Josue 3:8 - Chol: I T’an Dios

⁸ Yom ma' suben motomajob mu' bʌ i q'uechob majlel Arca: “Che' mi la' c'otel ti' ti' ja' i c'aba' Jordán, yom mi la' cʌytʌl ya' ba' maxto tamic”, che'en.

Chol de Tumbalá Bible

⁸ Yom ma' suben motomajob mu' bʌ i q'uechob majlel Arca: “Che' mi la' c'otel ti' ti' ja' i c'aba' Jordán, yom mi la' cʌytʌl ya' ba' maxto tamic”, che'en.

Josue 3:8 Iomraidhean Croise

2 Reyob 2:6

Elías tsi' cha' sube Eliseo: A wocolic cʌlejen ilayi, come lac Yum woli' chocon majlel ti Jordán ja', che'en. Eliseo tsi' yʌlʌ: Ti' c'aba' jini cuxul bʌ Dios, ma'anic mi caj j cʌyet cha'an ma' bajñel cha'len xʌmbal, che'en. Jini cha'an temel tsa' majliyob ti Jordán ja'. Che' bʌ tsa' majliyob, tsi' tsajcayob majlel lujuntiquil i yuxc'al (50) ch'iton x'alt'añob. Tsa' ñajti wa' cʌleyob i q'uelob Elías yic'ot Eliseo ya' ti' ti' Jordán ja'.

2 Cronicas 29:15

Ti pejtelelob tsi' tempayob i pi'ʌlob. Tsi' sʌq'uesayob i bʌ. Che' jini tsa' ochiyob ti Templo cha'an mi' sʌq'uesañob che' bajche' tsi' yʌc'ʌ mandar jini rey cha'an ti' t'an lac Yum.

2 Cronicas 29:27

Ezequías tsi' yʌc'ʌ mandar cha'an mi' pulel jini majtañʌl ya' ti pulʌntib. Che' bʌ tsa' caji i pulob jini majtañʌl, tsa' cajiyob ti c'ay. Tsi' ñijcayob música, tsi' wusuyob trompeta. Tsi' c'ʌyibeyob i ñuclel lac Yum.

2 Cronicas 29:30

Jini rey Ezequías yic'ot año' bʌ i ye'tel tsi' subeyob levíjob cha'an mi' ñuq'uesañob lac Yum yic'ot i salmo David, yic'ot i salmo Asaf jini x'alt'an. Tijicñayob i pusic'al tsi' jac'ʌyob. Che' bʌ tsi' c'uchchocoyob i bʌ, jini tempʌbilo' bʌ tsi' laj ch'ujutesayob lac Yum.

2 Cronicas 30:12

Lac Yum tsi' ñijcʌbeyob i pusic'al pejtelel jini winicob ti Judá cha'an mi' jac'beñob i t'an jini rey yic'ot i yaj e'telob ti jump'ejl i pusic'al come tilem i t'an ti lac Yum.

Nehemias 13:22

Tsac subeyob levíjob cha'an mi' sʌq'uesañob i bʌ cha'an mi' tilel i cʌntañob i ti' tac tejclum cha'an yom mi' q'uejlel ti ch'ujul i yorajlel c'aj o. Jini cha'an, c Dios, ña'tañon. Q'ueleyon ti uts'at cha'an jini tsa' bʌ c mele. Coltañon come wen awujil p'untaya. Cabʌlʌch a c'uxbiya, cho'on.

Nehemias 13:28

Juntiquil ch'iton bʌ i yalobil Joiada, i yalobil bʌ Eliasib jini ñuc bʌ motomaj, tsi' pʌyʌ ti' yijñam xch'oc bʌ i yalobil Sanbalat jini horon. Jini cha'an tsac choco majlel.

Exodo 14:13

Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Lamentaciones 3:26

Yom mi lac ñop lac Yum. Yom mi lac chʌn pijtan ti' xuc'tilel lac pusic'al jinto mi' coltañonla.

Josue 3:17

Jini motomajob q'uechel bʌ i cha'an jini Arca ba' lotol jini Xuc'ul bʌ T'an i cha'an lac Yum, tsa' wa'leyob ti tiquin lum ya' ti' yojlil Jordán ja'. Che' ya' wa'alob jini motomajob ti' yojlil, pejtel jini israelob tsa' lu' c'axiyob ti Jordán ja' che' bajche' tiquin bʌ lum.

Josue 3:3

Tsi' yʌq'ueyob mandar jini winicob: Che' mi la' q'uel jini Arca cha'an Xuc'ul bʌ i T'an lac Yum Dios yic'ot jini motomajob levíjob woli bʌ i q'uechob majlel, yom mi la' loq'uel majlel yic'otob. Tsajcanla majlel.

Josue 3:7

Che' jini lac Yum tsi' sube Josué: Ti ili q'uin mi caj cʌq'uet ti q'uejlel ti ñuc ti' tojlel pejtel israelob cha'an mi' ña'tañob añon a wic'ot. Che' bajche' tsa' ajniyon quic'ot Moisés, che' ja'el mi caj cajñel a wic'ot.

Josue 3:9

Josué tsi' sube israelob: La'la ti lʌc'ʌl. Ñich'tʌbenla i t'an lac Yum Dios.

Josue 4:11

Che' bʌ tsa'ix ujti ti c'axel pejtelel israelob, tsa' c'axiyob jini motomajob yic'ot jini Arca i cha'an lac Yum.