Josue 4:6 - Chol: I T’an Dios

⁶ Jiñʌch i yejtal ti la' tojlel che' mi' c'ajtibeñetla la' walobilob: “¿Chuqui i wentʌjlel cha'añetla ili xajlel tac?” che'ob.

Chol de Tumbalá Bible

⁶ Jiñʌch i yejtal ti la' tojlel che' mi' c'ajtibeñetla la' walobilob: “¿Chuqui i wentʌjlel cha'añetla ili xajlel tac?” che'ob.

Josue 4:6 Iomraidhean Croise

Salmos 44:1

Tsa'ix cubi lojon. Tsi' subeyon lojon c ñojte'el Chuqui tac tsa' mele ti wajali.

Salmos 71:18

Che' ñoxonix, che' sʌquix i tsutsel c jol, Dios, mach a cʌyon Jinto mij cʌntesan calobilob yic'ot i yalobilob mu' bʌ caj i tilelob cha'an mi' cʌñob a p'ʌtʌlel ti jujuntiquil.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Isaias 38:19

Pero jini cuxulo' bʌ mi mejlel i ch'ujutesañet che' bajche' wolic mel ti ili ora. Jini tatʌlob mi' subeñob i yalobilob cabʌl i xuc'tilel a pusic'al.

Isaias 55:13

Ya' ba' tsa' coli ch'ix mi caj i colel taj. Ya' ba' tsa' coli ich'ite' mi caj i colel mirto te'. Ti pejtelelob mi caj i subob i ñuclel i c'aba' lac Yum. Mi caj i yʌc'ob ti cʌjñel lac Yum ti pejtelel ora.

Ezequiel 20:12

Tsa cʌq'ueyob ja'el i q'uiñilel c'aj o i yejtal c xuc'ul bʌ t'an tsa' bʌ c mele yic'otob cha'an pʌybilob c cha'an. Joñon i cha'añoñob, i Dioson.

Ezequiel 20:20

Yom c'ajal la' cha'an i q'uiñilel c'aj o, jatetla yic'ot la' walobilob, come jiñʌch i yejtal xuc'ul bʌ c t'an tsa' bʌ c mele la' wic'ot cha'an mi la' ña'tan la' Yumon la' Dioson, cho'on.

Numeros 16:38

Ch'ʌmʌ i yajñib tac pom tsa' bʌ i c'ʌñʌyob jini winicob tsa' bʌ i jisayob i bʌ cha'an i mul, cha'an ma' mel welel bʌ c'ʌnc'ʌn taq'uin, cha'an mi la' tep' jini pulʌntib, come ch'ujul i yajñib tac pom, come c cha'añʌch. Che' jini mux i ña'tañob israelob chuqui tsa' ujti, che'en lac Yum.

Hechos 2:39

Albilix, mi caj la' wʌq'uentel jini Espíritu jatetla yic'ot la' walobilob yic'ot año' bʌ ti ñajtʌl, che' bajche' jaytiquil mi' pʌjyelob tilel cha'an lac Yum Dios, che'en.

Deuteronomio 11:19

Yom mi la' chʌn cʌntesan la' walobilob che' buchuletla ti la' wotot, yic'ot che' ma' majlel ti xʌmbal ti bij, yic'ot che' mi la' caj ti ñoltʌl, yic'ot che' mi' la' cha' ch'ojyel.

Josue 22:27

Pero tsac mele lojon cha'an mic chʌn ña'tan lojon Dios quic'ot calobilob lojon. Che' jini mi mejlel c tsictesan lojon i cha'añon lojon Dios lajal bajche' jatetla. Yom mic ch'ujutesan lojon lac Yum ti' yʌc'ol pulbil bʌ majtañʌl yic'ot ti yʌc'ol ja'el yan tac bʌ majtañʌl. Che' jini la' walobilob ma'anic mi caj i subeñob calobilob lojon: “Jatetla ma'anic chuqui la' we'tel ti lac Yum”, che'ob.

Josue 4:21

Tsi' subeyob israelob: Tal i yorajlel mi caj i c'ajtibeñetla la' walobilob: “¿Chuqui i sujmlel ili xajlel tac?” che'ob.

Josue 4:5

Tsi' subeyob: Cucula ti ojlil Jordán ba'an jini Arca i cha'an lac Yum Dios. Q'uechela tilel jump'ejl xajlel ti jujuntiquiletla. Yom jump'ejl xajlel cha'an jujunmojt israelob.