Josue 1:6 - Chol: I T’an Dios

⁶ Yom ma' p'ʌtesan a bʌ. Yom ch'ejlet, come mi caj a t'oxben ili lum jini winicob x'ixicob cha'an mi' ch'ʌmob. Jiñʌch jini lum mu' bʌ caj cʌq'ueñob che' bajche' tsac wʌn sube a ñojte'elob.

Chol de Tumbalá Bible

⁶ Yom ma' p'ʌtesan a bʌ. Yom ch'ejlet, come mi caj a t'oxben ili lum jini winicob x'ixicob cha'an mi' ch'ʌmob. Jiñʌch jini lum mu' bʌ caj cʌq'ueñob che' bajche' tsac wʌn sube a ñojte'elob.

Josue 1:6 Iomraidhean Croise

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

2 Samuel 10:12

Yom ch'ejlet. La' lac cha'len wersa cha'an mi laj coltan lac pi'ʌlob yic'ot i lumal lac Yum. La' i mel lac Yum pejtelel chuqui uts'at ti' wut. Che' tsi' yʌlʌ Joab.

1 Reyob 2:2

Joñon muq'uix cajel c chʌmel che' bajche' i tilel mi lac chʌmel. Ch'ejl'esan a bʌ, yom p'ʌtʌlet.

1 Cronicas 22:13

Che' jini mi caj a wen coltʌntel, mi tsa' jac'be pejtelel i t'an yic'ot i subal lac Yum tsa' bʌ i wʌn subeyob israelob ti' tojlel Moisés. Ch'ejl'esan a bʌ, yom p'ʌtʌlet. Mach yomic ma' cha'len bʌq'uen. Mach yomic mi' c'uñ'an a pusic'al.

1 Cronicas 28:10

Jini cha'an wʌle chʌcʌ q'uele a bʌ, come lac Yum tsa'ix i yajcayet cha'an ma' wa'chocoben jini ch'ujul bʌ i yotot. Wʌle yom ma' ch'ejl'esan a bʌ cha'an ma' wujtesan jini e'tel. Che' tsi' yʌlʌ David.

1 Cronicas 28:20

Jini cha'an David tsi' sube i yalobil Salomón: Yom bʌxet. Yom ch'ejlet. Cha'len wersa cha'an jini e'tel. Mach a cha'len bʌq'uen yic'ot pensar, come lac Yum Dios, jini c Dios, mi caj i yajñel a wic'ot. Ma'anic mi caj i cʌyet. Mi caj i coltañet jinto mi' yujtel ti mejlel i yotot lac Yum.

2 Cronicas 15:7

Pero yom ch'ejletla. Mach mi la' lujb'an ti' melol chuqui uts'at, come mi caj i yʌq'ueñetla ñuc bʌ la' chobejtʌbal cha'an pejtelel la' we'tel, che'en Azarías.

2 Cronicas 20:11

Pero wʌ'ix añob cha'an mi' chocon lojon loq'uel wʌ' tic lum lojon ba' tsa' wʌc'ʌyon lojon ti chumtʌl.

2 Cronicas 20:7

C Yum Dios, ¿mach ba anic tsa' choco loq'uel jini chumulo' bʌ ti ili lum cha'an ma' wʌq'ueñob israelob cha'an wʌ' mi' chumtʌlob ti pejtelel ora i p'olbal Abraham?

Salmos 27:14

Pijtan lac Yum, yom ch'ejlet. La' xuc'lec a pusic'al. Yom cu ma' pijtan lac Yum.

Daniel 10:19

Tsi' subeyon: Dios mi' wen c'uxbiñet. Mach a cha'len bʌq'uen, mach a mel a pusic'al. P'ʌtesan a bʌ. La' ch'ejl'ac a pusic'al, che'en. Che' woli to i pejcañon, tsa' p'ʌtayon. Tsac sube: Cha' pejcañon, c Yum, come tsa'ix a p'ʌtesayon, cho'on.

Hageo 2:4

Wʌle, Zorobabel, tijicñesan a pusic'al, che'en lac Yum. Tijicñesan a pusic'al, Josué, ñuc bʌ motomajet. Ti la' pejtelel wʌ' bʌ añetla ti la' lumal, tijicñesan la' bʌ, che'en lac Yum. Cha'lenla e'tel, come añon quic'otetla

Zacarias 8:9

I Yum Panchan yic'ot Pañimil woli' chʌn al: Yom mi la' wujtesan jini e'tel, jatetla woli bʌ la' wubin c t'an ti' tojlel jini x'alt'añob. Che' bʌ tsa' la' teche la' mel jini Templo, tsi' subeyetla chuqui tac tijicña mi caj la' taj che' mi' yujtel la' mel.

Numeros 33:53

Tsa'ix cʌq'ueyetla ti la' wenta jini lum cha'an mi la' ch'ʌm. Ch'ʌmʌla che' jini. Ochenla ti chumtʌl.

1 Corintios 16:13

Yom yʌxʌl la' wo. Yom xuc'ul la' pusic'al mi la' ñop. Yom ch'ejletla. Yom p'ʌtʌletla.

