Josue 1:8 - Chol: I T’an Dios

⁸ Mach yomic ma' cʌy a sub jini mandar. Yom ma' chʌn ña'tan ti a pusic'al ti q'uiñil yic'ot ti ac'ʌlel cha'an ma' jac', cha'an ma' mel pejtelel jini ts'ijbubil bʌ ti mandar. Che' jini mi caj a cha'len xʌmbal ti uts'at. Pejtelel mu' bʌ a mel mi caj i loq'uel ti uts'at.

Chol de Tumbalá Bible

⁸ Mach yomic ma' cʌy a sub jini mandar. Yom ma' chʌn ña'tan ti a pusic'al ti q'uiñil yic'ot ti ac'ʌlel cha'an ma' jac', cha'an ma' mel pejtelel jini ts'ijbubil bʌ ti mandar. Che' jini mi caj a cha'len xʌmbal ti uts'at. Pejtelel mu' bʌ a mel mi caj i loq'uel ti uts'at.

Josue 1:8 Iomraidhean Croise

Genesis 24:63

Tsa' majli Isaac ti jamil che' ochix q'uin cha'an mi' chʌn ña'tan Dios ti' pusic'al. Tsi' can q'uele pañimil. Tsi' q'uele ya'ix tilel camello tac.

2 Cronicas 26:5

Che' cuxul to Zacarías tsi' cʌntesa ti' bijlel Dios. Uzías tsi' tsajca Dios ti pejtelel i pusic'al. Che' bʌ tsi' jac'be i t'an lac Yum wen uts'at tsi' ñusa q'uin, come Dios tsi' colta.

Salmos 119:11

Tsa'ix cotsa a t'an tic pusic'al Cha'an ma'anic mic cha'len mulil ti a contra.

Salmos 119:15

Mi caj c p'is tic wenta chuqui tsa' tsictesa. Mi caj j q'uel ti ñuc a melbal.

Salmos 119:97

Cabʌl mij c'uxbin a t'an. Mic chʌn ña'tan c'ʌlʌl mi' sʌc'an c'ʌlʌl mi' yic'an.

Salmos 119:99

Ñumen cabʌl mic ch'ʌmben isujm bajche' pejtel mu' bʌ i cʌntesañoñob, Come mi cotsan tic pusic'al jini tsa' bʌ a wʌlʌ.

Salmos 19:14

Q'uele ti uts'at jini t'an woli bʌ c subeñet, Yic'ot jini woli bʌ c ña'tan tic pusic'al. C Yum, p'ʌtʌl bʌ xajlelet c cha'an, caj Coltayajet.

Salmos 40:10

Tsac tsictesayet ba' mi' tempañob i bʌ. Ma'anic tsac mucuyet ti' tojlelob. Tsac subu ti jamʌl xuc'ulet. Uts'at ma' cha'len coltaya. Cabʌlʌch i yutslel a pusic'al. Isujmet.

Proverbios 3:1

Calobil, mach ñajʌyic ti a pusic'al j cʌntesʌbal. Chʌn ña'tan c mandar ti a pusic'al.

Isaias 59:21

Jiñʌch jini t'an mu' bʌ cʌq'ueñob: Jini quEspíritu mu' bʌ cʌq'ueñetla ma'anic mi caj i cʌyetla. Mi caj la' mulan chuqui tac uts'at. Mi caj la' ts'a'len chuqui tac mach uts'atic, jatetla yic'ot la' walobilob ti pejtelel ora. Che' tsi' yʌlʌ lac Yum.

Mateo 12:35

Jini uts'at bʌ winic mi' loc'san uts'at tac bʌ ti uts'at bʌ i pusic'al. Jini jontol bʌ winic mi' loc'san jontol tac bʌ ti jontol bʌ i pusic'al.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Mateo 7:21

Mach ti pejtelobic mu' bʌ i pejcañoñob ti' yum mi caj i yochelob ti' yumʌntel jini am bʌ ti panchan. Jini jach mu' bʌ i melob bajche' yom c Tat ti panchan mi caj i yochelob.

