Josue 17:1 - Chol: I T’an Dios

¹ Jiñʌch i lumal Manasés, jini ascuñʌl bʌ i yalobil José. Maquir jiñʌch ascuñʌl bʌ i yalobil Manasés. I tatʌch Galaad. Wen yujil guerra. Tsa' aq'uenti Maquir jini lum i cha'an Galaad yic'ot Basán.

Chol de Tumbalá Bible

¹ Jiñʌch i lumal Manasés, jini ascuñʌl bʌ i yalobil José. Maquir jiñʌch ascuñʌl bʌ i yalobil Manasés. I tatʌch Galaad. Wen yujil guerra. Tsa' aq'uenti Maquir jini lum i cha'an Galaad yic'ot Basán.

Josue 17:1 Iomraidhean Croise

Genesis 41:51

José tsi' yotsʌbe i c'aba' jini yʌx alʌl Manasés, “Jini mu' bʌ i yʌc' ti ñajʌyel”, come tsi' yʌlʌ: Dios tsi' yʌc'ʌ ti ñajʌyel tic pusic'al pejtel wocol bʌ que'tel yic'ot pejtelel c ch'ijiyemlel cha'an c pi'ʌlob ti' yotot c tat, che'en.

Genesis 41:52

José tsi' yotsʌbe i c'aba' jini ijts'inil bʌ Efraín, “Mi yʌc' ti p'ojlel”, come tsi' yʌlʌ: Dios tsi' yʌq'ueyon c chubʌ'an ti jini lum ba' tsa cubi wocol, che'en.

Genesis 48:17

Che' bʌ tsi' q'uele José woli' c'ʌc jini ñoj bʌ i c'ʌb i tat ti' jol Efraín, ma'anic tsi' mula. Tsi' chucbe loq'uel i c'ʌb i tat ti' jol Efraín. Tsi' c'axtesʌbe ti' jol Manasés.

Genesis 48:18

José tsi' sube i tat: Mach che'ic yom, come ascuñʌl jini Manasés. Ac'ʌ ñoj bʌ a c'ʌb ti' jol, che'en.

Genesis 50:23

José tsi' q'uele i p'olbal Efraín c'ʌlʌl ti' yuxlajmlel i p'olbal. Tsi' q'uele ja'el i yalobilob Maquir, jini winic bʌ i yalobil Manasés. José tsi' buch meq'ue ti' pix.

2 Samuel 2:9

Ya'i tsi' wa'choco ti rey ti' tojlel año' bʌ ti Galaad, yic'ot Gesuri, yic'ot Jezreel, yic'ot Efraín, yic'ot Benjamín, yic'ot pejtelel jini israelob.

1 Cronicas 2:23

Pero Gesur yic'ot Aram tsi' chilbeyob Jair jini tejclum tac. Tsi' chiliyob ja'el Kenat yic'ot uxc'al colonia tac an tac bʌ ti' joytʌlel. Ti pejtelel i p'olbalob Maquir (i tat Galaad).

Ezequiel 47:13

Woli' yʌl lac Yum Dios: Jiñʌch mandar cha'an mi' t'oxbentelob i lumal jini lajchʌnmojt i p'olbal Israel. Mi caj i yʌq'uentelob cha'pejt i p'olbal José (Efraín yic'ot Manasés).

Numeros 27:1

Tsa' tiliyob ba'an Moisés jini xch'oc bʌ i yalobilob Zelofehad (i yalobil Hefer, i yalobil bʌ Galaad, i yalobil bʌ Maquir, i yalobil bʌ Manasés, i yalobil bʌ José). I c'aba'ob jini xch'ocob jiñʌch Maala, Noa, Hogla, Milca, yic'ot Tirsa.

Numeros 32:33

Jini cha'an Moisés tsi' yʌq'ueyob i lum i p'olbal Rubén, yic'ot i p'olbal Gad, yic'ot ojlil i p'olbal Manasés i yalobil bʌ José. Tsa' aq'uentiyob jini lum tsa' bʌ chilbentiyob Sehón i yum amorreojob, yic'ot Og jini yumʌl ti Basán. Tsi yʌq'ueyob ja'el pejtelel i tejclum tac wa'chocobil bʌ i cha'añob ti yambʌ ora.

Deuteronomio 21:17

Wersa mi caj i c'uxbin i yalobil jini ts'a'lebil bʌ, come ñoj ñaxan tsi' yila pañimil. Muq'uix i yʌq'uentel cha'yajl i ñumel che' bajche' jini yaño' bʌ, come jiñʌch jini ascuñʌl bʌ. I tejchibalʌch i p'ʌtʌlel. Jini cha'an ñumen cabʌl mi caj i yʌq'uentel.

Josue 17:2

Jiñobʌch winic bʌ i yalobilob Manasés: Abiezer yic'ot i yalobilob, Helec yic'ot i yalobilob, Asriel yic'ot i yalobilob, Siquem yic'ot i yalobilob, Hefer yic'ot i yalobilob, Semida yic'ot i yalobilob.

Josue 22:7

Moisés tsa'ix i yʌq'ueyob i lum lamital i p'olbalob Manasés (i pi'ʌl bʌ Efraín) ya' ti Basán. Jini cha'an Josué tsi' yʌq'ueyob i lum i pi'ʌlob Manasés año' bʌ ti' tojel Jordán ja' ya' ti' bʌjlibal q'uin. Josué tsi' yʌq'ueyob i yutslel i t'an ja'el. Tsi' chocoyob sujtel ba'an i chumlib tac.

Juezob 5:14

Jini efraíñob tsa' wersa ochiyob ti joctʌl. Wi'ilix tsa' majli i p'olbalob Benjamín. Jini yumʌlob i cha'an Maquir tsa' tiliyob. Jini año' bʌ i ye'tel tsa' loq'uiyob ti Zabulón.