Efesios 6:10

Che' ja'el, quermanojob, p'ʌtesan la' bʌ ti lac Yum come cabʌl i p'ʌtʌlel mu' bʌ i yʌq'ueñetla.

Deuteronomio 1:21

Lac Yum Dios tsi' pʌyʌyonla tilel. Jini lum an ti' tojel la' wut. Cucuxla. Ch'ʌmʌla che' bajche' tsi' subeyetla lac Yum Dios, i Yum lac ñojte'elob. Mach mi la' cha'len bʌq'uen. Mach yomic c'un la' pusic'al. Che'ʌch tsac subeyetla.

Deuteronomio 1:8

Cucula, q'uelela. La' cha'añʌch jini lum come woli cʌq'ueñetla. Yom mi la' wochel ti chumtʌl ya'i che' bajche' tsac wʌn subeyob la' tat Abraham, yic'ot Isaac, yic'ot Jacob. La' cha'añʌch come i p'olbaletla. Che' tsi' yʌlʌ lac Yum.

Deuteronomio 11:8

Jini cha'an yom ts'ʌcʌl mi la' jac' pejtelel jini mandar woli bʌ c subeñetla, cha'an mi la' wutsi p'ʌtesʌntel che' mi la' majlel ti chumtʌl ti jini lum mu' bʌ caj la' ch'ʌm.

Deuteronomio 31:23

Lac Yum tsi' yʌq'ue Josué i yalobil Nun ili t'an: Yom ch'ejlet. Yom jump'ejl jach a pusic'al. Come jatet mi caj a pʌy ochel jini israelob ti jini lum mu' bʌ caj cʌq'ueñob che' bajche' tsac subeyob. Mi caj cajñel a wic'ot, che'en lac Yum.

2 Timoteo 2:1

Jini cha'an, calobil, la' chʌn p'ʌt'aquet ti' yutslel i pusic'al Cristo Jesús.

Josue 1:18

La' tsʌnsʌntic jini mu' bʌ i ñusʌbeñet a mandar, jini mach bʌ anic mi' jac'beñet a t'an ti pejtelel. Cojach yom ma' p'ʌt'esan a bʌ. Yom ch'ejlet. Che' tsi' yʌlʌyob jini rubeñob yic'ot gadob yic'ot manasesob.

Josue 1:7

Cojach yom ma' ch'ejl'esan a bʌ. Yom ch'ejlet cha'an ma' wen jac' pejtelel c mandar tsa' bʌ i subeyet c winic Moisés. Toj jach yom ma' majlel. Mach yomic ma' xoyben i bijlel Moisés mi ti a ñoj mi ti a ts'ej. Che' jini mi caj i mʌjlel a cha'an ti pejtelel chuqui ma' mel.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 10:25

Josué tsi' yʌlʌ: Mach la' cha'len bʌq'uen. Mach yomic mi la' lij la' bʌ. Yom p'ʌtʌletla. Yom ch'ejletla. Come lac Yum che'ʌch mi caj i melbeñob pejtel mu' bʌ la' contrajin, che'en Josué.

Josue 13:6

Mi caj c choc loq'uel pejtelel jini ya' bʌ chumulob ti wits tac ba'an jini Líbano c'ʌlʌl ti Misrefotmaim yic'otob pejtelel jini sidoniojob. Yom ma' wʌq'ueñob israelob jini lum che' bajche' tsa cʌq'ueyet mandar.

Josue 18:3

Jini cha'an Josué tsi' subeyob: ¿Baqui to ora mi caj la' majlel cha'an mi la' ch'ʌm ti la' wenta jini lum tsa' bʌ i yʌq'ueyetla lac Yum i Dios la' ñojte'el?

Josue 21:43

Jiñʌch bajche' lac Yum tsi' yʌq'ueyob israelob pejtel jini lum che' bajche' tsi' wʌn subeyob i ñojte'elob. Ya' ba' tsi' ch'ʌmʌyob ti' wenta jini lum tsa' chumleyob.

Josue 5:6

Come jini israelob tsi' cha'leyob xʌmbal ya' ti jochol bʌ lum cha'c'al jab. Tsa' ajniyob ti jochol bʌ lum jinto tsa' lu' chʌmiyob pejtelel jini winicob yujilo' bʌ guerra tsa' bʌ loq'uiyob ti Egipto. Come ma'anic tsi' jac'beyob i t'an Dios. Lac Yum tsi' yʌc'ʌ i t'an cha'an ma'anic mi caj i q'uelob jini lum mu' bʌ caj i yʌq'ueñob che' bajche' tsi' wʌn sube i ñojte'elob. Wen uts'at jini lum. Wen cabʌl mi' yʌc' leche yic'ot chab.

1 Samuel 4:9

Jini cha'an cha'lenla wersa. Pʌsʌ la' p'ʌtʌlel cha'an winiquetla, ame cajic lac yuman jini hebreojob che' bajche' tsi' yumayonla ti ñaxan. Yom ch'ejl mi la' mel la' bʌ ti guerra, che'ob.