Josue 3:10 - Chol: I T’an Dios

¹⁰ Che' jini mux cajel la' ña'tan an ti la' tojlel jini cuxul bʌ lac Yum Dios. Jiñʌch lac ña'tʌntel cha'an mux i choc loq'uel ti la' tojlel jini cananeojob yic'ot heteojob yic'ot heveojob yic'ot ferezeojob yic'ot gergeseojob yic'ot amorreojob yic'ot jebuseojob.

Chol de Tumbalá Bible

¹⁰ Che' jini mux cajel la' ña'tan an ti la' tojlel jini cuxul bʌ lac Yum Dios. Jiñʌch lac ña'tʌntel cha'an mux i choc loq'uel ti la' tojlel jini cananeojob yic'ot heteojob yic'ot heveojob yic'ot ferezeojob yic'ot gergeseojob yic'ot amorreojob yic'ot jebuseojob.

Josue 3:10 Iomraidhean Croise

1 Reyob 22:28

Micaías tsi' jac'ʌ: Mi uts'at ma' cha' sujtel che' ujtemet ti guerra, mi caj la' ña'tan che' jini, mach jinic lac Yum tsa' bʌ i pejcayon, che'en. Micaías tsi' yʌlʌ ti' tojlel pejtelel jini wa'alo' bʌ: Yom mi la' p'is ti wenta jini tsa' bʌ cʌlʌ, che'en.

2 Reyob 19:4

Mi tsi' yubi a Yum Dios, tic'ʌl mi caj i jac'ben i t'an jini winic chocbil bʌ tilel cha'an i rey Asiria tsa' bʌ i p'aja jini cuxul bʌ Dios. Awocolic c'ajtiben a Yum ti oración cha'an mi' coltan jini winicob x'ixicob cuxulob to bʌ”. Che'ʌch yom ma' suben, che'en Ezequías. Che' tsi' yʌlʌyob jini suboñelob che' bʌ tsa' c'otiyob ba'an Isaías.

Salmos 42:2

Tiquin c ti' yubil cha'an com Dios, jini cuxul bʌ Dios. ¿Baqui ora mi mejlel c ñochtan Dios?

Salmos 9:16

Lac Yum mi' tsictesan i bʌ che' mi' cha'len meloñel. Mi' chujquelob jini jontolo' bʌ ti' melbal i c'ʌb. Wen ña'tanla.

Exodo 17:7

Tsi' yotsʌbe i c'aba' Masah: “I yilʌbentel i pusic'al”, yic'ot Meriba, “Tsi' letsayob i t'an”, jini ajñibʌl ba' tsi' cha'leyob a'leya jini israelob. Tsi' yilʌbeyob i pusic'al lac Yum che' bʌ tsi' yʌlʌyob: ¿Am ba lac Yum ti lac tojlel o tsa' ba cʌleyonla? che'ob.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 33:2

Joñon mi caj c chocbeñetla majlel jini ángel ti ñaxan ti la' tojlel. Mi caj c loc'sʌbeñetla jini cananeojob, yic'ot amorreojob, yic'ot hetejob, yic'ot fereseojob, yic'ot heveojob, yic'ot jebuseojob.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Jeremias 10:10

Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Oseas 1:10

Pero tal i yorajlel che' mi caj i p'ojlelob israelob che' bajche' i yonlel i ji'il colem ñajb mach bʌ mejlic ti tsicol. Ti jim bʌ ora ma'anix mi caj c chʌn subeñob: “Mach c cha'añeticla”. Mi caj c pejcañob ti calobil: “I yalobilet bʌ la jini cuxul bʌ Dios”. Che' mi caj c subeñob.

Numeros 13:29

Ya' chumulob i yalobilob Amalec ti Neguev. Jini heteojob, yic'ot jebuseojob, yic'ot amorreojob, chumulob ti wits. Jini cananeojob chumulob ti' ti' colem ñajb, yic'ot ti' ti' Jordán ja', che'ob.

Mateo 16:16

Simón Pedro tsi' jac'ʌ: Jatet Cristojet, jini yajcʌbil bʌ. I Yalobilet jini cuxul bʌ Dios, che'en.

Juan 6:69

Mic ñopet lojon. Cujil lojon jatetʌch jini Ch'ujul bʌ tilem bʌ ti Dios, che'en Pedro.

Deuteronomio 31:17

Jini cha'an mi caj c mich'leñob. Mi caj j cʌyob. Mi caj c mʌy c wut cha'an ma'anix mic chʌn q'uelob. Mi caj c jisañob ti cabʌl wocol. Mi caj i yʌlob: “Obol jax lac bʌ come ma'anix Dios la quic'ot”, che'ob.

