Josue 5:1 - Chol: I T’an Dios

¹ I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

Chol de Tumbalá Bible

¹ I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

Josue 5:1 Iomraidhean Croise

Genesis 12:6

Abram tsa' ñumi ti jini lum c'ʌlʌl ti Siquem ya' ba'an joctʌl i c'aba' More ba'an c'olol te'. Ya' chumulob i yalobilob Canaán.

Genesis 48:22

Joñon mi cʌq'ueñet jumpejt lum ñumen bajche' mi cʌq'uen a wʌscuñob. Jiñʌch tsa' bʌ c chilbeyob amorreojob ti quespada yic'ot tic jalʌjb, che'en.

2 Samuel 21:2

Jini rey tsi' choco ti pʌyol jini gabaoñob cha'an mi' pejcañob. Awilan mach israelobic jini gabaoñob. Jiñobʌch amorreojob. Jini israelob tsi' cʌn wa'chocoyob i t'an ti yambʌ ora yic'otob, pero Saúl tsi' ñopo i jisañob. Tsi' ña'ta i ñuq'uesan i lumal Israel yic'ot Judá.

1 Reyob 10:5

Tsi' q'uele ja'el pejtelel chuqui tac mi' c'uxob yic'ot bajche' tsi' cha'leyob e'tel i yaj e'telob, yic'ot i pislel mu' bʌ i lʌpob, yic'ot bajche' tsi' ñusʌbeyob i bʌl i ñʌc' jini rey. Tsi' q'uele bajche' tsi' yʌq'ueyob cabʌl i majtan tac Dios ya' ti' yotot. Tsa' toj sajti i pusic'al.

Esdras 9:1

Che' bʌ tsa' ujti pejtelel iliyi, tsa' tiliyob ba' añon i yum israelob. Tsi' subeyoñob cha'an woli' ñopob jontolil cabʌl winicob x'ixicob yic'ot motomajob yic'ot levíjob. Tsa' caji' tsajcañob i melbal jini chumulo' bʌ ti jini lum. Jiñobʌch cananeojob, heteojob, ferezeojob, jebuseojob, amoñob, moabob, egiptojob yic'ot amorreojob.

Salmos 135:11

Sehón i rey amorreojob yic'ot Og jini rey am bʌ ti Basán, Yic'ot pejtel jini reyob año' bʌ ti Canaán.

Exodo 23:28

Mi caj c choc tilel jini bʌbʌq'uen bʌ lajal bʌ bajche' xux ti' tojlel la' contrajob. Mi caj i puts'elob loq'uel ti la' tojlel jini heveojob yic'ot cananeojob yic'ot heteojob.

Isaias 41:5

Jini año' bʌ ti' ti'il colem ja' tsi' q'ueleyob jini bʌbʌq'uen bʌ. Tsi' wen bʌc'ñayob jini wocol woli bʌ i tilel ti' tojlelob. Jini ñajt bʌ ch'oyolob tsa' toj sajtiyob i pusic'al.

Ezequiel 16:3

Subeñob: “Lac Yum Dios woli' subeñetla wʌ' ti Jerusalén: Lajalet che' bajche' i p'olbal Canaán. Amorreo a tat, heteo a ña'.

Ezequiel 21:7

Mi tsi' c'ajtibeyetob: “¿Chucoch ma' cha'len uq'uel?” mi che'ob, yom ma' subeñob: “Cha'an tsi' subeyon lac Yum tal bʌbʌq'uen tac bʌ ti' tojlel pejtelel winicob”, che'et. Che' mi' tilel mi caj i c'uñ'añob ti pejtelel. C'ax ch'ijiyem jax mi caj i yubiñob. Mi caj i c'uñ'an i pix jini p'ʌtʌlo' bʌ. Pejtelel iliyi mi caj i ts'ʌctiyel. Mach jalix mi caj i yujtel, che'en lac Yum Dios.

Daniel 5:6

Sʌclic'an i wut ti bʌq'uen. Tsa' caji ti tsiltsilñiyel i yoc. Ma'anix i p'ʌtʌlel.

