Josue 13:3 - Chol: I T’an Dios

³ am bʌ ti Sihor, am bʌ ti' tojel Egipto ba' mi' pasel q'uin, c'ʌlʌl ti' cayajon Ecrón am bʌ ti norte. Jiñʌch i lumal cananeojob. An jo'tiquil i yumob filisteojob, jini año' bʌ ti Gaza, Asdot, Ascalón, Gat, yic'ot Ecrón, yic'ot pejtelel i lum aveojob am bʌ ti sur.

Chol de Tumbalá Bible

³ am bʌ ti Sihor, am bʌ ti' tojel Egipto ba' mi' pasel q'uin, c'ʌlʌl ti' cayajon Ecrón am bʌ ti norte. Jiñʌch i lumal cananeojob. An jo'tiquil i yumob filisteojob, jini año' bʌ ti Gaza, Asdot, Ascalón, Gat, yic'ot Ecrón, yic'ot pejtelel i lum aveojob am bʌ ti sur.

Josue 13:3 Iomraidhean Croise

Genesis 10:6

Jiñobʌch ch'iton bʌ i yalobilob Cam: Cus, Mizraim, Fut, Canaán.

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

1 Reyob 8:65

Ti jim bʌ ora Salomón tsi' mele ñuc bʌ q'uiñijel temel yic'ot pejtelel israelob. Cabʌl winicob tsi' tempayob i bʌ tilemo' bʌ ti' joytilel Israel. Cha'p'ejl semana tsi' cha'leyob q'uiñijel ti' tojlel lac Yum Dios cha'an jini Templo.

1 Cronicas 13:5

David tsi' tempa pejtelel jini israelob ti pejtelel i lumal cha'an mi' majlel i ch'ʌmob tilel jini Arca am bʌ ti Quiriat Jearim.

Jeremias 2:18

¿Chucoch wola' xʌn majlel i bijlel Egipto cha'an ma' taj a coltʌntel ya' ba'an jini ñoj ja' Nilo? ¿Chucoch wola' xʌn majlel i bijlel Asiria cha'an ma' taj a coltʌntel ya' ba'an jini ñoj ja' Eufrates?

Deuteronomio 2:23

Jini caftoreojob tsi' jisayob jini aveojob año' bʌ ti tejclum tac c'ʌlʌl ti Gaza. Tsa' caji' cha'leñob chumtʌl ya' ti' lum.)

Josue 13:13

Pero jini israelob ma'anic tsi' chocoyob loq'uel jini gesureojob yic'ot jini maacateojob. C'ʌlʌl wʌ'to añob yic'ot jini israelob wʌle.

Juezob 16:5

Tsa' tiliyob filisteojob año' bʌ i ye'tel ba'an jini xch'oc. Tsi' subeyob: Yom ma' pejcan ti uts bʌ t'an jini Sansón cha'an ma' c'ajtiben baqui mi' taj cabʌl i p'ʌtʌlel. Yom ma' ña'tan ja'el bajche' mi mejlel lac mʌlben, yic'ot bajche' mi mejlel laj cʌch. Che' jini ti jujuntiquil mi caj cʌq'ueñet lojon lajchʌmp'ejl mil peso, che'ob.

Juezob 3:3

Jiñobʌch i contrajob: jini filisteojob yic'ot jo'tiquil i yumob, jini cananeojob, yic'ot jini sidoniojob, yic'ot jini heteojob chumulo' bʌ ti wits i c'aba' Líbano ya' ti jini wits Baal Hermón c'ʌlʌl ti Hamat.

1 Samuel 5:1

Che' bʌ tsa' mʌjli i cha'añob jini filisteojob, tsi' ch'ʌmʌyob jini Arca i cha'an bʌ lac Yum. Tsi' loc'sayob ti Ebenezer. Tsi' ch'ʌmʌyob majlel ti Asdod.

1 Samuel 5:10

Jini cha'an tsi' chocoyob majlel ti Ecrón jini Arca i cha'an bʌ Dios. Pero pejtelel jini chumulo' bʌ ti Ecrón tsa' cajiyob ti c'am bʌ t'an che' bʌ tsi' q'ueleyob wolix ti ch'ʌjmel tilel. Tsi' yʌlʌyob: Yomobix i tsʌnsañonla yic'ot pejtelel lac pi'ʌlob wʌ' ti lac tejclum, che'ob.

1 Samuel 5:8

Che' jini tsi' pʌyʌyob tilel jini año' bʌ i ye'tel ti' tojlel filisteojob. Tsi' yʌlʌyob: Q'uelela bajche' añonla cha'an jini Arca i cha'an bʌ i Dios israelob. ¿Chuqui yom mi lac mel? che'ob. Pejtelel jini winicob tsi' yʌlʌyob: La lac choc majlel ti Gat jini Arca i cha'an bʌ i Dios israelob, che'ob. Che' jini tsi' c'axtesayob ti Gat jini Arca i cha'an bʌ i Dios israelob.

1 Samuel 6:4

Tsi' c'ajtibeyob: ¿Chuqui yom mi cʌq'uen lojon jini Dios cha'an mi' ñusʌbeñon lojon c mul? che'ob. Tsi' jac'beyob: Yom mi la' wʌq'uen jo'p'ejl chʌcajl melbil bʌ ti oro, yic'ot jo'cojt colem tsuc melbil bʌ ti oro come jo'tiquilob i yumob filisteojob. Junlajal tsa' la' wubi jini c'amʌjel.