Josue 2:1 - Chol: I T’an Dios

¹ Josué tsi' choco loq'uel ti Sitim cha'tiquil stsajiyajob. Tsi' chocoyob majlel ti mucul. Tsi' subeyob: Yom mi la' joy ñumel ti jini tejclum tac cha'an mi la' q'uel bajche' an, che'en. Tsa' majliyob c'ʌlʌl che' bʌ tsa' c'otiyob ti Jericó ya' ti' yotot juntiquil ts'i'lel bʌ x'ixic, i c'aba' Rahab. Tsa' ochiyob ti jini otot cha'an mi' jijlelob.

Chol de Tumbalá Bible

¹ Josué tsi' choco loq'uel ti Sitim cha'tiquil stsajiyajob. Tsi' chocoyob majlel ti mucul. Tsi' subeyob: Yom mi la' joy ñumel ti jini tejclum tac cha'an mi la' q'uel bajche' an, che'en. Tsa' majliyob c'ʌlʌl che' bʌ tsa' c'otiyob ti Jericó ya' ti' yotot juntiquil ts'i'lel bʌ x'ixic, i c'aba' Rahab. Tsa' ochiyob ti jini otot cha'an mi' jijlelob.

Josue 2:1 Iomraidhean Croise

Genesis 42:16

Yajcanla juntiquil ti la' tojlel. Chocola majlel i pʌy tilel la' wijts'in. Mi caj c ñup'etla ti mʌjquibʌl jinto mi' julel cha'an mic ña'tan mi isujmʌch la' t'an. Mi mach isujmic, mux caj la' toj ti Faraón cha'an xyojch'etla, che'en.

Genesis 42:9

José tsi' ña'ta i ñajal tsa' bʌ i subeyob i yʌscuñob. Tsi' subeyob: Xyojch'etla. Julemetixla cha'an mi la' q'uel ili lum, che'en.

Miqueas 6:5

C winicob, ña'tanla chuqui tsi' yʌlʌ ti la' contra jini Balac i rey Moab. Ña'tanla bajche' tsi' jac'ʌ jini Balaam i yalobil Beor. Ña'tanla chuqui tsa' ujti ti' bijlel Gilgal che' bʌ tsa' loq'uiyob ti Sitim. Tsac pʌsbeyetla i yutslel c pusic'al cha'an mi la' wen cʌñon come la' Yumon, che'en.

Numeros 13:1

Lac Yum tsi' sube Moisés: Choco majlel winicob cha'an mi' tsajiñob jini lum i c'aba' Canaán mu' bʌ caj cʌq'ueñob israelob. Choco majlel lajchʌntiquil yumʌlob loq'uemo' bʌ ti jini lajchʌnmojt i yalobilob Israel, che'en.

Numeros 25:1

Che' ya' to chumulob israelob ti Sitim, jini winicob tsa' caji i melob i ts'i'lel yic'ot x'ixicob año' bʌ ti Moab.

Numeros 33:49

Ya' ti' t'ejl jini Jordán tsi' cha'leyob chumtʌl c'ʌlʌl ti Betjemisot c'ʌlʌl ti Abelsitim am bʌ ti' lumal Moab.

Mateo 1:5

I yalobil Salmón yic'ot xRahab, jiñʌch Booz. Jini xRahab i yijñam Salmón. I yalobil Booz yic'ot xRut jiñʌch Obed. Jini xRut i yijñam Booz. I yalobil Obed jiñʌch Isaí.

Mateo 10:16

Awilan, wolic choquetla majlel che' bajche' tiñʌme' joyol bʌ ti bʌte'el ts'i'. Yom p'ip'etla che' bajche' lucum. Yom utsetla che' bajche' x'ujcuts.

Efesios 5:5

Come la' wujil ti isujm, ma'anic mi caj i yochel ti' yumʌntel Cristo yic'ot Dios jini mu' bʌ i cha'len ts'i'lel mi jini am bʌ i bibi'lel i pusic'al, mi jini tsʌytsʌyña bʌ i pusic'al cha'an chubʌ'añʌl. Come i tsʌytsʌyniyel lac pusic'al cha'an chubʌ'añʌl lajalʌch bajche' i c'uxbintel dioste'.

Hebreos 11:31

Cha'an tsi' ñopo Dios Rahab, am bʌ cabʌl i yixic, ma'anic tsa' jili yic'ot jini xñusa t'añob, come tsi' pʌyʌ ochel jini stsajiyajob cha'an mi' coltañob.

Santiago 2:25

Che' ja'el jini Rahab, am bʌ cabʌl i yixic, tsa' ch'ʌjmi ti' wenta Dios che' bʌ tsi' pʌyʌ ochel jini xmucu stsajiyajob, che' bʌ tsi' chocoyob sujtel ti yambʌ bij.

Josue 1:18

La' tsʌnsʌntic jini mu' bʌ i ñusʌbeñet a mandar, jini mach bʌ anic mi' jac'beñet a t'an ti pejtelel. Cojach yom ma' p'ʌt'esan a bʌ. Yom ch'ejlet. Che' tsi' yʌlʌyob jini rubeñob yic'ot gadob yic'ot manasesob.

Josue 2:2

Tsa' subenti jini rey ti Jericó: Tsa' juliyob winicob israelob ti ili ac'ʌlel cha'an mi' tsajiñob lac tejclum, che'en.

Josue 3:1

Che' ti wen sʌc'ajel Josué yic'ot pejtelel winicob israelob tsa' loq'uiyob ya' ti Sitim ya' ba' tsa' jijliyob ti lejchempat tac. Tsa' cajiyob ti c'otel ya' ti Jordán ja'. Ya' tsa' jijliyob.

Josue 5:10

Che' ya' añob jini israelob ti Gilgal tsi' meleyob q'uin cha'an Pascua che' ti ic'ajel che' ti chʌnlujump'ejlel (14) q'uin ti jini jach bʌ uw. Tsi' meleyob ya' ti joctʌl lʌc'ʌl ti Jericó.

Juezob 1:23

I p'olbalob José tsi' chocoyob majlel winicob cha'an mi' tsajiñob pañimil ya' ti Betel. I c'aba' ili tejclum ti ñaxan jiñʌch Luz.

Juezob 18:14

Jini jo'tiquil winicob tsajni bʌ i cʌñob jini lum ya' ti Lais tsi' subeyob i pi'ʌlob: Ti ili otot an efod, yic'ot dios tac. Jini cha'an ña'tanla chuqui yom mi la' mel, che'ob.

Juezob 18:17

Jini jo'tiquil winicob tsajniyo' bʌ i tsajin jini lum tsa' c'ʌlʌ ochiyob ti mal i yotot Micaía cha'an mi' ch'ʌmob loq'uel jini dios tac yic'ot jini efod. Ya'an jini motomaj lʌc'ʌl ti' trancajlel corral yic'ot jini lujunc'al i cha'bajc' winicob chajpʌbilo' bʌ cha'an guerra.

Juezob 18:2

Jini cha'an i p'olbalob Dan tsi' chocoyob majlel jo'tiquil wen ch'ejlo' bʌ winicob loq'uemo' bʌ ti Zora yic'ot ti Estaol. Tsa' majli i q'uelob pañimil cha'an mi' cʌñob mi weñʌch jini lum. Jini año' bʌ ti Dan tsi' subeyob: Cucula cha'an mi la' cʌn jini lum, che'ob. Ili winicob tsa' majliyob ya' ti wits i c'aba' Efraín c'ʌlʌl ti' yotot Micaía. Ya' tsa' caji i c'ajob i yo.