Jonas 3:9 - Chol: I T’an Dios

⁹ Mach la cujilic, tic'ʌl mi mux i q'uextan i pusic'al Dios cha'an mi' cʌy i mich'ajel, cha'an ma'anic mi lac jilel. Che' tsi' yʌc'ʌ mandar jini rey.

Chol de Tumbalá Bible

⁹ Mach la cujilic, tic'ʌl mi mux i q'uextan i pusic'al Dios cha'an mi' cʌy i mich'ajel, cha'an ma'anic mi lac jilel. Che' tsi' yʌc'ʌ mandar jini rey.

Jonas 3:9 Iomraidhean Croise

2 Samuel 12:22

David tsi' jac'ʌ: Isujm tsa'ix c wen mele c pusic'al che' woli to ti ajcʌn jini ch'iton, come tsac ña'ta tic'ʌl mu' to i p'untañon lac Yum cha'an mi' cha' aq'uen i c'oc'lel jini alʌl.

Salmos 106:45

Tsi' ña'ta jini xuc'ul bʌ i t'an tsa' bʌ i yʌq'ueyob. Tsi' cʌyʌ i mich'leñob cha'an cabʌl i yutslel.

Salmos 85:3

Tsa' lajmi a mich'ajel. Tsa' cʌyʌ a mich'leñob.

Salmos 90:13

La' c Yum. Cha' q'ueleyon lojon ti' yutslel a pusic'al. ¿Baqui ora mi caj a p'untan a winicob?

Jeremias 26:13

Yomix mi la' mel la' pusic'al cha'an mi la' cʌy la' mul. Yomix mi la' jac'ben i t'an lac Yum Dios, ame i chocbeñetla tilel ili ñuc bʌ wocol che' bajche' tsi' yʌlʌ.

Daniel 4:27

Jini cha'an c rey, jac'beñon c t'an. Cʌyʌ a mul. Mele chuqui toj. P'untan jini p'ump'uño' bʌ. Muq'uic a mel bajche' iliyi, tic'ʌl mi caj i ñusʌbeñet a mul cha'an ma' chʌn ajñel ti a tijicñʌyel, che'en Daniel.

Amos 5:15

Ts'a'lenla jontolil. C'uxbinla chuqui uts'at. Cha'lenla toj bʌ meloñel. Mi che'ʌch mi la' mel, uts'at mi caj i q'uel lac Yum, i Dios Panchan yic'ot Pañimil. Tic'ʌl mi caj i pʌsbeñob i yutslel i pusic'al i colojbal José mu' bʌ caj i coltʌntelob.

Jonas 1:15

Jini cha'an tsi' chucuyob Jonás. Tsi' chocoyob ochel ti colem jini ñajb. Tsa' ñʌjch'i ñajb.

Jonas 1:6

I yum barco tsa' tili ba'an Jonás. Tsi' sube: ¿Chucoch woliyet ti wʌyel? Ch'ojyen. Pejcan a Dios. Tic'ʌl mux i p'untañonla Dios ame jiliconla, che'en.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Sofonias 2:3

C'ajtiben la' coltʌntel pejtel utso' bʌ la' pusic'al tsa' bʌ la' ñopbe i t'an. Yom mi la' sajcan la' toj'esʌntel yic'ot i yutslel la' pusic'al. Tic'ʌl che' jini mi caj i ñusañet lac Yum che' mi' choc tilel i mich'ajel ti jini bʌc'ñʌbil bʌ q'uin.

1 Samuel 6:5

Yom mi la' mel i yejtal tac la' chʌcajl, yic'ot i yejtal jini tsuc tac mu' bʌ i tic'lan la' lum. Che' jini mi caj la' wʌc' ti ñuc i Dios israelob. Che' jini mi caj i cʌy i tic'lan la' diosob yic'ot la' lum.