Jonas 2:10 - Chol: I T’an Dios

¹⁰ Lac Yum tsi' yʌq'ue mandar chʌy. Jini chʌy tsi' xejta loq'uel Jonás ba' tiquin lum.

Chol de Tumbalá Bible

¹⁰ Lac Yum tsi' yʌq'ue mandar chʌy. Jini chʌy tsi' xejta loq'uel Jonás ba' tiquin lum.

Jonas 2:10 Iomraidhean Croise

Genesis 1:11

Dios tsi' yʌlʌ: La' pasic ti lum jam yic'ot pimel mu' bʌ i yʌc' i wut. La' colic te' ti chajp ti chajp yujil bʌ wut cha'an pac', che'en. Che'ʌch tsa' ujti.

Genesis 1:14

Dios tsi' yʌlʌ: La' tsictiyic q'uin yic'ot uw yic'ot ec' tac ti panchan cha'an mi' pʌs q'uiñil yic'ot ac'ʌlel. La' i pʌs ja'el i yorajlel jajmel yic'ot ja'lel yic'ot q'uiñil yic'ot jabil tac.

Genesis 1:3

Dios tsi' yʌlʌ: La' tsictiyic i sʌclel pañimil, che'en. Tsa' tsictiyi i sʌclel pañimil.

Genesis 1:7

Dios tsi' mele jini panchan. Tsi' t'oxo tac jini ja'. Tsa' ajni ja' ti yebal jini panchan yic'ot ti pam. Che'ʌch tsa' ujti.

Genesis 1:9

Dios tsi' yʌlʌ: La' tempʌyic jini ja' am bʌ ti yebal panchan ti colem ñajb tac. La' tsictiyic jini tiquin bʌ lum, che'en. Che'ʌch tsa' ujti.

Salmos 105:31

Tsi' yʌc'ʌ mandar lac Yum, tsa' wen caji ti p'ojlel us ti' ti' ja', Yic'ot uch' ti pejtelel i lumal Egipto.

Salmos 105:34

Tsi' yʌc'ʌ i t'an cha'an mi' p'ojlel sajc', Yic'ot cabʌl chʌñil pañimil.

Salmos 22:26

Jini mu' bʌ i yubiñob wocol mi' cajelob ti we'el. Mi caj i ñaj'añob, Jini mu' bʌ i sajcañob lac Yum, mi caj i ch'ujutesañob. La' ajnicob ti pejtelel ora jini mu' bʌ i sajcañob.

Salmos 33:9

Che' bʌ tsi' cha'le t'an, tsa' mejli chuqui tsi' yʌlʌ. Tsi' cha'le mandar, xuc'ulʌch tsa' cʌle.

Isaias 38:20

Wʌ'an lac Yum, awilan woli' coltañon. La' lac ñijcan arpa. La' lac cha'len c'ay. Jujump'ejl q'uin che' cuxulon to la la' laj c'ʌyiben i ñuclel lac Yum ila ti' Templo, che'en Ezequías.

Isaias 43:11

Joñon jach Yumʌlon. Ma'anic yambʌ xColtaya.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Oseas 13:4

Joñon jach a Dioson, a Yumon, c'ʌlʌl che' bʌ tsac pʌyʌyet loq'uel ti Egipto. Ma'anic yambʌ Dios. Ma'anic yambʌ xColtaya, joñon jach.

Oseas 14:3

Come mach mejlic i coltañon lojon jini asiriajob. Ma'anix c p'ʌtʌlel lojon ti guerra. Mach chʌn ñuquix tic pusic'al lojon jini dioste' tac tsa' bʌ c mele lojon. Ma'anix mi caj c chʌn pejcañob ti dios. Ya' jach ti a tojlel, c Yum, mi' tajob i coltʌntel jini meba' alʌlob. Che' yom mi la' suben lac Yum ti oración.

Jonas 1:17

Lac Yum tsi' chajpa colem chʌy cha'an mi' mʌsan Jonás. Ya' tsa' cʌle Jonás ti' ñʌc' jini chʌy uxp'ejl q'uin yic'ot uxp'ejl ac'ʌlel.

Jonas 3:1

Ti' cha'yajlel tsa' tili i t'an lac Yum ba'an Jonás: