Josue 4:9 - Chol: I T’an Dios

⁹ Josué tsi' lʌtsʌ cʌytʌl yambʌ ti' yojlil Jordán ja' ya' ba' tsa' wa'leyob motomajob q'uechel bʌ i cha'añob jini Arca ba' lotol jini Xuc'ul bʌ T'an. Ya'to an c'ʌlʌl wʌle.

Chol de Tumbalá Bible

⁹ Josué tsi' lʌtsʌ cʌytʌl yambʌ ti' yojlil Jordán ja' ya' ba' tsa' wa'leyob motomajob q'uechel bʌ i cha'añob jini Arca ba' lotol jini Xuc'ul bʌ T'an. Ya'to an c'ʌlʌl wʌle.

Josue 4:9 Iomraidhean Croise

Genesis 26:33

Isaac tsi' yotsʌbe i c'aba' jini pozo Seba. Jini cha'an i c'aba' jini tejclum jiñʌch Beerseba c'ʌlʌ wʌle.

Genesis 28:18

Seb to tsa' ch'ojyi Jacob. Tsi' chʌmʌ jini xajlel tsa' bʌ i c'ʌnjola. Ts'ejel tsi' yʌc'ʌ. Tsi' mulu aceite ti' pam cha'an i ña'tʌntel i yutslel i pusic'al Dios tsa' bʌ pʌsbenti.

2 Samuel 4:3

Jini ch'oyolo' bʌ ti Beerot tsa' ñumiyob majlel ti Gitaim. C'ʌlʌl wʌle ya' añob che' bajche' xjula'ob, come mach mero i lumalic.

1 Reyob 18:31

Tsi' ch'ʌmʌ lajchʌmp'ejl xajlel jujump'ejl i wentajlel jujunmojt i p'olbal Jacob, jini Jacob tsa' bʌ cha' otsʌbenti i c'aba' Israel che' bajche' tsi' yʌlʌ Dios.

2 Cronicas 5:9

Wen tam cha'ts'ijt bara cha'an Arca. Ya' ti Ch'ujul bʌ Ajñibʌl tsa' ts'ita' tsictiyi i ñi' bara ba' tsa' xic'le ti pisil. Pero ma'anic tsa' tsictiyi ti jumpat. Ya'to an c'ʌlʌl wʌle che' woli' ts'ijbuntel ili jun.

Exodo 24:12

Lac Yum tsi' sube Moisés: La' ti wits ba' añon. Pijtañon ilayi. Mi caj cʌq'ueñet wechel bʌ xajlel ba' tsac ts'ijba jini mandar tac cha'an ma' cʌntesan jini winicob x'ixicob, che'en.

Exodo 28:21

Jini xajlel tac jiñʌch i wentajlel jini lajchʌntiquil i yalobilob Israel. Yom ts'ijbubil i c'aba'ob mi' cʌytʌl ya' ti xajlel tac che' lajal bajche' sello tac.

Mateo 27:8

Jini cha'an, an i c'aba' jini jamil c'ʌlʌl wʌle: Jamil mʌmbil ti' tojol i ch'ich'el winic, che'ʌch i c'aba'.

Mateo 28:15

Tsi' ch'ʌmʌyob jini taq'uin jini soldadojob. Tsi' cha'leyob che' bajche' tsa' subentiyob. Tsa' pujqui jini t'an ba'an judíojob c'ʌlʌl wʌle.

Deuteronomio 34:6

Lac Yum tsi' mucu Moisés ti joctʌl ti Betpeor am bʌ ti Moab, pero ma'anic majqui mi' ña'tan baqui tsa' mujqui.

Josue 24:26

Josué tsi' ts'ijbu ili t'an ti' juñilel i mandar Dios. Tsi' ch'ʌmʌ jump'ejl colem xajlel cha'an mi' wa'chocon ya' ti yebal jini c'olol te'. Jini te' ya'an ti' t'ejl Tabernáculo.

Josue 4:10

Jini motomajob q'uechel bʌ i cha'an Arca tsa' wa'leyob ti' yojlil Jordán ja' c'ʌlʌl jinto tsa' ts'ʌctiyi pejtel i t'an lac Yum che' bajche' tsi' sube Josué. Josué tsi' cha' subeyob winicob. Tsa' ts'ʌctiyi ti pejtelel che' bajche' Moisés tsi' sube Josué. Tsa' c'axiyob ti ora jini winicob x'ixicob.

Juezob 1:26

Ti wi'il tsa' majli jini winic ti' lumal heteojob. Tsi' mele jump'ejl tejclum ya'i. Tsi' yotsʌbe i c'aba' Luz. Jiñʌch i c'aba' c'ʌlʌl wʌle.

1 Samuel 30:25

Lajal mi caj i yʌq'uentelob ti pejtelelob, che'en David. Jini cha'an jiñʌch ley ti' tojlel israelob c'ʌlʌl ti ili ora.

1 Samuel 7:12

Samuel tsi' ch'ʌmʌ jump'ejl xajlel. Tsi' wa'choco ti' yojlil jini bij am bʌ ti' tojel Mizpa yic'ot Sen. Tsi' yotsʌbe i c'aba' Ebenezer (Xajlel mu' bʌ i coltañonla), mu' bʌ i yʌl ti lac t'an: “C'ʌlʌl ilayi tsi' coltayonla lac Yum”.