Jonas 4:9 - Chol: I T’an Dios

⁹ Jini cha'an Dios tsi' sube Jonás: ¿Yom ba ma' mich'an cha'an tsa cʌc'ʌ ti jilel jini ac'? che'en. Jonás tsi' sube: Yom cu mich'acon. La'ix chʌmicon, che'en.

Chol de Tumbalá Bible

⁹ Jini cha'an Dios tsi' sube Jonás: ¿Yom ba ma' mich'an cha'an tsa cʌc'ʌ ti jilel jini ac'? che'en. Jonás tsi' sube: Yom cu mich'acon. La'ix chʌmicon, che'en.

Jonas 4:9 Iomraidhean Croise

1 Reyob 21:4

Wen ch'ijyem jax i pusic'al Acab. Wen mich' tsa' cha' sujti ti' yotot cha'an ma'anic tsi' jac'ʌ i chon Nabot jini ch'oyol bʌ ti Jezreel, come tsi' sube: Ma'anic mi caj cʌq'ueñet i lum c ñojte'el, che'en. Ma'anix tsi' chʌn c'uxu waj Acab. Tsa' majli ti ñoltʌl ti' wʌyib. Tsi' mʌyʌ majlel i wut ti' ñʌc' bojte'.

Job 18:4

Wola' tic'lan a bʌ cha'an mich'et. ¿A wom ba mi' laj chʌmelob winicob ti' caj a mul? ¿A wom ba mi' c'ajlel tac xajlel ti' yajñib cha'an ma' q'uejlel ti toj?

Job 36:18

Tsajaletme ame cajiquet ti a'leya che' wola' wubiben i mich'ajel. Mach a mich'len Dios cha'an sajtem a chubʌ'an.

Job 5:2

Jini tonto bʌ mi' bajñel tsʌnsan i bʌ ti mich'ajel. Jini mu' bʌ i lon mich'len i pi'ʌlob cha'an tsʌytsʌyña i pusic'al mi' bajñel jisan i bʌ.

Jonas 4:1

Jini cha'an Jonás tsi' wen mele i pusic'al. Tsa' wen mich'a come Dios tsi' p'untayob.

Jonas 4:10

Lac Yum tsi' sube: Wola' p'untan jini ac' tsa' bʌ chʌmi anquese mach a we'telic, mach a cosʌbalic. Ti jump'ejl jach ac'ʌlel tsa' coli. Ti jump'ejl jach ac'ʌlel tsa' jili.

Jonas 4:8

Che' bʌ tsa' pasi q'uin Dios tsi' choco tilel ticʌw bʌ ic' ch'oyol bʌ ti' pasibal q'uin. Jini q'uin tsi' pulbe i jol Jonás. Jini cha'an tsa' caji ti c'uñ'an pañimil. Tsi' c'ajtibe Dios cha'an mi' chʌmel. Tsi' sube: Uts'at mi tsa' chʌmiyon. Mach uts'atic che' cuxulon, che'en.

Mateo 26:38

Jesús tsi' subeyob: Wen ch'ijiyem jax c pusic'al. Comix chʌmel ti' ch'ijiyemlel c pusic'al. Pijtanla wʌ'i. Yom yʌxʌl la' wo quic'ot, che'en.

2 Corintios 7:10

Come i ch'ijiyemlel lac pusic'al ch'oyol bʌ ti Dios mi' yʌq'ueñonla laj cʌy lac mul cha'an mi laj coltʌntel. Tijicñayonla che' an i ch'ijiyemlel lac pusic'al ch'oyol bʌ ti Dios, pero i ch'ijiyemlel tilem bʌ ti pañimil mi' yʌc' ti chʌmel.

Apocalipsis 9:6

Ti jim bʌ ora winicob mi caj i lon sʌclañob bajche' mi mejlel i chʌmelob. Ma'anic mi caj i tajob. Anquese yomob chʌmel, mach mejlicob.

Juezob 16:16

Che' jini ti q'uin ti q'uin tsi' chʌn c'ajtibe. Ma'anic tsi' cʌyʌ i pejcan. Tsa' caji ti wen c'ojyel Sansón.