Jonas 4:8 - Chol: I T’an Dios

⁸ Che' bʌ tsa' pasi q'uin Dios tsi' choco tilel ticʌw bʌ ic' ch'oyol bʌ ti' pasibal q'uin. Jini q'uin tsi' pulbe i jol Jonás. Jini cha'an tsa' caji ti c'uñ'an pañimil. Tsi' c'ajtibe Dios cha'an mi' chʌmel. Tsi' sube: Uts'at mi tsa' chʌmiyon. Mach uts'atic che' cuxulon, che'en.

Chol de Tumbalá Bible

⁸ Che' bʌ tsa' pasi q'uin Dios tsi' choco tilel ticʌw bʌ ic' ch'oyol bʌ ti' pasibal q'uin. Jini q'uin tsi' pulbe i jol Jonás. Jini cha'an tsa' caji ti c'uñ'an pañimil. Tsi' c'ajtibe Dios cha'an mi' chʌmel. Tsi' sube: Uts'at mi tsa' chʌmiyon. Mach uts'atic che' cuxulon, che'en.

Jonas 4:8 Iomraidhean Croise

Genesis 41:6

Ti wi'il tsa' loq'ui tac wucts'ijt pojts' bʌ wajtan jats'bil bʌ cha'an ticʌw bʌ ic' loq'uem bʌ ti' pasibal q'uin.

1 Reyob 19:4

Tsa' majli ti ñajt bʌ i tiquiñal pañimil jump'ejl q'uin ti xʌñol. Tsa' c'oti ti buchtʌl ti' yebal juntejc te' i c'aba' enebro. Tsi' cha'le oración cha'an mi' chʌmel. Tsi' yʌlʌ: Jasʌlix, c Yum, tsʌnsañonix, come mach ñumen weñonic bajche' c ñojte'el, che'en.

1 Reyob 21:4

Wen ch'ijyem jax i pusic'al Acab. Wen mich' tsa' cha' sujti ti' yotot cha'an ma'anic tsi' jac'ʌ i chon Nabot jini ch'oyol bʌ ti Jezreel, come tsi' sube: Ma'anic mi caj cʌq'ueñet i lum c ñojte'el, che'en. Ma'anix tsi' chʌn c'uxu waj Acab. Tsa' majli ti ñoltʌl ti' wʌyib. Tsi' mʌyʌ majlel i wut ti' ñʌc' bojte'.

Job 2:10

Job tsi' sube i yijñam: Lajal ma' cha'len t'an che' bajche' tonto bʌ x'ixicob. Tsa'ix lac taja cabʌl wen tac bʌ ti' c'ʌb Dios. ¿Mach ba yomic mi lac taj wocol ja'el? che'en Job. Che' jini tsi' cʌnta i yej Job. Anquese cabʌl i wocol, ma'anic tsi' cha'le mulil.

Job 7:15

Ñumen uts'at mi tsa' jujch'iyon. Ñumen uts'at mi tsa' chʌmiyon cha'an mi' junyajlel lajmel c tic'lʌntel.

Salmos 121:6

Jini q'uin ma'anic mi caj i pulet ti q'uinil, Mi jinic uw ti ac'ʌlel.

Salmos 39:9

Tsaj cʌyʌ c cha'len t'an. Ma'anix mi caw quej, Come jatet tsa' wʌc'ʌyon ti wocol.

Eclesiastes 7:9

Mach a bʌc' mich'an, come i tilel jini tontojob che'ʌch mi' melob.

Cantares 1:6

Xch'ocob chumulet bʌ la ti tejclum, mach la' ts'a'leñon cha'an i'ic'on. Tsa' ic'ayon ti q'uin. Cʌscuñob tsi' mich'leyoñob. Tsi' chocoyoñob majlel ti e'tel ti ts'usubil. Tsaj q'uelbeyob i ts'usubil, pero ma'anic tsa' mejli j q'uel c cha'an bʌ.

Isaias 49:10

Ma'anix mi caj i yubiñob wi'ñal yic'ot tiquin ti'. Ma'anix mi caj i c'un'añob cha'an i ticwʌlel q'uin. Joñon mij c'uxbiñob. Mi caj c toj'esañob majlel ti' bijlel. Mi caj c pʌyob majlel ba'an i loq'uib ja'.

Ezequiel 19:12

Pero tsa' bojqui cha'an mich' i yum. Tsa' lu' jajqui, tsa' chojqui ti lum. Che' bʌ tsa' tili jini ic', tsi' lu' pulbe i wut. Tsa' c'ʌscu jini p'ʌtʌl bʌ i c'ʌb. Che' jini tsa' tiqui jini ac'. Tsa' laj puli ti c'ajc.

Oseas 13:15

Tsa' wen p'ojli i yalobilob Efraín yic'ot i chubʌ'an, pero lac Yum mi caj i choc tilel ic' loq'uem bʌ ti colem bʌ i tiquiñal pañimil cha'an mi' tiquin i lumal. Mi caj i laj tiquin pa' yic'ot i loq'uib ja'. Che' jini mi caj i chʌmelob cha'an tiquin ti'. Mi caj i tiquin pejtel i pʌc'ʌb.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Jonas 1:17

Lac Yum tsi' chajpa colem chʌy cha'an mi' mʌsan Jonás. Ya' tsa' cʌle Jonás ti' ñʌc' jini chʌy uxp'ejl q'uin yic'ot uxp'ejl ac'ʌlel.

Jonas 1:4

Lac Yum tsi' choco tilel p'ʌtʌl bʌ ic' ti colem ñajb. Tsa' wen tejchi jini p'ʌtʌl bʌ ic' ti ñajb jinto yomix jejmel jini barco.

Jonas 4:3

Wʌle c Yum, a wocolic mic subeñet la'ix chʌmicon come mach tijicñayonic che' cuxulon to. Ñumen uts'at mi tsa' chʌmiyon, che'en.

Jonas 4:9

Jini cha'an Dios tsi' sube Jonás: ¿Yom ba ma' mich'an cha'an tsa cʌc'ʌ ti jilel jini ac'? che'en. Jonás tsi' sube: Yom cu mich'acon. La'ix chʌmicon, che'en.

Mateo 20:12

Tsi' yʌlʌyob: “Jini wi'ilobix bʌ tsi' cha'leyob e'tel jump'ejl jach ora. Joñon lojon, tsa cubi lojon cabʌl ticwal c'ʌlʌl tsa' ñumi q'uin. Wola' ña'tan lajalon lojon quic'otob”, che'ob.

Apocalipsis 3:19

Jini mu' bʌ j c'uxbin mic tic'. Mic ju'sʌben i pusic'al. Jini cha'an yom bʌxetla. Cʌyʌla la' mul.

Apocalipsis 7:16

Ma'anix mi caj i chʌn ubiñob wi'ñal mi tiquin ti'. Jini q'uin ma'anix mi caj i pulob. Ma'anix mi caj i yubiñob ticwal.

1 Samuel 3:18

Che' jini Samuel tsi' laj tsictesʌbe chuqui tsi' sube lac Yum. Ma'anic chuqui tsi' mucu. Elí tsi' jac'be: Jiñʌch lac Yum. La' i mel che' bajche' yom, che'en.