Jonas 4:2 - Chol: I T’an Dios

² Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Chol de Tumbalá Bible

² Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Jonas 4:2 Iomraidhean Croise

1 Reyob 19:4

Tsa' majli ti ñajt bʌ i tiquiñal pañimil jump'ejl q'uin ti xʌñol. Tsa' c'oti ti buchtʌl ti' yebal juntejc te' i c'aba' enebro. Tsi' cha'le oración cha'an mi' chʌmel. Tsi' yʌlʌ: Jasʌlix, c Yum, tsʌnsañonix, come mach ñumen weñonic bajche' c ñojte'el, che'en.

Salmos 103:8

Lac Yum mi' cha'len p'untaya, uts i pusic'al. Jal mi' mich'an. Cabʌl mi' p'untañonla.

Salmos 145:8

Uts lac Yum, wen yujil p'untaya. Jal mi' mich'an. C'ux mi' yubiñonla.

Salmos 78:38

Pero Dios tsi' p'untayob. Tsi' ñusʌbeyob i mul. Ma'anic tsi' laj jisayob. Cabʌl tsi' tiq'ui i bʌ che' bʌ tsi' mich'leyob.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Salmos 90:13

La' c Yum. Cha' q'ueleyon lojon ti' yutslel a pusic'al. ¿Baqui ora mi caj a p'untan a winicob?

Exodo 32:14

Che' jini lac Yum tsi' cha' mele i pusic'al cha'an jini tsa' bʌ i ña'ta i mel ti' tojlel i tejclum.

Jeremias 18:8

Mi tsi' meleyob i pusic'al jini winicob x'ixicob, mi tsi' cʌyʌyob i mul, mux c ñusʌbeñob i mul. Che' jini mach muq'uic c jisañob che' bajche' tsac ña'ta c mel.

Jeremias 20:7

Jatet tsa' pʌyʌyon c Yum. Tsac jac'ʌyet. Ñuquet, mach ñuconic. Tsa' mʌjli a cha'an. Tsa' sujtiyon ti tonto ti' wutob c pi'ʌlob. Mi' tse'tañoñob ti sʌc'an c'ʌlʌl mi' ñumel q'uin. Mi' wajleñoñob.

Jeremias 26:13

Yomix mi la' mel la' pusic'al cha'an mi la' cʌy la' mul. Yomix mi la' jac'ben i t'an lac Yum Dios, ame i chocbeñetla tilel ili ñuc bʌ wocol che' bajche' tsi' yʌlʌ.

Jeremias 42:10

“Yom wʌ' jach mi la' chumtʌl ti la' lum. Che' jini mi caj j coltañetla. Ma'anic mi caj c jisañetla. Mi caj c pʌq'uetla yilal. Ma'anic mi caj c boquetla. Che' uts'at ma' jac'beñon, mi caj c mel c pusic'al cha'an jini ñuc bʌ wocol tsa' bʌ c chocbeyetla tilel.

Amos 7:3

Jini cha'an tsa' cha' uts'a i pusic'al lac Yum. Lac Yum tsi' yʌlʌ: Ma'anix mic chʌn melben, che'en.

Amos 7:6

Tsa' cha' uts'a i pusic'al lac Yum. Tsi' yʌlʌ lac Yum Dios: Ma'anix mic chʌn choc tilel, che'en.

Jonas 1:3

Jonás tsi' chajpa i bʌ cha'an mi' puts'el loq'uel ti' tojlel lac Yum cha'an mach yomic majlel ti Nínive. Tsa' jubi majlel ti Jope ba' tsi' taja colem barco woli bʌ i majlel ti Tarsis. Tsi' tojo i yochib. Tsa' ochi cha'an mi' majlel ti Tarsis yic'ot jini año' bʌ ti barco cha'an mi' loq'uel ti' tojlel lac Yum.

Jonas 3:10

Che' bʌ tsi' q'uele Dios woli' cʌyob i jontolil, tsi' q'uexta i pusic'al. Ma'anic tsi' choco tilel wocol che' bajche' tsi' subeyob. Ma'anic tsi' jisayob.

Jonas 3:9

Mach la cujilic, tic'ʌl mi mux i q'uextan i pusic'al Dios cha'an mi' cʌy i mich'ajel, cha'an ma'anic mi lac jilel. Che' tsi' yʌc'ʌ mandar jini rey.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Lucas 10:29

Jini winic yom i q'uel i bʌ ti toj, jini cha'an tsi' sube: ¿Majqui c pi'ʌlob? che'en.

Deuteronomio 4:31

Come wen uts i pusic'al lac Yum Dios. Ma'anic mi' caj i cʌyetla ti pejtelel ora. Ma'anic mi caj i jisañetla. Mach ñajʌyic i cha'an ti pejtelel ora jini t'an tsa' bʌ i subeyob la' ñojte'elob.