Jonas 2:7 - Chol: I T’an Dios

⁷ Che' bʌ sʌcʌ ma'anix c pusic'al, tsac cha' ña'tayet c Yum. Tsa' wubibeyon coración ti ch'ujul bʌ Templo ya' ba' chumulet.

Chol de Tumbalá Bible

⁷ Che' bʌ sʌcʌ ma'anix c pusic'al, tsac cha' ña'tayet c Yum. Tsa' wubibeyon coración ti ch'ujul bʌ Templo ya' ba' chumulet.

Jonas 2:7 Iomraidhean Croise

2 Cronicas 30:27

Che' ujtemix jini q'uin, jini motomajob yic'ot jini levíjob tsa' wa'leyob. Tsi' yʌq'ueyob i yutslel i t'an pejtel winicob. Lac Yum am bʌ ti Ch'ujul bʌ Ajñibʌl ya' ti panchan tsi' yubibeyob i yoración.

Salmos 11:4

Ya'an lac Yum ti ch'ujul bʌ i Templo. Ya'an i buchlib i yumʌntel ti panchan. Mi' q'uel winicob, mi' yilʌbeñob i pusic'al.

Salmos 142:3

Cʌmbil i cha'an c bijlel che' c'un c pusic'al. Mi' yʌc'ob yac ti bij ba' mic ñumel.

Salmos 143:5

Mic ña'tan bajche' tsac ñusa q'uin ti yambʌ ora. Mic ña'tan i ye'tel a c'ʌb. Mi cʌc' tic pusic'al pejtel a melbal.

Salmos 18:6

Che' añon ti wocol tsac pejca c Yum. Tsac cha'le oñel ti' tojlel Dios. Tsi' yubibeñon c t'an ya' ti panchan.

Salmos 20:7

Lamital mi' lon ña'tañob an i coltʌntel ti carreta tac yic'ot caballo, Pero joñonla mi lac ña'tan coltʌbilonla cha'an ti' c'aba' lac Yum Dios.

Salmos 22:14

Woli' jilel c wersa che' bajche' ja' mu' bʌ i sajp'el. Pejtel c bʌquel tsa'ix c'ojqui loq'uel. Lajalʌch c pusic'al yubil bajche' nichim woli bʌ ti ulmʌl.

Salmos 27:13

Cujil belel ora mi caj cubin i yutslel c Yum ila ti pañimil che' cuxulon to.

Salmos 42:11

¿Chucoch ch'ijiyem c pusic'al? ¿Chucoch wulwulña c pusic'al? La c pijtan Dios, come mi caj c cha' suben wocolix i yʌlʌ. Jiñʌch caj Coltaya Dios.

Salmos 42:5

¿Chucoch ch'ijiyem c pusic'al? ¿Chucoch wulwulña c pusic'al? La' c pijtan Dios, come mach jalix mi caj c suben wocolix i yʌlʌ caj Coltaya Dios.

Salmos 43:5

¿Chucoch ch'ijiyem c pusic'al? ¿Chucoch wulwulña c pusic'al? La' c pijtan Dios, come mi caj i ñuc'an c pusic'al cha'an i ñuclel, Caj Coltaya Dios.

Salmos 65:4

Tijicña mu' bʌ a yajcan. Ma' pʌy cha'an mi' chumtʌl ti awotot. Cabʌlix lojon c wenlel ya' ba' mic ch'ujutesañet lojon ti ch'ujul bʌ a Templo.

Isaias 38:17

C Yum, che' c'amon wen ch'ijiyemon, pero tsa' wʌq'ueyon wocol cha'an mic taj i ñʌch'tʌlel c pusic'al. Ti' yutslel a pusic'al cha' techeyon ame chʌmicon. Tsa' laj ñusʌbeyon c mul.

Isaias 50:10

¿Majqui mi' bʌc'ñan lac Yum? ¿Majqui mi' jac'ben i t'an jini X'e'tel i cha'an? Jini winic, anquese mi' ñumel ba' ic'yoch'an, ba' mach wisilic i sʌclel, cʌyʌl i pusic'al yic'ot i Dios.

Jonas 2:4

Tsa cʌlʌ: “Chocbilonix a cha'an ba' ma'anix mic chʌn q'uelet, pero mu' to caj j q'uel jini ch'ujul bʌ Templo ya' ba' chumulet”, cho'on.

Miqueas 1:2

Ubinla jini t'an winicob x'ixicob ti pejtelel tejclum tac ti pañimil. Wʌ'an lac Yum ti ch'ujul bʌ Templo i cha'an. Woli ti t'an ti la' contra.

Habacuc 2:20

Pero wʌ'ʌch an lac Yum ti Ch'ujul bʌ i Templo. Yom ñʌch'ʌletla ti' tojlel lac Yum mu' bʌ caj i mel winicob ti pejtelel pañimil.

Hebreos 12:3

Na'tanla bajche' tsi' ñusa wocol che' ts'a'lebil i cha'an xmulilob, ame lujb'aquetla ti wocol ame mi la' lij la' bʌ.

1 Samuel 30:6

David tsi' wen mele i pusic'al, come jini winicob yomobix i julob ti xajlel cha'an wen ch'ijiyemob i pusic'al cha'an i yalobilob. Pero David tsi' p'ʌt'esa i bʌ ti lac Yum Dios.