Jonas 3:6 - Chol: I T’an Dios

⁶ Tsa' c'oti jini t'an ba'an i yum Nínive. Tsi' cʌyʌ i buchlib ba' woli ti yumʌntel. Tsi' jocho i t'ojol jax bʌ i bujc. Tsi' xojo coxtal. Tsa' buchle ti' tʌñil c'ajc.

Chol de Tumbalá Bible

⁶ Tsa' c'oti jini t'an ba'an i yum Nínive. Tsi' cʌyʌ i buchlib ba' woli ti yumʌntel. Tsi' jocho i t'ojol jax bʌ i bujc. Tsi' xojo coxtal. Tsa' buchle ti' tʌñil c'ajc.

Jonas 3:6 Iomraidhean Croise

1 Reyob 21:27

Acab tsi' yubibe i t'an Elías. Tsi' jet' tsili i pislel. Tsa' caji i lʌp coxtal ti q'uiñil yic'ot ti ac'ʌlel. Tsi' cha'le ch'ajb. Wen ch'ijiyem tsa' caji ti ajñel.

Job 2:8

Job tsi' loto i xejt'il uc'um cha'an mi' juc' loq'uel i pujwil. Tsa' buchle ba'an i tʌñil c'ajc.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Isaias 15:3

Lʌpʌl i cha'añob coxtal, mi' ñumelob ti calle. Ñajt tsiquil i t'an jini woliyo' bʌ ti uq'uel ti jujump'ejl otot yic'ot ti parque.

Jeremias 13:18

Lac Yum woli' yʌl: Suben jini rey yic'ot i ña': “Loq'uenla ba' buchuletla ti rey. Buchi'ixla ti tem, come tsa'ix chilbentiyetla jini corona i yejtal bʌ la' p'ʌtʌlel”.

Jeremias 36:13

Micaías tsi' cha' subeyob jini t'an tsa' bʌ i yubi che' bʌ tsi' pejca jini ts'ijbujel Baruc ti' tojlel pejtelel winicob.

Jeremias 36:24

Ma'anic tsi' cha'le bʌq'uen jini rey yic'ot i winicob che' bʌ tsi' yubiyob ili t'an. Ma'anic majch tsi' mele i pusic'al.

Jeremias 6:26

Lʌpʌ coxtal, Jerusalén, c'uxbibilet bʌ i cha'an c pi'ʌlob. Bʌlchocon a bʌ ti' tʌñil c'ajc. Cha'len uq'uel che' bajche' x'ixic mu' bʌ i yuc'tan cojach bʌ i yalobil. Mele a pusic'al, come wolix i bʌc' tilel wocol ti lac tojlel.

Lamentaciones 2:10

Ñʌch'ʌl jini xñoxob. Buchulob ti lum, lʌpʌl i cha'añob coxtal. Mi' mujlañob i jol ti' ts'ubeñal lum cha'an i ch'ijiyemlel i pusic'al. Jini xch'ocob mi' lijob i jol cha'an quisin.

Lamentaciones 3:29

La' jultesʌbentic i pusic'al. La' i ch'ujutesan i Yum. Tic'ʌl mi mux i lajmel jini wocol.

Ezequiel 26:16

Pejtel jini yumʌlob año' bʌ i ye'tel ti' ti' colem ñajb mi caj i jubelob ti' buchlib. Mi caj i jochob i pislel yic'ot joch'bil bʌ i bujc. Tsiltsilñayob ti bʌq'uen mi caj i buchtʌlob ti lum che' mi' q'uelob a jilibal.

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Miqueas 1:10

Mi caj i yubiñob wocol jini año' bʌ ti Gat. La' i cha'leñob uq'uel jini año' bʌ ti Baca. Mi caj i ñolq'uiñob i bʌ ti ts'ubejn ya' ti Betleafra cha'an quisin.

Mateo 11:21

Mi caj la' taj wocol añet bʌ la ti Corazín. Mi caj la' taj wocol añet bʌ la ti Betsaida. Come tsa'ic mejli ñuc bʌ e'tel ti Tiro yic'ot Sidón che' bajche' tsa' mejli ba' añetla, wajalix tsi' cʌyʌyob i mul. Tsa'ic ujti bajche' jini, tsi' xojoyob pisil melbil bʌ ti' tsutsel chivo, tsi' boñoyob i bʌ ja'el ti' tʌñil c'ajc.

Lucas 10:13

Mi caj la' taj wocol añet bʌ la ti Corazín. Mi caj la' taj wocol añet bʌ la ti Betsaida. Come tsa'ic mejli ñuc bʌ e'tel ti Tiro yic'ot Sidón che' bajche' tsa' mejli ba' añetla tsi' cʌyʌyob i mul. Tsa' buchleyob, tsi' xojoyob i tsutsel chivo. Tsi' mujlayob i bʌ yic'ot i tʌñil c'ajc.