Amos 2:9

Pero joñon tsac jisa jini amorreojob tsa' bʌ i contrajiyetla. Lajal i chanlel amorreojob bajche' ch'ujte', wen tsʌtsob bajche' c'olol. Pero tsac jisayob che' bajche' te'. Tsac jisʌbe i wut am bʌ ti' c'ʌb. Tsac bocbe i wi' chucul bʌ ti lum.

Numeros 13:29

Ya' chumulob i yalobilob Amalec ti Neguev. Jini heteojob, yic'ot jebuseojob, yic'ot amorreojob, chumulob ti wits. Jini cananeojob chumulob ti' ti' colem ñajb, yic'ot ti' ti' Jordán ja', che'ob.

Josue 17:12

Jini manasesob ma'anic tsa' mejli i ch'ʌmob ili lum tac, come jini cananeojob tsi' wen mʌctayob.

Josue 17:18

Mi caj la' ch'ʌm jini lum am bʌ ti wits. Uts'at mi la' sec' jini te'el cha'an ya' mi la' chumtʌl, come mi caj la' choc loq'uel jini cananeojob, anquese ch'ejlob, anquese melbil ti tsucul taq'uin i carreta tac, che'en.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.

Josue 3:16

Jini ja' woli bʌ ti jubel tilel tsi' cʌyʌ i xʌmbal. Ñajt to tsa' wa'le che' bajche' bujtʌl. Tsa' cʌle ya' ti tejclum i c'aba' Adam am bʌ ti' t'ejl Saretán. Tsa' sʌcʌ jili jini ja' woli bʌ i ñumel majlel ti jini joctʌl Arabá c'ʌlʌl ba' mi' yochel ti colem ñajb i c'aba' Ats'am. Jini winicob x'ixicob tsa' c'axiyob majlel ti ja'. Tsa' c'otiyob lʌc'ʌl ti Jericó.

Josue 3:17

Jini motomajob q'uechel bʌ i cha'an jini Arca ba' lotol jini Xuc'ul bʌ T'an i cha'an lac Yum, tsa' wa'leyob ti tiquin lum ya' ti' yojlil Jordán ja'. Che' ya' wa'alob jini motomajob ti' yojlil, pejtel jini israelob tsa' lu' c'axiyob ti Jordán ja' che' bajche' tiquin bʌ lum.

Apocalipsis 18:10

Mi caj i ñajtʌ wa'tʌlob ti bʌq'uen ame i tajob wocol. Mi caj i yʌlob: “¡Obol i bʌ, obol i bʌ, jini colem tejclum Babilonia, jini p'ʌtʌl bʌ tejclum, come ti jump'ejl jach ora tsa' bʌc' ajq'ui ti toj mulil!” che'ob.

Juezob 1:1

Che' bʌ tsa' chʌmi Josué, jini israelob tsi' c'ajtibeyob lac Yum: ¿Majqui bʌ junmojt israelob yomob ñaxan majlel cha'an mi' cha'leñob guerra ti' contra jini cananeojob? che'ob.

Juezob 11:23

Awilan lac Yum i Dios israelob tsi' choco loq'uel jini amorreojob ti' lumob cha'an mi' yʌq'uen israelob. Jixcu jatet, ¿a wom ba a chilbeñon jini lum?

Juezob 3:3

Jiñobʌch i contrajob: jini filisteojob yic'ot jo'tiquil i yumob, jini cananeojob, yic'ot jini sidoniojob, yic'ot jini heteojob chumulo' bʌ ti wits i c'aba' Líbano ya' ti jini wits Baal Hermón c'ʌlʌl ti Hamat.

Juezob 4:2

Jini cha'an lac Yum tsi' yʌc'ʌyob ti' wenta Jabín jini rey ti Canaán tsa' bʌ i mele i ye'tel ya' ti Hazor. I yum soldadojob ti Canaán jiñʌch Sísara tsa' bʌ chumle ti Harosetgoim.

1 Samuel 25:37

Ti yijc'ʌlal che' cha' c'ajalix i yo Nabal, i yijñam tsi' sube pejtelel chuqui tsa' ujti. Tsa' tsʌts'a i pusic'al che' bajche' jump'ejl xajlel.