Josue 2:9 - Chol: I T’an Dios

⁹ Cujilʌch la' Yum tsa'ix i yʌq'ueyetla ili lum, come tsa'ix caji c bʌc'ñañet lojon. Tsa' toj sajtiyob i pusic'al pejtel xchumtʌlob ti ili lum cha'añetla,

Chol de Tumbalá Bible

⁹ Cujilʌch la' Yum tsa'ix i yʌq'ueyetla ili lum, come tsa'ix caji c bʌc'ñañet lojon. Tsa' toj sajtiyob i pusic'al pejtel xchumtʌlob ti ili lum cha'añetla,

Josue 2:9 Iomraidhean Croise

Genesis 35:5

Tsa' cajiyob ti xʌmbal majlel. Jini año' bʌ ti tejclum tac ya' ti' joytilel tsa' cajiyob ti bʌq'uen cha'an i Dios Jacob. Jini cha'an ma'anic tsi' yajñesayob i yalobilob Jacob.

2 Samuel 17:10

Anquese wen p'ʌtʌlob jini winicob bajche' bajlum, mi' cajelob ti bʌq'uen, come cʌmbilix i cha'an pejtelel israelob wen yujil guerra a tat yic'ot pejtelel i winicob.

2 Reyob 5:15

Che' lajmenix, tsa' cha' majli ba'an i winic Dios. Tsa' c'otiyob ti wa'tʌl ti' tojlel jini x'alt'an. Naamán tsi' sube Eliseo: Cujilix ma'anix yambʌ Dios ti pañimil, cojach ti Israel. Jini cha'an a wocolic yom ma' ch'ʌm a majtan woli bʌ c pʌsbeñet, come a winicon, che'en Naamán.

2 Reyob 7:6

Come lac Yum tsi' yʌq'ueyob jini siriajob i yubiñob i t'an tac carreta yic'ot i yuq'uel caballo, yic'ot i t'an bajc'ʌl winicob. Che' bʌ tsi' yubiyob tsa' caji i subeñob i bʌ jini siriajob: Awilan jini rey ti Israel tsa'ix i pʌyʌ tilel jini heteojob yic'ot jini egiptojob cha'an mi' jisañonla ti guerra, che'ob.

Nehemias 6:16

Che' bʌ tsi' yubiyob pejtel laj contrajob, tsa' laj cajiyob ti bʌq'uen ti pejtel colem tejclum tac ti lac joytilel. Tsa' caji' q'uelob i bʌ ti pec'. Cabʌl tsi' meleyob i pusic'al, come tsi' ña'tayob cha'añʌch i p'ʌtʌlel Dios tsa' joloñi jini e'tel cha'an tsi' coltayonla Dios.

Ester 8:17

Tsa' ñuc'ayob i pusic'al judíojob ti pejtelel colem tejclum tac yic'ot ti xchumtʌl tac baqui jach tsa' pujqui i mandar rey yic'ot i ts'ijbujel. Wen tijicñayob i pusic'al tsi' meleyob q'uin. Tsi' cʌyʌyob i ye'tel. Cabʌl chumulo' bʌ ti' joytilel tsi' sutq'uiyob i bʌ ti judío come tsa' ochi i bʌq'uen cha'an judíojob.

Job 19:25

Cujil cuxul jini tsa' bʌ i mʌñʌyon loq'uel ti' wenta j contra. Jini mi' caj ti wa'tʌl ti pañimil ti wi'il bʌ q'uin.

Salmos 112:10

Jini xjontolil mi caj i mel i pusic'al che' mi' q'uel. Mich' mi caj i q'uel, tsʌytsʌña jax i pusic'al, pero mi caj i sʌc jilel. Jini jontolo' bʌ ma'anic mi caj i tajob chuqui tac yomob.

Salmos 115:16

Lac Yum i yumʌch panchan. Pero tsi' yotsa pañimil ti' wenta winicob x'ixicob.

Exodo 18:11

Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Exodo 23:27

Mi caj c bʌc'tesan la' contrajob. Mi caj i toj sajtelob i pusic'al pejtelel winicob x'ixicob ba' mi caj la' c'otel. Mi caj c puts'tesan pejtelel la' contrajob.

Eclesiastes 8:12

An xmulilob c'ʌlʌl cuxulob to anquese jo'c'al ti yajl tsi' cha'leyob jontolil. Pero cujil uts'at mi' cajelob ti ajñel jini mu' bʌ i bʌc'ñañob Dios, mu' bʌ i jac'ob.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Isaias 23:5

Jini año' bʌ ti Egipto ch'ijiyem mi caj i yubiñob cha'an tsa' sʌc jili Tiro.