Deuteronomio 5:26

¿Baqui an winic mu' bʌ mejlel i yubiben i t'an Dios ti' yojlil jini c'ajc? ¿Mach ba muq'uic i chʌmel? Jini cha'an yom ma' bajñel majlel a ñich'tʌben i t'an lac Yum cha'an ma' cha' subeñon lojon. Che' jini mi caj c jac' lojon, che'etla.

Deuteronomio 7:1

Lac Yum Dios mi caj i pʌyetla ochel ti la' lum mu' bʌ caj i yʌq'ueñetla. Che' ja'el mi caj i choc loq'uel cabʌl tejclumob ti la' tojlel, jiñobʌch: heteojob, gergeseojob, amorreojob, cananeojob, ferezeojob, heveojob, jebuseojob. Jiñobʌch wucp'ejl tejclum ñumen ñuc bʌ bajche' jatetla, ñumen p'ʌtʌlob ja'el.

Deuteronomio 7:21

Mach la' bʌc'ñañob, come lac Yum Dios an la' wic'ot. Wen ñuc ajñel, wen bʌc'ñʌbil.

1 Tesalonicenses 1:9

Come woli' subob bajche' tsa' la' pʌyʌyon lojon ochel ba' añetla yic'ot bajche' tsa' la' cʌyʌ dios tac cha'an mi la' ñop jini mero Dios, cha'an mi la' cha'liben i ye'tel jini cuxul bʌ Dios,

Hebreos 10:31

Bʌbʌq'uen jax muq'uic i yʌq'ueñonla lac toj lac mul jini cuxul bʌ Dios.

Josue 11:3

Tsi' choco ti subentel jini cananeojob am bʌ ti' pasibal q'uin yic'ot ti' bʌjlibal q'uin, yic'ot jini amorreojob, yic'ot jini heteojob, yic'ot jini ferezeojob, yic'ot jini jebuseojob am bʌ ti wits, yic'ot jini heveojob am bʌ ti yentʌlal Hermón ti' lumal Mizpa.

Josue 12:8

An tac ti wits jini lum, yic'ot ti joctʌl tac, yic'ot ba'an jini ja' i c'aba' Arabá, yic'ot ti bujtʌl tac, yic'ot ti jochol bʌ lum, yic'ot ti Neguev. Jiñʌch i lum jini heteojob, jini amorreojob, jini cananeojob, jini ferezeojob, jini heveojob, yic'ot jini jebuseojob,

Josue 21:45

Ti pejtelel jini wʌn albil bʌ i cha'an lac Yum tsa' ts'ʌctiyi ti uts'at che' ti' tojlel israelob bajche' tsi' wʌn subeyob.

Josue 22:31

Finees tsi' yʌlʌ: Wʌle cujil lojon wʌ'ʌch an lac Yum la quic'ot. Ma'anic chuqui jontol tsa' la' mele ti' tojlel lac Yum. Ma'anic tsa' la' xic'beyob israelob ti mulil cha'an mi' yʌq'uentelob wocol ti' tojlel lac Yum, che'en.

Josue 24:11

Ti wi'il tsa' c'axiyetla ti Jordán ja'. Tsa' c'otiyetla ti Jericó. Jini año' bʌ ti Jericó tsi' contrajiyetla. Tsa cʌc'ʌyob ti la' wenta.

Josue 3:9

Josué tsi' sube israelob: La'la ti lʌc'ʌl. Ñich'tʌbenla i t'an lac Yum Dios.

Josue 9:1

Jini yumʌlob am bʌ ti junwejl Jordán ja' ba' mi' bʌjlel q'uin tsi' yubiyob chuqui tsa' ujti. Tsi' temeyob i t'an cha'an mi' comol coltañob i bʌ ti contra Josué yic'ot israelob. Tsi' tempayob i bʌ jini año' bʌ ti wits yic'ot ti joctʌl yic'ot ti' tojel jini colem ñajb c'ʌlʌl ti Líbano, yic'otob heteojob yic'ot amorreojob yic'ot cananeojob yic'ot fereseojob yic'ot heveojob yic'ot jebuseojob.

1 Samuel 17:26

David tsa' caji' c'ajtiben jini ya' bʌ añob: ¿Chuqui mi caj i yʌq'uentel jini winic mu' bʌ i mʌjlel i cha'an ti' tojlel jini sajtem bʌ filisteo? ¿Yom ba mi lac bʌc'ñan ili winic woli bʌ i tic'lan Israel? ¿Chuqui i ye'tel ti' tojlel jini soldadojob i cha'an bʌ lac Yum? che'en.

1 Samuel 26:6

David tsi' sube Ahimelec jini heteo yic'ot Abisai (i yalobil Sarvia) i yʌscun Joab: ¿Majqui yom majlel quic'ot ya' ba' jijlem Saúl? che'en. Abisai tsi' yʌlʌ: Joñon, che'en.