Mateo 7:24

Ti jujuntiquil mu' bʌ i yubibeñon c t'an, mu' bʌ i jac'beñon, lajalʌch bajche' winic am bʌ cabʌl i ña'tʌbal. Tsi' mele i yotot ti' pam xajlel.

Lucas 11:28

Jesús tsi' sube: Ñumen tijicñayob mu' bʌ i yubibeñob i t'an Dios mu' bʌ i jac'ob, che'en.

Juan 13:17

Mi la' wujilʌch chuqui tsac subeyetla, tijicñayetla che' mi la' mel.

Juan 14:21

Jini mu' bʌ i cʌn c mandar, mu' bʌ i jac', jiñʌch mu' bʌ i c'uxbiñon. Jini mu' bʌ i c'uxbiñon, mi caj i c'uxbintel cha'an c Tat. Joñon mi caj j c'uxbin ja'el. Mi caj cʌq'ueñetla la' wen cʌñon. Che' tsi' yʌlʌ Jesús.

Efesios 4:29

Mach yomic mi la' c'ʌn la' wej ti jontol bʌ t'an. Yom jach mi la' sub chuqui uts'at cha'an mi la' p'ʌtesan jini mu' bʌ i yubiñob, cha'an mi la' wʌq'ueñob i yutslel i pusic'al.

Deuteronomio 29:8

Tsa' lac ch'ʌmbeyob i lum. Tsa' la cʌc'ʌ ti' wenta Rubén, yic'ot Gad. Tsa' la cʌq'ue ojlil i p'olbal Manasés ja'el.

Deuteronomio 29:9

Jini cha'an ts'ʌcʌl yom mi la' jac' pejtelel ili t'an, cha'an uts'at mi' yujtel pejtelel chuqui mi la' mel.

Deuteronomio 30:14

Come c'ax lʌc'ʌl jax an ti a tojlel jini t'an. An ti a wej yic'ot ti a pusic'al. Yom jach ma' jac'.

Deuteronomio 31:24

Moisés tsa' ujti i ts'ijban pejtelel ili mandar ti jun.

Deuteronomio 5:1

Moisés tsi' pʌyʌ tilel pejtel jini israelob. Tsi' subeyob: Ñich'tanla pejtel ili mandar yic'ot la' tic'ol woli bʌ c subeñetla cha'an mi la' wubin. Yom mi la' ñop, yom mi la' jac'.

Deuteronomio 5:29

Uts'atax muq'uic i bʌc'ñañoñob ti pejtelel ora cha'an mi' jac'beñonob c t'an yic'ot c mandar. Che'ic jini, muq'uix i ñusañob q'uin ti uts'at yic'ot i yalobilob ti pejtelel ora.

Deuteronomio 5:32

Jini cha'an yom wen tsajaletla cha'an mi la' mel che' bajche' tsi' subeyetla lac Yum Dios. Mach yomic mi la' wis xoy la' bijlel, mi ti la' ñojic, mi ti la' ts'ejic.

Colosenses 3:16

Wen ñopola i t'an Cristo cha'an mi' yʌc' i wut ti la' pusic'al. Cʌntesan la' bʌ. Toj'esan la' bʌ yic'ot wen bʌ la' ña'tʌbal. C'ʌyiben lac Yum salmo tac, yic'ot himno tac, yic'ot c'ay ti' yutslel la' pusic'al. Subenla wocolix i yʌlʌ Dios.

Josue 1:7

Cojach yom ma' ch'ejl'esan a bʌ. Yom ch'ejlet cha'an ma' wen jac' pejtelel c mandar tsa' bʌ i subeyet c winic Moisés. Toj jach yom ma' majlel. Mach yomic ma' xoyben i bijlel Moisés mi ti a ñoj mi ti a ts'ej. Che' jini mi caj i mʌjlel a cha'an ti pejtelel chuqui ma' mel.

Josue 8:34

Josué tsi' pejca pejtelel i t'an Moisés am bʌ ti' juñilel mandar, pejtel jini albil bʌ t'an, jini uts bʌ yic'ot jini wocol bʌ.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.