Josue 22:9 - Chol: I T’an Dios

⁹ Jini rubeñob, yic'ot jini gadob, yic'ot i cha'año' bʌ Manasés tsa' loq'uiyob ti' tojlel jini israelob año' bʌ ti Silo am bʌ ti Canaán. Tsa' majliyob ti jini lum am bʌ ti Galaad tsa' bʌ aq'uentiyob. Come tsa'ix i ch'ʌmʌyob ti' wenta jini lum che' bajche' lac Yum tsi' wʌn sube Moisés.

Chol de Tumbalá Bible

⁹ Jini rubeñob, yic'ot jini gadob, yic'ot i cha'año' bʌ Manasés tsa' loq'uiyob ti' tojlel jini israelob año' bʌ ti Silo am bʌ ti Canaán. Tsa' majliyob ti jini lum am bʌ ti Galaad tsa' bʌ aq'uentiyob. Come tsa'ix i ch'ʌmʌyob ti' wenta jini lum che' bajche' lac Yum tsi' wʌn sube Moisés.

Josue 22:9 Iomraidhean Croise

Numeros 32:29

I yalobilob Rubén yic'ot i yalobilob Gad muc' abi i majlelob la' wic'otob ti guerra ti junwejl Jordán. Mi che'ʌch tsa' caji i melob, la' wocolic la' i ch'ʌmob jini lum wʌ' ba' mi' pasel q'uin. Aq'ueñob i lum Galaad cha'an mi' ch'ʌmob.

Numeros 32:26

Wʌ' mi caj i cʌytʌl calobil lojon, yic'ot quijñam lojon, yic'ot c wacax lojon yic'ot c tiñʌme' lojon, wʌ' ti Galaad.

Numeros 32:1

Wen cabʌl jax i wacax i yalobilob Rubén yic'ot i yalobilob Gad. Jini cha'an tsa' caji i ña'tañob majlel ya' ti' lum Jazer yic'ot ti Galaad, come tsi' q'ueleyob uts'atax mi' colel wacax ya'i.

Salmos 60:7

Galaad yic'ot Manasés c cha'añobʌch. Efraín i wentajʌch ts'ajquibil bʌ cotot. Mi' loq'uel tilel c rey ti Judá.

Josue 13:31

Ojlil jini Galaad, yic'ot Astarot yic'ot Edrei, jiñʌch i tejclum tac Og, yumʌl ti Basán. Tsa' aq'uentiyob lamital i yalobilob Maquir (i yalobil bʌ Manasés) che' bajche' c'amel i yotot tac.

Josue 13:25

Jazer yic'ot pejtelel i tejclum tac Galaad, ojlil jini lum i cha'an amoñob c'ʌlʌl ti Aroer ya' ti' tojel Rabá,

Josue 13:11

Tsa' aq'uentiyob jini Galaad, yic'ot i lum gesureojob, yic'ot i lum maacateojob, yic'ot pejtelel jini wits Hermón, yic'ot pejtelel Basán c'ʌlʌl ti Salca,

Josue 22:10

Che' bʌ tsa' c'otiyob ti jini lum am bʌ ti Canaán lʌc'ʌl bʌ ti Jordán ja', jini rubeñob yic'ot gadob yic'ot i cha'año' bʌ Manasés tsi' meleyob pulʌntib lʌc'ʌl ti Jordán ja'. Colem tsi' meleyob i pulʌntib i majtan Dios cha'an mi' wen tsictiyel.

Juezob 5:17

Galaad tsa' cʌle ti junwejl Jordán. ¿Chucoch tsa' cʌle Dan ti barco tac? Aser tsa' cʌle ti' ti' mar. Tsa' cʌle ba' mi c'otel barco.

2 Samuel 2:9

Ya'i tsi' wa'choco ti rey ti' tojlel año' bʌ ti Galaad, yic'ot Gesuri, yic'ot Jezreel, yic'ot Efraín, yic'ot Benjamín, yic'ot pejtelel jini israelob.

1 Cronicas 5:9

Joel tsi' p'olo wacax. Tsi' yʌc'ʌ tac ti buc'bal i wacax ti' tojel ba' mi' pasel q'uin c'ʌlʌl ti' ti' tiquin lum, c'ʌlʌl ti colem ja' i caba' Eufrates, come cabʌl wacax ti Galaad.

Numeros 32:20

Moisés tsi' subeyob: Mi muc'ʌch la' mel che' bajche' woli la' wʌl, uts'atʌch. Chajpan la' bʌ ti guerra ti' tojlel lac Yum.

Numeros 32:22

Che' bʌ tsa'ix i ch'ʌmʌ jini lum lac Yum Dios, che' jini librejix mi caj la' wajñel ti' tojlel lac Yum yic'ot ti' tojlel israelob. Uts'at mi la' sujtel. Che' jini la' cha'añʌch mi' cʌytʌl ili lum am bʌ ti' tojel Jordán ba' mi' pasel q'uin.

Deuteronomio 3:18

Tsac subeyetla: Lac Yum Dios tsi' yʌq'ueyetla ili lum ba' yom mi la' chumtʌl. Pero yom ch'ʌlbiletla ti la' we'tijib cha'an mi la' ñumel yic'ot la' pi'ʌlob israelob mu' bʌ i majlelob ti guerra.

Deuteronomio 3:20

Che' bʌ tsa'ix i yʌq'ueyob lac Yum i lum la' pi'ʌlob ba' mi' c'ajob i yo ti junwejl ja' che' bajche' tsi' yʌq'ueyetla la' lum wʌ' ti' tojel Jordán ja', che' jini mi mejlel la' cha' sujtel tilel ti la' wotot”. Che' tsac subeyetla.

Deuteronomio 34:1

Tsi' subu i bʌ Moisés ti joctʌl i cha'an Moab. Tsa' caji ti letsel majlel ti' jol wits i c'aba' Pisga am bʌ ti Nebo wits, ya' ti' tojel Jericó. Lac Yum tsi' pʌsbe pejtelel i lumal Canaán, c'ʌlʌl ti Galaad c'ʌlʌl ti Dan:

Juezob 20:1

Tsa' cajiyob ti loq'uel pejtelel jini israelob ti jump'ejl jach i pusic'al. Tsa' caji i tempañob i bʌ c'ʌlʌl ti Dan c'ʌlʌl ti Beerseba yic'ot ya' ti' lumal Galaad. Tsa' c'oti i tempañob i bʌ ti' tojlel lac Yum ya' ti Mizpa.