiyob i pʌchʌlel che' añob to ti bij.