Josue 3:16 - Chol: I T’an Dios

¹⁶ Jini ja' woli bʌ ti jubel tilel tsi' cʌyʌ i xʌmbal. Ñajt to tsa' wa'le che' bajche' bujtʌl. Tsa' cʌle ya' ti tejclum i c'aba' Adam am bʌ ti' t'ejl Saretán. Tsa' sʌcʌ jili jini ja' woli bʌ i ñumel majlel ti jini joctʌl Arabá c'ʌlʌl ba' mi' yochel ti colem ñajb i c'aba' Ats'am. Jini winicob x'ixicob tsa' c'axiyob majlel ti ja'. Tsa' c'otiyob lʌc'ʌl ti Jericó.

Chol de Tumbalá Bible

¹⁶ Jini ja' woli bʌ ti jubel tilel tsi' cʌyʌ i xʌmbal. Ñajt to tsa' wa'le che' bajche' bujtʌl. Tsa' cʌle ya' ti tejclum i c'aba' Adam am bʌ ti' t'ejl Saretán. Tsa' sʌcʌ jili jini ja' woli bʌ i ñumel majlel ti jini joctʌl Arabá c'ʌlʌl ba' mi' yochel ti colem ñajb i c'aba' Ats'am. Jini winicob x'ixicob tsa' c'axiyob majlel ti ja'. Tsa' c'otiyob lʌc'ʌl ti Jericó.

Josue 3:16 Iomraidhean Croise

Genesis 14:3

Ti pejtelelob tsi' tempayob i bʌ ti joctʌl i c'aba' Sidim. Wʌle ya'ix an ñajb am bʌ i yʌts'mil.

Salmos 114:3

Jini ñajb tsi' q'uele yilal, tsa' puts'i majlel. Jini Jordán ja' tsa' cha' sujti.

Salmos 114:5

¿Chucoch tsa' puts'iyet ñajb? Jatet Jordán ja', ¿chucoch tsa' sujtiyet?

Salmos 29:10

Mi' yajñel lac Yum ti pam but'ja'. Lac Yum mi' cha'len yumʌl ti pejtelel ora.

Salmos 33:7

Tsi' tempa jini ja' am bʌ ti ñajb, Tsi' tajbe i yajñib jini tam tac bʌ ja'.

Salmos 66:6

Dios tsi' tiquesa jini colem ñajb. Jini winicob x'ixicob tsi' xʌñʌyob ñumel jini colem ja' ti' yoc. Tijicña tsa cubi lojon ya'i ti lac Yum.

Salmos 74:15

Tsa' mele i loq'uib ja', tsa' jambeyon lojon cuxul bʌ ja'. Tsa' tiquesa colem ja' mach bʌ yujilic tiquin.

Salmos 77:19

Tsa' pʌsbeyon lojon a bijlel ti colem ñajb. Jini alʌ bij a cha'an an ti colem ja' yilal. Mach tsiquilic i yejtal a woc ti bij.

Salmos 78:13

Tsi' cala jini colem ñajb. Tsi' pʌyʌyob c'axel. Tsi' yʌc'ʌ ti cʌytʌl jini ja' che' bajche' bujtʌl.

Exodo 14:21

Moisés tsi' sʌts'ʌ i c'ʌb ti' pam ñajb. Lac Yum tsi' wets'e majlel jini ñajb jump'ejl ac'ʌlel ti p'ʌtʌl bʌ ic' loq'uem bʌ ba' mi' pasel q'uin. Tsa' cajli jini ja'. Tiquin tsa' cʌle lum ba' tsa' cajli ñajb.

Exodo 14:22

Jini israelob tsa' c'axiyob ti' yojlil ñajb ba' tiquin lum. Ya' wa'al jini ja' ti' ñoj yic'ot ti' ts'ej che' bajche' bojte' ti jujunwejl.

Exodo 14:29

Pero jini israelob tsi' cha'leyob xʌmbal ya' ti tiquin lum ti yojlil colem ñajb che' wa'al jini ja' ti' ñoj yic'ot ti' ts'ej.

Exodo 15:8

Che' bʌ tsa' loq'ui ic' ti a ni', tsa' cajli jini ja'. Jini ja' tsa' wa'le che' bajche' bojte'. Jini wʌlʌcña bʌ ja' tsa' tsʌts'a yilal.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Ezequiel 47:8

Tsi' subeyon: Mi' majlel ja' ti' tojel i pasibal q'uin. Mi' c'axel ti tiquin lum yic'ot ti' joctʌlel Jordán c'ʌlʌl mi' c'otel ti Chʌmen bʌ Ñajb. Mi caj i yʌch'esan jini ja' am bʌ i yʌts'mil. Wen yʌx mi caj i yajñel.

