Josue 2:3 - Chol: I T’an Dios

³ Jini rey ti Jericó tsi' choco majlel t'an ba'an Rahab cha'an mi' suben: Pʌybeñon tilel jini winicob tsa' bʌ c'otiyob ya' ba' añet, come tsa' jach tiliyob cha'an mi' tsajiñob lac tejclum, che'en.

Chol de Tumbalá Bible

³ Jini rey ti Jericó tsi' choco majlel t'an ba'an Rahab cha'an mi' suben: Pʌybeñon tilel jini winicob tsa' bʌ c'otiyob ya' ba' añet, come tsa' jach tiliyob cha'an mi' tsajiñob lac tejclum, che'en.

Josue 2:3 Iomraidhean Croise

Genesis 38:24

Che' ñumenix cha'p'ejl uxp'ejl uw tsa' subenti Judá: Tamar a wʌ'lib tsi' mele i bʌ bajche' xmoja. Awilan, cʌntʌbilix i yalobil cha'an tsi' mele bajche' xmoja. Che'ʌch tsa' subenti. Judá tsi' yʌlʌ: Pʌyʌ tilel jini x'ixic cha'an mi' pulel ti c'ajc, che'en.

Genesis 42:31

Tsac sube lojon: “Tsa'ix tiliyon lojon ti mʌñoñel. Mach xyojch'onic lojon.

2 Samuel 10:3

awilan jini ñuc taco' bʌ i ye'tel ti' tojlel amoñob tsa' caji i subeñob jini rey Hanún: ¿Mu' ba a lon ña'tan woli' choc tilel winicob David cha'an c'ux tsi' yubi a tat? ¿Cha'an ba mi' ñuq'uesʌbeñet a pusic'al tsi' chocoyob tilel? ¿Mach ba' tsa'ic i chocoyob tilel ti tsajiya cha'an mi' ña'tan bajche' añonla ila ti tejclum cha'an mi' jisañonla? che'ob.

2 Samuel 17:20

Che' bʌ tsa' c'otiyob i winicob Absalón ya' ti otot, tsi' c'ajtibeyob jini x'ixic: ¿Baqui tsa' majliyob Ahimaas yic'ot Jonatán? che'en. Jini x'ixic tsi' jac'ʌ: Tsa'ix c'axiyob ya' ti' junwejl ja', che'en. Ti ora jach tsa' majliyob jini winicob cha'an mi' sʌclañob. Che' ma'anic tsi' tajayob tsa' cha' sujtiyob ti Jerusalén.

Job 21:30

Che' mi' tilel wocol mach jilicob jini jontolo' bʌ. Mi' pʌjyelob majlel ba' tijicñayob. Mach i tajayic i mich'ajel Dios.

Juan 19:4

Pilato tsa' cha' loq'ui i pejcañob. Tsi' subeyob: La' wilan wolic pʌybeñetla tilel jini winic cha'an mi la' ña'tan ma'anic i mul che'en.

Hechos 12:4

Che' bʌ tsa'ix i chucu Pedro, tsi' yotsa ti mʌjquibʌl. Tsi' yʌc'ʌ ti cʌntʌntel cha'an wʌclujuntiquil (16) soldadojob. Ti chʌnchʌntiquilob tsi' cʌntayob. Herodes tsi' ña'ta i loc'san Pedro che' ñumenix Pascua cha'an mi' mel ti' wut xtejclumob.

Hechos 12:6

Ti jini jach bʌ ac'ʌlel che' yomix Herodes i pʌy loq'uel Pedro, ya'an Pedro xinlʌpʌl i cha'an cha'tiquil soldadojob, cʌchʌl ti cha't'ujm cadena. Jini xcʌntayajob woli' cʌntañob i ti' mʌjquibʌl ti jumpat.

Josue 10:23

Che'ʌch tsi' meleyob. Tsi' loc'sayob ti ch'en jini jo'tiquil yumʌlob, i yumob Jerusalén, yic'ot Hebrón, yic'ot Jarmut, yic'ot Laquis, yic'ot Eglón.

Josue 2:2

Tsa' subenti jini rey ti Jericó: Tsa' juliyob winicob israelob ti ili ac'ʌlel cha'an mi' tsajiñob lac tejclum, che'en.

Josue 2:4

Pero jini x'ixic tsi' sube jini cha'tiquil winicob cha'an mi' mujcuñob i bʌ. Jini x'ixic tsi' sube i winic rey: Isujm tsa' tiliyob winicob wʌ' ba' añon, pero mach cujilic baqui ch'oyolob, che'en.

Juezob 4:20

Sísara tsi' sube: Wa'i ti' ti' otot. Mi an majch mi' tilel, mi tsi' c'ajti: “¿Am ba majch tsa' ochi ilayi?” mi che'en, suben: “Ma'anic”, che'en Sísara.