Jonas 1:9 - Chol: I T’an Dios

⁹ Jonás tsi' subeyob: Hebreojon. Mic bʌc'ñan lac Yum, jini Dios am bʌ ti panchan tsa' bʌ i mele colem ñajb yic'ot lum. Tsi' subeyon majlel ti Nínive pero mach comic majlel, che'en.

Chol de Tumbalá Bible

⁹ Jonás tsi' subeyob: Hebreojon. Mic bʌc'ñan lac Yum, jini Dios am bʌ ti panchan tsa' bʌ i mele colem ñajb yic'ot lum. Tsi' subeyon majlel ti Nínive pero mach comic majlel, che'en.

Jonas 1:9 Iomraidhean Croise

Genesis 1:10

Dios tsi' yotsʌbe i c'aba' jini tiquin bʌ jiñʌch lum. Tsi' yotsʌbe i c'aba' tempʌbil bʌ ja' jiñʌch colem ñajb tac. Dios tsi' q'uele uts'atʌch.

Genesis 14:13

Juntiquil tsa' bʌ puts'i tsa' tili i suben Abram chuqui tsa' ujti. Hebreojʌch Abram. Ya'ʌch chumul ba' cabʌl c'olol te' i cha'an Mamre. Amorreojʌch Mamre. I yijts'iñʌch Escol yic'ot Aner. Ti yuxticlel tsi' coltayob Abram.

Genesis 24:7

Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Genesis 39:14

tsi' pʌyʌ tilel x'e'telob ti yotot. Tsi' subeyob: Awilan, c ñoxi'al tsi' yotsa jini hebreo ti lac tojlel cha'an mi' wajleñonla. Tsi' ñochtayon cha'an yom i pi'leñon. Tsac cha'le oñel ti c'am bʌ t'an.

2 Reyob 17:25

Che' bʌ tsa' cajiyob ti chumtʌl ya'i, ma'anic tsi' ch'ujutesayob lac Yum. Jini cha'an tsi' choco tilel bajlum ti' tojlelob cha'an mi' lamital jisañob.

2 Reyob 17:28

Jini cha'an tsa' c'oti ti Samaria juntiquil motomaj tsa' bʌ cʌjchi majlel. Tsa' caji i chumtʌl ya' ti Betel. Tsa' caji i cʌntesan winicob bajche' yom mi' ch'ujutesañob lac Yum.

Esdras 1:2

Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Esdras 5:11

Tsi' yʌlʌyob: “X'e'telon lojon i cha'an i Dios Panchan yic'ot Pañimil. Wolic cha' mel lojon ili Templo tsa' bʌ i wa'choco ti wajali juntiquil ñuc bʌ rey i cha'an bʌ Israel.

Nehemias 1:4

Che' bʌ tsa cubi ili t'an tsa' buchleyon. Tsa' cajiyon ti uq'uel. Tsa cuc'ta jini tejclum cha'p'ejl uxp'ejl q'uin. Tsac cha'le ch'ajb yic'ot oración. Tsac pejca Dios am bʌ ti panchan.

Nehemias 2:4

Jini rey tsi' yʌlʌ: Yomcu. ¿Chuqui a wom a c'ajtibeñon? che'en. Mucul jach tsac pejca Dios am bʌ ti panchan.

Nehemias 9:6

Esdras tsi' yʌlʌ: Jatet jach Yumʌlet, c Yum lojon. Tsa' mele panchan, jini ñuc bʌ panchan ya' ba' chumulet. Tsa' mele ja'el pejtel jini chumulo' bʌ ti panchan. Tsa' mele pañimil yic'ot pejtel am bʌ ti pañimil. Tsa' mele ñajb yic'ot pejtel am bʌ ti ñajb. Ma' cʌntan ti pejtelel. Mi' ch'ujutesañetob jini chumulo' bʌ ti panchan.

Job 1:9

Satanás tsi' sube: Mach lolomic mi' c'uxbin Dios jini Job.

Salmos 136:26

Subenla wocolix i yʌlʌ Dios am bʌ ti panchan Come ti pejtelel ora an i yutslel i pusic'al.

Exodo 1:15

Jini rey am bʌ ti Egipto tsi' subeyob i co'ob hebreojob (i c'aba' juntiquil jiñʌch Sifra, i c'aba' yambʌ jiñʌch Fúa):

Exodo 2:13

Che' ti yijc'ʌlal tsa' cha' loq'ui ti xʌmbal. Awilan, woli' jats'ob i bʌ cha'tiquil hebreojob. Moisés tsi' sube jini am bʌ i mul: ¿Chucoch wola' jats' a pi'ʌl? che'en.

Daniel 2:44

Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Oseas 3:5

Che' ñumenix cabʌl ora mi caj i cha' sutq'uiñob i bʌ jini israelob cha'an mi' sʌclañob Dios, i Yum. Mi caj i cha' sutq'uiñob i bʌ cha'an mi' yumañob i Yalobil David, yajcʌbil bʌ ti Dios. Ti jini cojix bʌ q'uin tac mi caj i cha' bʌc'ñañob lac Yum. Mi caj i pijtañob i wenlel ti lac Yum.

Hechos 14:15

Tsi' yʌlʌyob: Winicob, ¿chucoch mi la' cha'len che' bajche' jini? Joñon lojon winicon lojon ja'el che' bajche'etla. Mic subeñetla yom mi la' cʌy jini lolom jach bʌ cha'an mi la' ñop jini cuxul bʌ Dios tsa' bʌ i mele panchan yic'ot pañimil yic'ot colem ñajb yic'ot pejtelel i bʌl.

Hechos 27:23

Come sajmʌl ti ac'ʌlel tsa' wa'le i yángel Dios ba' añon. I cha'añon jini Dios. Mic cha'liben i ye'tel.

Filipenses 3:5

Come tsac ch'ʌmʌ tsep pʌchʌlel che' waxʌcp'ejl jaxto j q'uiñilel. Loq'uemon ti' p'olbal israelob, ti' p'olbal Benjamín. Hebreojon come puro hebreojob c ñojte'el. Fariseojon cha'an ti' jac'ol mandar.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Apocalipsis 15:4

C Yum, ¿am ba winic mach bʌ anic mi caj i bʌc'ñʌbeñet a c'aba', mach bʌ anic mi caj i ñuq'uesʌbeñet a c'aba'? Come jatet jach ch'ujulet. Jini cha'an pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel. Che' tsi' c'ʌyiyob.

Apocalipsis 16:11

Tsi' p'ajayob Dios am bʌ ti panchan cha'an i wocol yic'ot i tsoy. Ma'anic tsi' cʌyʌyob i jontolil.