Josue 1:9 - Chol: I T’an Dios

⁹ Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Chol de Tumbalá Bible

⁹ Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 1:9 Iomraidhean Croise

Genesis 28:15

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Genesis 39:2

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Genesis 39:3

I yum José tsi' q'uele an lac Yum yic'ot. Lac Yum tsi' wen colta ti pejtelel chuqui tsi' mele.

2 Samuel 13:28

Absalón tsi' sube jini x'e'telob i cha'an: Yom mi la' chʌcʌ q'uel Amnón che' wen tijicña jax woli' yubin che' woli' jap vino. Che' mic subeñetla: “Tsʌnsanla Amnón”, mi cho'on, ti ora jach yom mi la' tsʌnsan. Mach yomic mi la' wis cha'len bʌq'uen, come joñon woliyon ti mandar. Tsa'ix c subeyetla, ch'ejl'esan la' bʌ, che'en.

1 Cronicas 28:20

Jini cha'an David tsi' sube i yalobil Salomón: Yom bʌxet. Yom ch'ejlet. Cha'len wersa cha'an jini e'tel. Mach a cha'len bʌq'uen yic'ot pensar, come lac Yum Dios, jini c Dios, mi caj i yajñel a wic'ot. Ma'anic mi caj i cʌyet. Mi caj i coltañet jinto mi' yujtel ti mejlel i yotot lac Yum.

2 Cronicas 15:7

Pero yom ch'ejletla. Mach mi la' lujb'an ti' melol chuqui uts'at, come mi caj i yʌq'ueñetla ñuc bʌ la' chobejtʌbal cha'an pejtelel la' we'tel, che'en Azarías.

Salmos 46:7

Lac Yum an la quic'ot. I Yumʌch panchan yic'ot pañimil. I Dios Jacob jiñʌch la caj Coltaya i wenta chan bʌ ts'ajc.

Isaias 41:10

Mach a cha'len bʌq'uen, come añon quic'otet. Mach yomic ma' lij a bʌ come a Dioson. Mi caj c wen p'ʌtesañet. Mi caj j coltañet. Mi caj j cʌntañet ti p'ʌtʌl bʌ j c'ʌb jini ñoj bʌ.

Isaias 43:1

Pero wʌle woli' yʌl lac Yum tsa' bʌ i mele Jacob: Mach a cha'len bʌq'uen Israel, come joñon tsac mʌñʌyet. Tsa cotsʌbeyet a c'aba'. C cha'añet.

Isaias 43:5

Mach a cha'len bʌq'uen, come añon quic'otet. Mi caj c tempan tilel ti Sion a walobilob ba' pam pujquemob ya' ti' pasibal q'uin yic'ot ti' bʌjlibal q'uin.

Isaias 8:12

Mach ma' puts'el ti bʌq'uen che' bajche' yaño' bʌ. Yom xuc'ul ma' nop Dios. Mach yomic mi' toj sajtel a pusic'al ti' tojlel Siria yic'ot Israel.

Daniel 10:19

Tsi' subeyon: Dios mi' wen c'uxbiñet. Mach a cha'len bʌq'uen, mach a mel a pusic'al. P'ʌtesan a bʌ. La' ch'ejl'ac a pusic'al, che'en. Che' woli to i pejcañon, tsa' p'ʌtayon. Tsac sube: Cha' pejcañon, c Yum, come tsa'ix a p'ʌtesayon, cho'on.

Hageo 2:4

Wʌle, Zorobabel, tijicñesan a pusic'al, che'en lac Yum. Tijicñesan a pusic'al, Josué, ñuc bʌ motomajet. Ti la' pejtelel wʌ' bʌ añetla ti la' lumal, tijicñesan la' bʌ, che'en lac Yum. Cha'lenla e'tel, come añon quic'otetla

Hageo 2:5

che' bajche' tsa' cʌq'ueyetla c t'an che' bʌ tsac pʌyʌyetla loq'uel ti Egipto, che'en i Yum Panchan yic'ot Pañimil. Jini quEspíritu mi' yajñel ti la' tojlel. Mach la' cha'len bʌq'uen.

Hechos 4:19

Pedro yic'ot Juan tsi' jac'beyob: Subula jatetla mi toj ti' wut Dios mi tsac ñusʌbe lojon i t'an Dios cha'an mic jac'beñetla.