Nahum 1:4

Che' mi' tic' jini colem ñajb mi' tiquin. Jini colem ja' tac mi' sujtel ti tiquin pa'. Mi' lu' tiquin jamil ti' joctʌlel jini wits Basán yic'ot jini wits Carmelo. Mi' jilel i yʌxel te'el am bʌ ti Líbano.

Habacuc 3:8

C Yum Dios, ¿tsa' ba a mich'le jini ja' tac che' bʌ tsa' t'oxle jini colem ñajb? Ma'anic, come tsa' jach a mele cha'an ma' coltan winicob x'ixicob. Ti pejtelelob tsi' q'ueleyob a p'ʌtʌlel che' bʌ tsa' mʌjli a cha'an. Tsa' wʌc'ʌ a t'an, tsa' pasi ja' ti lum.

Numeros 34:3

Jini i cayajonlel la' lum mi' ñumel ti' tojel sur, c'ʌlʌl ti colem bʌ i tiquiñal pañimil i c'aba' Zin, ya' ti' ñup' Edom. I cayajonlel am bʌ ti sur mi' tejchel ti' t'ejl jini Chʌmen bʌ Ñajb.

Deuteronomio 1:1

Jiñʌch i t'an Moisés tsa' bʌ i sube israelob ti junwejl Jordán ja' che' ya'to añob ti colem bʌ i tiquiñal pañimil i c'aba' Arabá am bʌ ti' tojel jini ñajb i c'aba' Chʌchʌc Bʌ. Joyolob ti tejclum tac i c'aba' Parán, yic'ot Tofel, yic'ot Labán, yic'ot Hazerot, yic'ot Dizahab.

Deuteronomio 3:17

Tsa cʌq'ueyob ja'el jini Arabá, yic'ot jini Jordán ja', yic'ot jini lum am bʌ ti' t'ejl. Tsa' tejchi i cayajonlel ti Cineret. Tsa' ñumi ba'an wits i c'aba Pisga yic'ot ya' ba'an Ñoja' Am Bʌ i Yʌts'mil. An yambʌ i c'aba', jiñʌch colem Ñajb am bʌ ti Arabá.

Josue 12:3

Yic'ot ba'an jini ja' i c'aba' Arabá c'ʌlʌl ti ja' i c'aba' Cineret ba' mi' pasel q'uin, c'ʌlʌl ti ja' i c'aba' Arabá, am bʌ i cha'chajplel i c'aba' Ats'am ba' mi' pasel q'uin, ti' bijlel Betjesimot yic'ot ba'an Teman am bʌ ti yentʌlal Pisga.

Josue 15:2

ya' ti' ti' jini Ñajb i c'aba' Ats'am, ya' ba' tsa' majli ja' ti Neguev.

Josue 16:7

Tsa' c'axi ti Atarot yic'ot Naarat. Tsa' ñumi ba'an Jericó. Tsa' c'oti ti Jordán ja'.

Josue 3:13

Mi caj i yochelob majlel ti Jordán ja' jini motomajob woli bʌ i q'uechob majlel jini Arca i cha'an i Yum pejtel pañimil. Che' mi' yochelob, jini ja' am bʌ ti entʌl mi caj i jubel majlel. Jini ja' am bʌ ti chan mi caj i lʌmtʌl. Mi caj i tempʌyel ti' chan, che'en Josué.

Josue 4:22

Che' jini mi cajel la' cʌntesañob: “Ya' ba' lʌtsʌl ili xajlel jini israelob tsa' c'axiyob ti Jordán ja' che' bajche' ti tiquin bʌ lum”, che'etla.

Josue 5:1

I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

Juezob 7:22

Che' bʌ tsi' wusuyob trompeta jini jo'lujunc'al israelob, lac Yum tsi' yʌq'ue madiañob i wʌlʌc tsʌnsañob i bʌ ti' tojlel i pi'ʌlob ya' ba' tempʌbilob. Jini soldadojob tsa' puts'iyob majlel ti Betsita, ya' ti' tojel Zerera, yic'ot c'ʌlʌl ba' jaxʌl i lumal Abelmehola ti Tabat.