Josue 3:5 - Chol: I T’an Dios

⁵ Josué tsi' sube winicob: La' i sʌq'uesañetla lac Yum, come mi caj i wen pʌs i ñuclel ijc'ʌl ti la' tojlel, che'en.

Chol de Tumbalá Bible

⁵ Josué tsi' sube winicob: La' i sʌq'uesañetla lac Yum, come mi caj i wen pʌs i ñuclel ijc'ʌl ti la' tojlel, che'en.

Josue 3:5 Iomraidhean Croise

Job 1:5

Tsa' jal'ayob ti q'uiñijel. Che' bʌ tsa' xojt'i q'uin, Job tsi' pʌyʌ tilel i yalobilob cha'an mi' sʌq'uesañob ti' tojlel Dios. Tsa' seb ch'ojyi Job cha'an mi' yʌq'uen Dios cotol tac bʌ i majtan. Tsi' pulu lujuncojt, jujuncojt ti jujuntiquil. Tic'ʌl mi tsi' cha'leyob mulil calobilob, che'en Job. Tic'ʌl mi tsa'ix i ts'a'leyob Dios ti' pusic'al. Che'ʌch tsi' ña'ta Job ti' pusic'al. Ma'anic tsa' lujba i mel bajche' jini.

Salmos 77:15

Tsa' mʌñʌ a cha'año' bʌ yic'ot a p'ʌtʌlel. Jiñobʌch i p'olbal Jacob yic'ot i p'olbal José.

Salmos 86:10

Come wen ñuquet, laj uts'atax a melbal. Jatet jach Dioset.

Joel 2:16

Tempanla tilel ti pejtelelob cha'an mi la' suben Dios la' mul, jini ñoxobix bʌ yic'ot alp'eñelob yic'ot alobob. Pʌyʌla tilel jini ch'iton woli bʌ ti ñujpuñel yic'ot xch'oc.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Levitico 20:7

Jini cha'an yom ch'ujul mi la' wajñel ti pejtelel la' melbal, come la' Yumon la' Dioson.

Numeros 11:8

Pejtelel jini ya' bʌ añob ti jini lum tsa' loq'ui i lotob. Mi' juch'tacob ti ña'atun. Mi' jats'ob ti te' tac. Mi' ch'ʌxob ti p'ejt cha'an mi' melob ti waj. Lajal i sumuclel che' bajche' pan xʌbʌl bʌ ti aceite.

Juan 17:19

Mi cʌq'ueñet c bʌ cha'an mi' yʌq'ueñetob i bʌ ja'el cha'an ti' sujmlel a t'an.

Josue 3:13

Mi caj i yochelob majlel ti Jordán ja' jini motomajob woli bʌ i q'uechob majlel jini Arca i cha'an i Yum pejtel pañimil. Che' mi' yochelob, jini ja' am bʌ ti entʌl mi caj i jubel majlel. Jini ja' am bʌ ti chan mi caj i lʌmtʌl. Mi caj i tempʌyel ti' chan, che'en Josué.

Josue 3:15

Che' bʌ tsa' c'otiyob ti Jordán ja' jini motomajob q'uechel bʌ i cha'añob jini Arca, tsa' ts'ajcuyiyob i yoc ti ja'. Jiñʌch i yorajlel che' mi' ts'ʌjmel loq'uel jini Jordán ja' ti' ti'il che' ti' yorajlel mi' tujq'uel trigo.

Josue 3:4

Che' jini mi cajel la' cʌn la' bijlel, ya' ba' maxto anic tsa' ñumiyetla. Yom mi la' cʌytʌl ti ñajt ba'an jini Arca che' bajche' lujunc'al i yuxbajc' metro. Mach yomic mi la' wen ñochtan, che'en.

Josue 3:6

Josué tsi' pejca jini motomajob: Ch'uyula majlel jini Arca cha'an Xuc'ul bʌ i T'an. Yom ñaxan mi la' majlel ti' tojel winicob, che'en. Tsa' caji' q'uechob majlel ti' tojlelob.

Josue 7:13

Sʌq'uesan jini israelob. Yom ma' subeñob: “Sʌq'uesan la' bʌ cha'an mi la' tempan la' bʌ ijc'ʌl, come lac Yum i Dios Israel mi' yʌl: Tsa'ix la' xujch'i c cha'an bʌ. Mach mʌjlic la' cha'an ti' tojlel la' contrajob jinto mi la' choc loq'uel jini tic'bil tac bʌ.

1 Samuel 16:5

Samuel tsi' jac'ʌ: La' ñʌch'lec la' pusic'al. Tsa' tili c tsʌnsʌben i majtan lac Yum. Yom mi la' sʌq'uesan la' bʌ cha'an temel mi la cʌq'uen i majtan lac Yum, che'en. Samuel tsi' sʌq'uesa Isaí ja'el yic'ot i yalobilob. Tsi' pʌyʌyob ya' baqui yom i tsʌnsan majtañʌl.