Josue 22:4 - Chol: I T’an Dios

⁴ Lac Yum Dios tsa'ix i yʌq'ueyob la' pi'ʌlob i ñʌch'tʌlel ti' tojlel i contrajob. Jini cha'an sujtenixla majlel ti la' chumlib ti jini lum tsa' bʌ i yʌq'ueyetla Moisés i winic lac Yum ya' ti junwejl Jordán ja'.

Chol de Tumbalá Bible

⁴ Lac Yum Dios tsa'ix i yʌq'ueyob la' pi'ʌlob i ñʌch'tʌlel ti' tojlel i contrajob. Jini cha'an sujtenixla majlel ti la' chumlib ti jini lum tsa' bʌ i yʌq'ueyetla Moisés i winic lac Yum ya' ti junwejl Jordán ja'.

Josue 22:4 Iomraidhean Croise

1 Cronicas 22:18

An la' wic'ot lac Yum Dios tsa' bʌ i yʌc'ʌyetla ti ajñel ti ñʌch'ʌl ti' tojlel la' contrajob, che'en. Come jini tsi' yʌq'ueyon tic wenta pejtelel jini winicob chumulo' bʌ ti yan tac bʌ tejclum. Pejtelel jini tejclum tac tsa'ix ochi ti' wenta lac Yum yic'ot ti' wenta i winicob.

Exodo 33:14

Lac Yum tsi' jac'ʌ: Joñon mi caj c majlel a wic'ot cha'an ma' c'aj a wo, che'en.

Numeros 32:18

Jinto che' bʌ tsa'ix i tajayob ba' mi' chumtʌlob pejtelel israelob, muq'uix c cha' sujtel lojon ti cotot.

Deuteronomio 12:9

C'ʌlʌl wʌle maxto ochemeticla ya' ba' mi caj la' c'aj la' wo ti jini lum mu' bʌ i yʌq'ueñetla lac Yum.

Deuteronomio 29:8

Tsa' lac ch'ʌmbeyob i lum. Tsa' la cʌc'ʌ ti' wenta Rubén, yic'ot Gad. Tsa' la cʌq'ue ojlil i p'olbal Manasés ja'el.

Deuteronomio 3:20

Che' bʌ tsa'ix i yʌq'ueyob lac Yum i lum la' pi'ʌlob ba' mi' c'ajob i yo ti junwejl ja' che' bajche' tsi' yʌq'ueyetla la' lum wʌ' ti' tojel Jordán ja', che' jini mi mejlel la' cha' sujtel tilel ti la' wotot”. Che' tsac subeyetla.

Hebreos 4:8

Tsa'ic i yʌq'ueyob i c'aj i yo jini Josué, ma'anic tsi' cha' alʌ Dios ti wi'il.

Josue 1:15

Yom mi la' coltan la' pi'ʌlob israelob jinto lac Yum Dios mi' yʌc'ob ti ochel cha'an xuc'ul mi yajñelob che' bajche' jatetla. Mi caj i ch'ʌmob ti wenta i lumob. Ti' wi'il mi caj la' cha' sujtel ti la' lumal tsa' bʌ la' ch'ʌmʌ. Jiñʌch la' lumal tsa' bʌ i yʌq'ueyetla Moisés i winic lac Yum ti junwejl Jordán ja' ya' ti' tojel i pasibal q'uin. Che' tsi' yʌlʌ Josué.

Josue 12:6

Jiñʌch yumʌlob tsa' bʌ tsʌnsʌntiyob cha'an Moisés i winic lac Yum yic'ot jini israelob. Moisés tsi' yʌq'ueyob i lum jini rubeñob yic'ot gadob yic'ot jini manasesob, i pi'ʌlob jini efraíñob.

Josue 13:15

Moisés tsi' yʌq'ueyob i lum i p'olbal Rubén che' bajche' c'amel jini otot tac.

Josue 13:8

Come i p'olbal Manasés yic'ot rubeñob yic'ot jini gadob tsa'ix i ch'ʌmbeyob i lum tsa' bʌ aq'uentiyob cha'an Moisés ya' ti junwejl Jordán ja' ba' mi' pasel q'uin. Come che'ʌch tsi' yʌq'ueyob Moisés i winic lac Yum.

Josue 22:3

Ma'anic tsa' la' cʌyʌ la' pi'ʌlob. C'ʌlʌl ti ili ora tsa'ix la' wen jac'be i t'an la' Yum Dios.