Josue 13:5 - Chol: I T’an Dios

⁵ I lum jini giblajob, pejtelel jini Líbano am bʌ ti pasibal q'uin ti Baalgad am bʌ ti yentʌlal jini wits i c'aba' Hermón c'ʌlʌl ti yochib Hamat.

Chol de Tumbalá Bible

⁵ I lum jini giblajob, pejtelel jini Líbano am bʌ ti pasibal q'uin ti Baalgad am bʌ ti yentʌlal jini wits i c'aba' Hermón c'ʌlʌl ti yochib Hamat.

Josue 13:5 Iomraidhean Croise

1 Reyob 5:18

Jini winicob ch'oyolo' bʌ ti Gebal tsi' coltayob i winicob Salomón yic'ot i winicob Hiram. Tsi' p'eleyob tabla, tsi' toj'esayob tabla, tsi' c'oloyob loq'uel xajlel cha'an i Templo lac Yum.

1 Reyob 8:65

Ti jim bʌ ora Salomón tsi' mele ñuc bʌ q'uiñijel temel yic'ot pejtelel israelob. Cabʌl winicob tsi' tempayob i bʌ tilemo' bʌ ti' joytilel Israel. Cha'p'ejl semana tsi' cha'leyob q'uiñijel ti' tojlel lac Yum Dios cha'an jini Templo.

Salmos 83:7

Yic'ot año' bʌ ti Gebal, yic'ot ti Amón, yic'ot ti Amalec, Yic'ot filisteojob, yic'ot jini chumulo' bʌ ti Tiro

Isaias 10:9

Mi caj c jisan Calno che' bajche' Carquemis. Lajal mi caj i jilel Hamat che' bajche' Arfad. Mi caj c jisan Samaria che' bajche' Damasco.

Jeremias 52:9

Cʌchʌl tsi' pʌyʌyob majlel ti Ribla ya' ti' lumal Hamat ba'an Nabucodonosor rey bʌ ti Babilonia. Ya' tsi' mele.

Ezequiel 27:9

Jini xñoxob ch'oyolo' bʌ ti Gebal tsi' wen meleyob barco ame ochic ja'. Ti pejtelel pañimil mi' chocob tilel colem barco tac but'ul bʌ yic'ot i cuch cha'an mi' chombeñet.

Amos 6:2

Yom mi la' ñumel ti Calne, jini colem tejclum am bʌ ti Babilonia, cha'an mi la' q'uel. Cucula ti Hamat, colem bʌ tejclum ti Siria. Ti wi'il cucuxla ti jubel ti Gat ti' lumal filisteojob. Ti yambʌ ora uts'at i lumal, cabʌl i p'ʌtʌlel. Pero tsa'ix jili.

Numeros 13:21

Jini cha'an tsa' cajiyob ti letsel majlel. Tsa' caji i tsajiñob jini lum c'ʌlʌl ti' tiquiñal pañimil i c'aba' Zin c'ʌlʌl ti Rehob am bʌ ti' bijlel Hamat.

Deuteronomio 1:7

Cha' cucuxla ya' ti' lumalob amorreojob yic'ot ti' joytʌlel. Cucuxla ti Arabá jini joctʌl bʌ lum, yic'ot ti wits ya' ti Neguev, yic'ot ti' ti' ja'. La' cha'añʌch pejtel i lumal cananeojob, yic'ot Líbano c'ʌlʌl ti colem ja' i c'aba' Eufrates.

Deuteronomio 3:25

Jini cha'an ti wocol t'an mij c'ajtibeñet: La' c'axicon ti junwejl Jordán ja' cha'an mi cochel ti jini wen bʌ lum. Wen i t'ojol tac jax wits yic'ot jini te'el am bʌ ti Líbano, cho'on.

Josue 11:17

Tsa' mʌjli i cha'an ti wits ba'an Seir c'ʌlʌl ti Baalgad am bʌ ti joctʌl i cha'an Líbano lʌc'ʌl ba'an jini wits i c'aba' Hermón. Tsa' mejli i tsʌnsan pejtelel i yumob jini tejclum tac.

Josue 11:3

Tsi' choco ti subentel jini cananeojob am bʌ ti' pasibal q'uin yic'ot ti' bʌjlibal q'uin, yic'ot jini amorreojob, yic'ot jini heteojob, yic'ot jini ferezeojob, yic'ot jini jebuseojob am bʌ ti wits, yic'ot jini heveojob am bʌ ti yentʌlal Hermón ti' lumal Mizpa.

Josue 12:7

Josué yic'ot jini israelob tsi' tsʌnsayob jini yumʌlob ya' ti junwejl Jordán ja' ti' tojel i bʌjlibal q'uin. Tsi' ch'ʌmbeyob i lum ti Baalgad am bʌ ti joctʌl i c'aba' Líbano c'ʌlʌl ti Seir wits. Josué tsi' t'oxbeyob jini lum jini israelob ti mojt ti mojt.