Jeremias 27:5

Joñon tsac mele pañimil. Tsac mele pejtel winicob ti pañimil yic'ot bʌte'el. Lu' c melbalʌch cha'an cabʌl c p'ʌtʌlel. Mi cʌq'uen i p'ʌtʌlel majqui jach com.

Nahum 2:10

Jocholix jini tejclum. Laj jisʌbilix. Jejmenix jini otot tac. C'uñob i pusic'al jini ya' bʌ chumulob. Tsiltsilñayob i pix ti bʌq'uen. Cabʌl jax i ch'ijiyemlel, sʌcobix i wut cha'an bʌq'uen.

Numeros 20:14

Ti yambʌ q'uin che' ya'to añob ti Cades, ba' jaxʌl i lumal Edom, Moisés tsi' choco majlel winicob ba'an jini rey am bʌ ti Edom. Tsa' c'oti i yʌlob: Lac pi'ʌlʌch lac bʌ, come i p'olbalon lojon Israel. Wen la' wujil jini wocol tsa' bʌ cubi lojon,

Mateo 20:15

¿Mach ba anic mi mejlel c cha'len chuqui jach com yic'ot c chubʌ'an? ¿Am ba i ts'i'lel la' wut cha'an chubʌ'añʌl come p'ewon?” che'en.

Deuteronomio 11:25

Ma'anic majqui mi caj i wis tic'lañetla, come lac Yum Dios muq'uix caj i yʌq'ueñob i bʌc'ñañetla baqui jach mi la' ñumel che' bajche' tsi' wʌn subeyetla.

Deuteronomio 2:25

Come ti jim bʌ ora mi caj i toj sajtelob i pusic'al. Mi' cajelob ti bʌq'uen ti pejtelel pañimil che' mi' yubiñob wen ch'ejletla”, che'en.

Deuteronomio 28:10

Che' jini pejtel jini yambʌ tejclum tac mi caj i q'uelob ñucʌch i p'ʌtʌlel lac Yum ti la' tojlel. Jini cha'an mi caj i bʌc'ñañet come i cha'añetla lac Yum.

Deuteronomio 32:8

Dios tsi' t'oxbeyob i lum pejtelel tejclum tac, Tsi' pucuyob pejtelel winicob x'ixicob, Tsi' yʌq'ueyob i cayajonlel tac ba' jaxʌl i lum i yalobilob Israel,

Hebreos 11:31

Cha'an tsi' ñopo Dios Rahab, am bʌ cabʌl i yixic, ma'anic tsa' jili yic'ot jini xñusa t'añob, come tsi' pʌyʌ ochel jini stsajiyajob cha'an mi' coltañob.

Josue 2:11

Tsa' toj sajti c pusic'al lojon che' bʌ tsa cubi lojon. Mach chʌn tijicñayobix i pusic'al winicob ti la' tojlel. Come la' Yum Dios Diosʌch ya' ti panchan yic'ot ti pañimil.

Josue 2:24

Tsi' subeyob: Lac Yum woli' yʌc' ti laj c'ʌb pejtel i lumal. Woli' toj sajtelob i pusic'al jini ya' bʌ chumulob, che'ob.

Josue 2:8

Che' maxto anic tsa' wʌyiyob jini winicob, jini x'ixic tsa' letsi ya' ti' jol otot i subeñob:

Josue 5:1

I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

Josue 6:2

Lac Yum tsi' sube Josué: Q'uele, joñon tsa'ix cʌq'ueyet Jericó, yic'ot i yumob, yic'ot pejtelel jini winicob yujilo' bʌ guerra.

Josue 9:10

yic'ot pejtelel tsa' bʌ i tumbeyob i yum amorreojob ya' ti junwejl jini Jordán ja' ba' mi' pasel q'uin, Sehón i yum Hesbón yic'ot Og i yum Basán am bʌ ti Astarot.

Josue 9:24

Jini winicob tsi' jac'ʌyob: Tsac mele lojon che' bajche' iliyi, come tsa cubi lojon la' Yum Dios tsi' yʌc'ʌ mandar ti' tojlel Moisés cha'an mi la' jisan pejtelel tejclum tac. Tsac bʌc'ñayet lojon. Tsa' tiliyon lojon ti a tojlel cha'an ma' p'untañon lojon.

Josue 9:9

Tsi' jac'ʌyob: Ñajt tilemon lojon. Tsa cubi lojon wen ñuc la' Yum Dios. Tsa cubi lojon pejtel chuqui tsi' mele ti Egipto

Juezob 7:14

Yambʌ winic tsi' jac'be: Jiñʌch i p'ʌtʌlel Gedeón (i yalobil Joás ch'oyol bʌ ti Israel). Dios tsa'ix i yʌc'ʌ ti' c'ʌb Gedeón pejtelel jini madiañob cha'an mi' jisañob, che'en.