Deuteronomio 1:21

Lac Yum Dios tsi' pʌyʌyonla tilel. Jini lum an ti' tojel la' wut. Cucuxla. Ch'ʌmʌla che' bajche' tsi' subeyetla lac Yum Dios, i Yum lac ñojte'elob. Mach mi la' cha'len bʌq'uen. Mach yomic c'un la' pusic'al. Che'ʌch tsac subeyetla.

Deuteronomio 20:1

Che' mi la' loq'uel ti guerra, che' talob ti la' contra winicob yic'ot caballo yic'ot carreta tac ñumen bʌ ti tsic che' bajche' jatetla, mach mi la' bʌc'ñañob, come lac Yum Dios tsa' bʌ i loc'sayetla ti Egipto woli' coltañetla.

Deuteronomio 31:23

Lac Yum tsi' yʌq'ue Josué i yalobil Nun ili t'an: Yom ch'ejlet. Yom jump'ejl jach a pusic'al. Come jatet mi caj a pʌy ochel jini israelob ti jini lum mu' bʌ caj cʌq'ueñob che' bajche' tsac subeyob. Mi caj cajñel a wic'ot, che'en lac Yum.

Deuteronomio 31:28

Yom mi la' pʌy tilel pejtelel jini xñoxob yic'ot jini año' bʌ i ye'tel. Mi caj c sub iliyi ti' tojlelob. Mi caj c pʌy jini año' bʌ ti panchan yic'ot ti pañimil che' bajche' testigojob cha'an mi' tsictesʌbeñob i mul.

Josue 1:10

Josué tsi' yʌq'ueyob mandar jini año' bʌ i ye'tel:

Josue 1:17

Che' bajche' tsac jac'be lojon pejtelel tsa' bʌ i yʌlʌ Moisés, che'ʌch ja'el mi caj c jac'beñet lojon. Yom mi' yajñel lac Yum Dios a wic'ot che' bajche' tsa' ajni yic'ot Moisés.

Josue 1:18

La' tsʌnsʌntic jini mu' bʌ i ñusʌbeñet a mandar, jini mach bʌ anic mi' jac'beñet a t'an ti pejtelel. Cojach yom ma' p'ʌt'esan a bʌ. Yom ch'ejlet. Che' tsi' yʌlʌyob jini rubeñob yic'ot gadob yic'ot manasesob.

Josue 10:25

Josué tsi' yʌlʌ: Mach la' cha'len bʌq'uen. Mach yomic mi la' lij la' bʌ. Yom p'ʌtʌletla. Yom ch'ejletla. Come lac Yum che'ʌch mi caj i melbeñob pejtel mu' bʌ la' contrajin, che'en Josué.

Josue 10:8

Lac Yum tsi' sube Josué: Mach ma' cha'len bʌq'uen. Mi caj cʌq'ueñet ti a c'ʌb pejtel jini winicob. Ma'anic mi juntiquilic a contra mu' bʌ caj i mʌjlel i cha'an, che'en lac Yum.

Josue 3:7

Che' jini lac Yum tsi' sube Josué: Ti ili q'uin mi caj cʌq'uet ti q'uejlel ti ñuc ti' tojlel pejtel israelob cha'an mi' ña'tañob añon a wic'ot. Che' bajche' tsa' ajniyon quic'ot Moisés, che' ja'el mi caj cajñel a wic'ot.

Josue 6:27

Lac Yum Dios an yic'ot Josué. Ñuc tsa' q'uejli ti pejtelel pañimil.

Josue 8:1

Lac Yum Dios tsi' sube Josué: Mach a cha'len bʌq'uen. Mach ma' lij a bʌ. Pʌyʌ majlel pejtelel winicob yujilo' bʌ guerra. Cucula ti guerra ti' contra jini Hai. Joñon mi caj cʌq'ueñet jini yumʌl ti Hai, yic'ot i winicob, yic'ot i tejclum, yic'ot i lum.

Juezob 6:14

Lac Yum tsi' pʌsbe i yutslel. Tsi' sube: Cucu, c'ʌñʌ ili a p'ʌtʌlel cha'an ma' coltan loq'uel jini israelob ti' c'ʌbob madiañob. Come joñonʌch mu' bʌ c choquet majlel, che'en lac Yum.

1 Samuel 10:7

Che' wolix ti ujtel ti a tojlel iliyi, mele che' bajche' yom, come Dios woli' pi'leñet majlel.