Josue 24:2 - Chol: I T’an Dios

² Josué tsi' pejcayob ti pejtelelob: Lac Yum i Dios Israel woli' yʌl: “Ti wajali tsa' chumleyob la' ñojte'elob ya' ti junwejlel colem ja' i c'aba' Eufrates. Jiñʌch jini Taré, i tat Abraham yic'ot Nacor. Tsi' ch'ujutesayob dioste' tac.

Chol de Tumbalá Bible

² Josué tsi' pejcayob ti pejtelelob: Lac Yum i Dios Israel woli' yʌl: “Ti wajali tsa' chumleyob la' ñojte'elob ya' ti junwejlel colem ja' i c'aba' Eufrates. Jiñʌch jini Taré, i tat Abraham yic'ot Nacor. Tsi' ch'ujutesayob dioste' tac.

Josue 24:2 Iomraidhean Croise

Genesis 11:22

Che' lujump'ejlix i cha'c'al (30) i jabilel Serug tsi' yila pañimil Nacor.

Genesis 11:24

Che' bolomp'ejlix i cha'c'al (29) i jabilel Nacor tsi' yila pañimil Taré.

Genesis 11:26

Che' lujump'ejlix i chʌnc'al (70) i jabilel Taré, tsi' yila pañimil Abram yic'ot Nacor yic'ot Harán.

Genesis 11:27

Jiñʌch i p'olbal Taré. Taré i tatʌch Abram yic'ot Nacor yic'ot Harán. Harán i tatʌch Lot.

Genesis 31:19

Labán tsa' majli i tsepben i tsutsel i tiñʌme'. Raquel tsi' xujch'ibe majlel jini dioste' tac i cha'an i tat.

Genesis 31:30

Cujil woliyet ti puts'el, come wersa a wom sujtel ti' yotot a tat. Wʌle subeñon, ¿chucoch tsa' xujch'ibeyon c dioste' tac? che'en Labán.

Genesis 31:32

Mi an majch tsi' ch'ʌmʌ a dioste' tac, la' chʌmic. Wʌ' ti' tojlel lac pi'ʌlob yom ma' q'uel mi an a chubʌ'an quic'ot lojon. Ch'ʌmʌ a cha'an bʌ, che'en. Ma'anic tsi' ña'ta Jacob mi tsi' xujch'i Raquel.

Genesis 31:53

La' i melonla i Dios Abraham, i Dios c tat Nacor, i Dios lac ñojte'el, che'en Labán. Jacob tsi' wersa ac'ʌ i t'an ti' tojlel jini Dios tsa' bʌ i bʌc'ña i tat Isaac.

Genesis 35:4

Tsi' yʌq'ueyob Jacob pejtelel i dioste' yic'ot i yuya' am bʌ ti' chiquin. Jacob tsi' mucu ti yebal c'olol lʌc'ʌl ti Siquem.

Ezequiel 16:3

Subeñob: “Lac Yum Dios woli' subeñetla wʌ' ti Jerusalén: Lajalet che' bajche' i p'olbal Canaán. Amorreo a tat, heteo a ña'.

Lucas 3:34

i tat Judá jiñʌch Jacob, i tat Jacob jiñʌch Isaac, i tat Isaac jiñʌch Abraham, i tat Abraham jiñʌch Taré, i tat Taré jiñʌch Nacor,

Deuteronomio 26:5

Che' jini yom ma' sub a bʌ ti' tojlel lac Yum Dios: “Jini c tat jiñʌch arameo tsa' bʌ jubi majlel ti Egipto, yic'ot winico' bʌ i yalobilob che' wi'ñayobix, che' ma'anic jaytiquilob. Tsa' chumleyob ya'i jinto tsa' wen p'ojliyob. Tsa' ajniyob ti colem tejclum.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.