Jonas 3:5 - Chol: I T’an Dios

⁵ Jini chumulo' bʌ ti Nínive tsi' ñopoyob Dios. Tsa' cajiyob ti ch'ajb. Tsi' laj lʌpʌyob coxtal, jini wen chumulo' bʌ yic'ot jini p'ump'uño' bʌ.

Chol de Tumbalá Bible

⁵ Jini chumulo' bʌ ti Nínive tsi' ñopoyob Dios. Tsa' cajiyob ti ch'ajb. Tsi' laj lʌpʌyob coxtal, jini wen chumulo' bʌ yic'ot jini p'ump'uño' bʌ.

Jonas 3:5 Iomraidhean Croise

2 Reyob 19:1

Jini rey Ezequías tsi' wʌc' tsili i bujc che' bʌ tsi' yubi jini t'an. Tsi' lʌpʌ coxtal i yejtal i ch'ijiyemlel i pusic'al. Tsa' majli ti' yotot lac Yum.

2 Cronicas 20:3

Che' bʌ tsi' yubi Josafat, tsa' caji ti bʌq'uen. Ti ora jach tsi' pejca lac Yum. Tsi' yʌc'ʌ mandar ti pejtelel Judá cha'an mi' cha'leñob ch'ajb cha'an mi' peq'uesañob i bʌ ti' tojlel Dios.

Esdras 8:21

Che' ya'to añon lojon ti colem ja' i c'aba' Ahava, tsac subeyob cha'an yom mic cha'len lojon ch'ajb, cha'an mic peq'uesan lojon c bʌ ti' wut Dios. Che' jini tsaj c'ajtibe lojon Dios cha'an mi' toj'esañon lojon majlel ti bij, cha'an mi' cʌntañon lojon quic'ot calobil lojon, quic'ot c chubʌ'an lojon.

Ester 4:1

Che' yujilix Mardoqueo melbilix jini ley, tsi' tsili i pislel. Tsi' lʌpʌ coxtal. Tsi' boño i bʌ ti' tʌñil c'ajc. We'ecña ti uq'uel tsa' majli ti ojlil tejclum. Ch'ijiyem i pusic'al

Exodo 33:6

Jini israelob tsi' laj loc'sayob i ch'ʌjlil ya' ti wits i c'aba' Horeb.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Jeremias 36:9

Ti' jop'ejlel jab che' woli ti yumʌl Joacim (i yalobil Josías) rey bʌ ti Judá, che' ti diciembre, tsi' tempayob i bʌ ya' ti Jerusalén winicob loq'uemo' bʌ ti' tejclum tac Judá cha'an mi' cha'leñob ch'ajb ti' tojlel lac Yum.

Jeremias 42:1

Pejtel jini soldadojob año' bʌ i ye'tel ti Judá yic'ot Johanán (i yalobil Carea) yic'ot Azarías (i yalobil Osaías) yic'ot pejtel winicob, jini ñuco' bʌ yic'ot ch'o'ch'oco' bʌ, tsa' tili i pejcañob jini x'alt'an Jeremías.

Jeremias 42:8

Jini cha'an Jeremías tsi' pʌyʌ tilel Johanán (i yalobil Carea) yic'ot jini soldadojob año' bʌ i ye'tel ti Judá yic'ot pejtel winicob, jini ñuco' bʌ yic'ot jini ch'o'ch'oco' bʌ.

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Joel 1:14

Tempanla winicob x'ixicob. Subeñob cha'an mi' cha'leñob ch'ajb. Pʌyʌla tilel ti pejtelob yic'ot añobix bʌ i jabilel ya' ti' Templo lac Yum Dios. Cha'lenla uq'uel ti' tojlel lac Yum.

Jonas 3:7

Tsi' cha'le mandar. Tsi' sube pejtel winicob x'ixicob ti Nínive: Che'ʌch woli' yʌc' mandar rey yic'ot año' bʌ i ye'tel: La' i cha'leñob ch'ajb winicob x'ixicob yic'ot i yʌlac' yic'ot wacax yic'ot tiñʌme'. Mach yomic chuqui mi' wis c'uxob. Mach yomic mi' c'uxob i bʌl i ñʌc'. Mach yomic mi' japob ja'.

Mateo 12:41

Jini winicob ch'oyolo' bʌ ti Nínive mi caj i wa'tʌlob ti' q'uiñilel melo' mulil yic'ot jini winicob x'ixicob año' bʌ wʌle. Mi caj i subeñob i mul. Come tsi' cʌyʌyob i mul che' bʌ tsi' cha'le subt'an Jonás. Awilan, umba'an ñumen ñuc bʌ bajche' Jonás.

Lucas 11:32

Jini winicob ch'oyolo' bʌ ti Nínive, mi caj i wa'tʌlob ti' q'uiñilel melo'mulil yic'ot jini año' bʌ ti pañimil wʌle. Mi caj i subeñob i mul. Come tsi' cʌyʌyob i mul che' bʌ tsi' cha'le subt'an Jonás. Awilan, wʌ'an ñumen ñuc bʌ bajche' Jonás.

Hechos 27:25

Jini cha'an, winicob, tijicñesan la' pusic'al come mic ñop mi caj i yujtel che' bajche' tsi' subeyon Dios.

Hechos 8:10

Ti pejtelelob tsi' wen ubibeyob i t'an, jini ch'o'ch'oco' bʌ yic'ot jini ñuco' bʌ. Tsi' yʌlʌyob: Jiñʌch jini ñuc bʌ i p'ʌtʌlel Dios, lon che'ob.

Hebreos 11:1

Jini mu' bʌ i ñop Dios, xuc'ul i pusic'al mi' pijtan. Mi' ñop ti isujm tal jini mach bʌ tsiquilic.

Hebreos 11:7

Noé tsi' ñopo Dios. Jini cha'an tsi' jac'be i t'an ba' ora Dios tsi' sube chuqui mi' caj ti ujtel che' maxto tsiquilic. Tsi' mele jini colem barco cha'an mi' coltan pejtelel año' bʌ ti' yotot. Cha'an tsi' ñopo Dios, Noé tsi' tsictesʌbeyob i mul pejtelel año' bʌ ti pañimil. Tsa' aq'uenti toj bʌ i pusic'al cha'an mi' yochel ti' cha'an bʌ Dios yic'ot pejtel mu' bʌ i ñopob.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.