Josue 3:7 - Chol: I T’an Dios

⁷ Che' jini lac Yum tsi' sube Josué: Ti ili q'uin mi caj cʌq'uet ti q'uejlel ti ñuc ti' tojlel pejtel israelob cha'an mi' ña'tañob añon a wic'ot. Che' bajche' tsa' ajniyon quic'ot Moisés, che' ja'el mi caj cajñel a wic'ot.

Chol de Tumbalá Bible

⁷ Che' jini lac Yum tsi' sube Josué: Ti ili q'uin mi caj cʌq'uet ti q'uejlel ti ñuc ti' tojlel pejtel israelob cha'an mi' ña'tañob añon a wic'ot. Che' bajche' tsa' ajniyon quic'ot Moisés, che' ja'el mi caj cajñel a wic'ot.

Josue 3:7 Iomraidhean Croise

1 Cronicas 29:25

Lac Yum tsa' caji i wen coltan jini Salomón. Pejtelel jini israelob tsi' wen p'isiyob ti wenta. Ñumen ñuc tsa' q'uejli che' bajche' i tat.

2 Cronicas 1:1

Wa'chocobilix Salomón i yalobil David ti' ye'tel ti rey. Lac Yum Dios tsi' yʌq'ue cabʌl i ñuclel.

Job 7:17

¿Am ba i c'ʌjñibal winic cha'an ma' q'uel ti ñuc? ¿Chucoch ma' p'is ti wenta?

Salmos 18:35

C Yum, jatet tsa' coltayon. C mʌctʌjibet. Ma' chucon ti a c'ʌb cha'an ma'anic mic yajlel. Ma' ñuq'uesañon ti' yutslel a pusic'al.

Juan 17:1

Jesús tsi' subeyob jini t'an. Tsi' letsa i wut ti panchan. Tsi' yʌlʌ: C Tat, i yorajlelix wʌle. Pʌsʌ i ñuclel a Walobil, cha'an mi' pʌs a ñuclel a Walobil ja'el.

Filipenses 1:20

Come che'ʌch com ja'el ti pejtelel c pusic'al. Mi cʌl ma'anic mi caj cʌjq'uel ti quisin mi ts'ita'ic, pero ti pejtelel c ch'ejlel che' bajche' ti yambʌ ora, che' ja'el wʌle, mi caj i pʌstʌl i ñuclel Cristo tic tojlel mi cuxul to mi cajñel, o mi mux c chʌmel.

Josue 1:17

Che' bajche' tsac jac'be lojon pejtelel tsa' bʌ i yʌlʌ Moisés, che'ʌch ja'el mi caj c jac'beñet lojon. Yom mi' yajñel lac Yum Dios a wic'ot che' bajche' tsa' ajni yic'ot Moisés.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 3:6

Josué tsi' pejca jini motomajob: Ch'uyula majlel jini Arca cha'an Xuc'ul bʌ i T'an. Yom ñaxan mi la' majlel ti' tojel winicob, che'en. Tsa' caji' q'uechob majlel ti' tojlelob.

Josue 3:8

Yom ma' suben motomajob mu' bʌ i q'uechob majlel Arca: “Che' mi la' c'otel ti' ti' ja' i c'aba' Jordán, yom mi la' cʌytʌl ya' ba' maxto tamic”, che'en.

Josue 4:14

Ti jim bʌ ora lac Yum tsi' yʌq'ue i ñuclel Josué. Ñuc tsi' q'ueleyob winicob che' bajche' tsa' q'uejli ti ñuc Moisés che' anto ti pañimil.